1 Corintios 3:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ ¿Sqa 'yiiñio' quiyim qamiri lauo' ñi qota'a, chaqai so Espíritu Santo chicqo'ot ñi'maxare neetanguilo qamiri?

1 Corintios 3:16 Iomraidhean Croise

Ezequiel 36:27

Chaqai sanauguilo qamiri da ño'ueenataxac, ca' so'uet quiyim pacqajñichiguilo naua ỹapaxaguinataxanaxaco chaqai naua ỹaqataxaco;

Juan 14:17

so Espíritu só'maq ichoxot dá'maq ỹaatqajam lliqueta. Na qomyipi hueetalec na 'laua se ishit icoñiguit, ma' se iuana chaqai se ỹa'den. Qam qamiri mashic huañiỹa, ma' mashic hueeto'oto qamiri, chaqai chaqa'ma' liyi no'ueeno'oto qamiri.

Romanos 6:16

Ma' qamiri ỹaatqajam 'yiiñita quiyim no'm nañaañiỹot ca na'coori viitaque quiyim qamiri lelaatqa, ca quecá'maq 'naac, ca' na'xaỹaxañii'ta ca'maxare, ma' na'coori. Ca qaican ỹapaguec no'm quii'uegue da hualoxonqaishic na'xaỹaxañiỹa 'ñiita'gue ca na'coori, ca da'maxare noviraxat ma'le ca nelauaxa, loqo'm na'xaỹaxañiỹa ñi qota'olec, ca quiitalec 'viichitac dá'maq no'uen queda nachaalataxaguii.

Romanos 6:3

¿Sqai 'yiiñiỹo' qamiri quiyim ña'daxau'a so Cristo Jesús quena' qanachilaxane' qomi', ca ña'daxau'a qai'neeta da lelauaxa so'maxare?

Romanos 8:11

Ca no'm neetauguilo qamiri ca ne'Espíritu ñí'maq liỹa nca'laxatec na'le so Cristo Jesús queso lelauaxa, ca' ñi qota'a ñí'maq liỹa nca'laxatec na'le so'maxare, chaqaiñi ñí'maq ỹa'ue ma'le ca dalaxaic nachaalataxac ná'maq roshicmaxahi mashic taata'a yi nelauaxa, chicqochigui nqai'en só'maq ne'Espíritu neetauguilo qamiri.

Romanos 8:9

Qam qamiri totqai quiita'pegue' da lqo'itaxanqachic na roshicmaxahi. Ta'ta'a quiyim quiita'pegue' da lo'ueenataxanaxac so Espíritu, no'm llic neetauguilo qamiri so ne'Espíritu ñi qota'a. Ma' cá'maq sqai neetagui so Espíritu chicqo'ot so Cristo, ca ca'maxare se lalamaxaret so'maxare.

1 Corintios 3:17

No'm 'ue ca ỹosogui ca lauo' ñi qota'a, ca' ñi'maxare ỹosogoñi cajo qom. Ma' ca lauo' ñi qota'a ỹaatqajam lalamaxat, ca' cajo 'imec chaqainaua nauá'maq qamiri.

1 Corintios 3:9

Ma' qomi' no'ueenataxanaxauaripi queda lo'ueenataxanaxac ñi qota'a. Ca' qamiri 'ec qamiri lanaxanqa' ñi'maxare. Loqo'm 'nejem qamiri ca 'imec no'xontegueshiguim ñi qota'a.

1 Corintios 5:6

Qamiri se ỹa'maxañi quiyim nemaqajñii quedá'maq 'viichitac. ¿Sqa 'yiiñio' da na'qaatec ma' 'naac: “Ca cocho'qui' lalegue' na pan ishit pe'taxachigui cá'ogue ca naqaulatec 'aríña”?

1 Corintios 6:16

¿Loqo'm sqa 'yiiñii quiyim quena' ca ỹale o'ñiguit aca 'aalo nedequenaxai, ca' quecaua dos 'neesari' ca 'oonoqui' noshicmaxa? Ma' naua nerecse' la'qaatqa ñi qota'a 'nerac: “Caua dos ỹovirera'a quiyim 'eco' 'oonoqui'.”

1 Corintios 6:19

¿Sqa 'yiiñio' qamiri quiyim na roshicmaxahi mashic lauo' so Espíritu Santo, só'maq ỹaanema qamiri ñi qota'a, chaqai so'maxare mashic neetauguilo qamiri? Ca' qamiri se ralamaxarichii dá'maq no'ueenataxaguii,

1 Corintios 6:9

¿Sqa 'yiiñio' qamiri dajo, ma' queca ỹo'ueetetac ca se ỹa'maxañi queca liỹa, ca se ishit inoxonou'a ca ñaq naataho lo'ueenataxanaxac ñi qota'a? 'Neeto' lotqai quiita'uegue ca nayinaxaguii, ma' se ishit inoxonou'a ma'le da lo'ueenataxanaxac ñi qota'a ná'maq ñaqai queetalec da nedequenaxac, chaqai na ñaq nqouagaxaintacot ca nashiilec, chaqai na lapaatapi'ñi' aca se loua, chaqai ca hueeta'piguit ca nallishiua, chaqai na cuataxaiquipi, chaqai namataxalaic, ne'taaxai, la'axaqa lo'o', chaqai ỹayin ca liỹa quiyim naqat aca lam.

1 Corintios 9:13

Qamiri 'yiiñita quená'maq ỹo'ueetetac nanchaqaina huaugui aca no'ueenaxanaxaqui quiyi Jerusalén, na'maxare chicqaugui aca laseuete da lo'ueenataxanaxac. Dá'maq ỹaatqajam shinac 'neetasa': Quená'maq idaanteguelec aca ncopatoxonaxalate quena' qaỹavigaxat na nachitaxanataxanaxat huaca la'at, na'maxare ỹa'queetac na qaỹoỹoota'oga la'at.

1 Corintios 9:24

Qamiri mashic 'yiiñita quena' 'ue ca lliquinaq ná'ogue nalliquin, qam 'oonoqui' ca ỹacoñiguit ca laueguec. Ca' qamiri ỹaatqajam nalliquiñii, qaiyi coñiguit ma'le ca raviguiguii.

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

1 Timoteo 3:15

qaiyi no'm sqaua' sovi', qam 'yiiñite' cá'maq no'uen no'ueenataxac queca 'óna quena llaalqaipi ñi qota'a, ná'maq qohinac mashic icoñiguit da la'qaatec ñi qota'a ñí'maq ỹaatqajam nca'leetauec, ma' na'maxare nolliitañi dá'maq ỹaatqajam llic leloxoỹaxac chaqai quepaqataxanteguelec.

2 Timoteo 1:14

Richilliro'o' dá'maq mashic pataxalec qami' ñi qota'a quiyim loqoira'a. Ca' qami' ỹotauan so Espíritu Santo só'maq mashic qomi' hueeto'oto.

Hebreos 3:6

Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.

1 Juan 4:12

Ñi qota'a qaica ma' 'ue quet ca iuana. Qam no'm ñi'xoresenaqta', ca' ñi'maxare ỹalequetauguilo qomi', ca' da le'xorenataxanaxa ỹaatqajam nachinchiguiñi coqomi'.