1 Corintios 3:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qam qaica ca nayinteguelta'. Quiyim 'ue ca ipeeta'a quiyim ỹa'den da llicyaxac da na'deenec huelecna, ca'maxare no'uen quiyim naconaque quiyim 'ec qaica ca ỹa'den, qaiyi ỹaatqajam llic 'ue ca ỹa'den.

1 Corintios 3:18 Iomraidhean Croise

Isaías 5:21

¡'Xoraiqolqa qamiri, ma' 'ñiitapega 'xoic ca ra'yiiñiguii, chaqai 'ñiitapega 'xoic ca naqachiñi!

Jeremías 37:9

Ỹim na'gaxala' sa'ue da ỹaqataxac: Qaica nemaqajnaxaguii, chaqai sqai 'ñiitapega quiyim so caldeoipi chaqa'ma' eec, qam sqaida.

Mateo 13:22

Chaqai asó'maq nanecse tajlec ca hua'ñi ca leesat, ca 'nejem ca qom quiyim 'xaỹa da na'qaatec. Qam imelec ná'ogue nanchaqaina hueetalec na 'laua, ca' da nesallaxa ỹayin, ca dá'ogue dajo ỹapolec da na'qaatec, ca' se ỹa'ue ca laỹaxac cajo qom.

Mateo 18:4

Ca' chaqaida 'neeta, cá'maq paguec lecaic nqohin ma' hueetaugui da lo'ueenataxanaxac ñí'maq neeta'gue da piguim, ca' chaqaica cá'maq nemanachiteta, pilchigui quiyim 'ec noctoqui'.

Marcos 10:15

Ỹaatqajam llic da shinac caqamiri, cá'maq sqai 'neetari' ca noctoqui' quiyim icoñiguit da lo'ueenataxanaxac ñi qota'olec ma' ỹoiquentac ná'ogue najo, ca' se inoxona'a.

Lucas 18:17

Ma' ỹim shinapegalo qamiri quiyim ca ỹacoñiguit da lo'ueenataxanaxac ñi qota'a ma' ỹoiquentac ná'ogue najo quiyim sqai 'nejem ca noctoqui', ca ca'maxare se inoxono.

Lucas 21:8

Ca' so Jesús 'naaco': —Rovichiỹari'o' ma'le, 'neeto' 'ue ca rayiñii. Ma' 'xoic ma'le ca anac, naquetaugui da ỹeenaxat, ca 'naac: “Aỹim chaqaỹim ná'maq nashi nca'laxaqui”; chaqai “Nagui ỹovita yi laloqo'.” Qam qamiri se coỹari'tegue.

Romanos 11:25

Vichiguiño' qamiri ỹaqaỹa', sahotaque quiyim 'yiiñii dá'maq se re'xogui 'ne'tegue ma'le ñi qota'a, qaiyi sqai 'ñiitapega quiyim qamiri 'deenaxanqachaqaqa. Ma' 'ue na Israel laseripi ná'maq ỹaatqajam se na'xaỹaxan, qam ta'ta'a ma' ỹovita ca laloqo' quiyim inoxono ná'ogue ná'maq sqai judío laseripi.

Romanos 12:16

Ỹaatqajam necoñii'jta' queda nachaalataxaguii. 'Neeto' qamiri nemaqajnaxahi', ta'ta'a quiyim naloqojñita'ta' da re'xoriguii. 'Neeto' lotqai 'neetapigui qavillii quiyim qamiri 'deenaxanqachaqaqa.

1 Corintios 15:33

Sqai 'xañiigue quiyim 'ue ca nayinaxaguii. 'Nejem da 'neeta da na'qaatec: “Ca qom se no'uen ishit na'axat ca no'uen no'ueenataxac ca liỹa.”

1 Corintios 3:17

No'm 'ue ca ỹosogui ca lauo' ñi qota'a, ca' ñi'maxare ỹosogoñi cajo qom. Ma' ca lauo' ñi qota'a ỹaatqajam lalamaxat, ca' cajo 'imec chaqainaua nauá'maq qamiri.

1 Corintios 4:10

Chaqai qomi' qaỹamata'que quiyim qaica ca sa'deenaq, sauaxat qolqata'pegue' so Cristo, qam na' qamiri, ca nomachiỹalta' quiyim 'deenaxanqachaqaiqa queso Cristo. Chaqai qomi' qaica ca qarquesaxanaxa, ca' qamiri nomachiỹalta' quiyim qamiri quesaxanaxaiqa. Na qomyipi coqomi' qarenaqaterec, qam qamiri ỹaatqajam 'ue nqohin ca 'ñiigue.

1 Corintios 6:9

¿Sqa 'yiiñio' qamiri dajo, ma' queca ỹo'ueetetac ca se ỹa'maxañi queca liỹa, ca se ishit inoxonou'a ca ñaq naataho lo'ueenataxanaxac ñi qota'a? 'Neeto' lotqai quiita'uegue ca nayinaxaguii, ma' se ishit inoxonou'a ma'le da lo'ueenataxanaxac ñi qota'a ná'maq ñaqai queetalec da nedequenaxac, chaqai na ñaq nqouagaxaintacot ca nashiilec, chaqai na lapaatapi'ñi' aca se loua, chaqai ca hueeta'piguit ca nallishiua, chaqai na cuataxaiquipi, chaqai namataxalaic, ne'taaxai, la'axaqa lo'o', chaqai ỹayin ca liỹa quiyim naqat aca lam.

Gálatas 6:3

Ma' no'm 'ue ca 'neetapigui lauel quiyim 'ue ca 'negue, quiyim qaica ca 'negue, ca' ca'maxare chi nayinteguelta'.

Gálatas 6:7

'Neeto' chi nayiñiteguelta', ma' qaica ca ishit iualaxainari' ñi qota'a. Ma' cá'maq ỹanñi ca qom, ca' chaqaica cá'maq naqat ma'le ca laỹaxac.

Efesios 5:6

Qaica ca ỹayine' qamiri quenaua na'qaatqa qaica ca 'netegue, ma' chaqainaua nauá'maq se no'viiñi nauá'maq chicqochigui dá'maq chalego lichic lonogoxonaxac ñi qota'a quiyim ỹa'ue ca nouaxanaxaset ná'maq se na'xaỹaxana ñi'maxare.

2 Timoteo 3:13

Qam na hualoxonyipi chaqai na 'maatqaiquipi taata'nquira, noquiiqueta'guit ná'ogue na se ỹa'maxañi. Na'maxare rayinaxantac, qam na'maxare qai'neeta qaỹayintac.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

Santiago 1:22

Qam 'viichii cá'maq ỹapaxaguinque qamiri da na'qaatec, mesqai chi na'xaỹaxañitapega, ma' no'm 'ñiitari' dajo, ca 'eco' chi nayiñiteguelta'.

Santiago 1:26

No'm 'ue ca 'neetapigui lauel icoñiguit da na'qaatec, qam se ỹa'den nollaañi ñi lo'legaxanaxat, ca'maxare chi nayinteguelta', ca dá'maq 'neeta quiyim icoñiguit da na'qaatec qaica ca 'negue.

1 Juan 1:8

No'm shinqac qaica ca qarasauaxaset, ca' chi ñayinqateguelta', chaqai cá'maq lliqueta sqaica coqomi'.