1 Corintios 3:21 - La'qaatqa ñi qota'olec Qota'olec & Qota'olec Novita Na Qomyipi

²¹ Vichiguiño' qaica ca nemaqajan caqamiri quiyim ỹa'queetalec ca chaqai qom, ma' ná'ogue nanchaqaina huelecna chi ralamaxachii:

1 Corintios 3:21 Iomraidhean Croise

Romanos 4:13

Ma' ñi qota'a ỹachaxan na'le dajo queso Abraham chaqai quena llaalqaipi quiyim qoỹaanem ma'le na 'laua quiyim lalamaxaret la'a'. Qam na' qaỹachaxanapeguem dajo so Abraham, mesqaida quiyim ỹo'ueetetaiquet dá'maq 'naac na naqataxaquipi, ta'ta'a quiyim 'ue da lpi'ỹaxac quiñi qota'olec. Ca' ñi'maxare icoñi'chiguit, ca ỹamata'gue lo'yaxanec ỹale.

Romanos 8:28

Sa'deenqata quiyim ñi qota'olec ỹaqatqajantari' ná'ogue nanchaqaina leloxoỹaxaquipi, ma' ỹahotaque ỹachigoxochichigui cá'maq ỹa'maqachiguiñi llicyaxac nqai'en ná'maq nqo'ta ñi'maxare, quená'maq loỹaxanqatecseripi quiyim ỹahotaque nca'laxatec.

Romanos 8:32

Ma' ñi qota'olec se ỹauotegue so lalamaxaret llaalec, ta'ta'a quiyim ỹaañiguit da lelauaxa coqomá'ogue. Ca ¿huose'quet sqai ỹaanema qomi' ná'ogue nanchaqaina quiyim qaralamaxat?

1 Corintios 4:6

Qamiri ỹaqaỹa', dá'maq shinapegalo qamiri, da'maxare chi ra'maxahi. Ca saloqojnaxangui so Apolos chaqai aỹim, qaiyi qamiri ishit quiyim chigoxochiỹaugui da qana'maqataxac, qaiyi 'yiiñii qaica ca napaguiteguelec quenaua nerecse' na'qaatqa, chaqai qaiyi qaica ca imaqachintac ca liỹa chaqai ca ỹañijintac ca liỹa.

2 Corintios 4:15

Dá'ogue dajo mashic re'oq, ma' qaỹahotaque ca re'maxahi, qaiyi ma' 'xoic ca icoñiguit ca lqouagaxa ñi qota'a, ca qai'neeta 'xoic ca ỹaanshiguim ca na'aachic ma'le, ma' dajo taỹaugui quiyim qaimaqachin ñi qota'a.

2 Corintios 4:5

Ca' quena' sa'xatqatac dajo na'qaatec, se ña'xatqateguelta' qomi'. Ta'ta'a quiyim sa'xatqatac so Jesucristo quiyim chaqaiso só'maq qara'gaxala'. Qam coqomi', ca shinqac qomi' relaataxahi, quedá'maq le'xorenataxanaxa so Jesús.

2 Corintios 6:10

'Eno'm sachicoqota, qam ñaqai qara'maqachiguiñi. 'Eno'm se'xorqata, qam 'xoic na 'ue nqaiyi nqaishinaq. 'Eno'm qaica ca yi coqomi', qam qaica cá'maq souenqataque quená'ogue.

Apocalipsis 21:7

Ca cá'maq rauegaxan ma'le, ca' icoñiguit ma'le ná'ogue najo, 'ec nishiue' nqohin. Ca' ỹim ỹaatqajam ỹim leta'a qota'olec, chaqai ca'maxare ỹaatqajam ỹalamaxaret ỹaalec ma'le.