1 Corintios 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Qam queca 'óna ishit ro'xonaxanlec so no'xonaxanaxala' queso 'imec, ro'xonaxana ca oro loqo'm ca plata chaqai ca qa' lo'yaxanec, loqo'm ro'xonaxana ca qo'paq loqo'm ca 'uaqapi chaqai aca noqola late'e.

1 Corintios 3:12 Iomraidhean Croise

Salmos 19:10

¡ỹaatqajam napacalec ca lesega'a cá'maq ỹaatqajam no'uen 'oro!, ¡paguec lo'daxa queca rapic li'i hueetagui aca lapa!

Éxodo 5:12

Ca' so Israel llaalqaipi neuagaxajlec yá'ogue yi Egipto, imitetaque na nanecsec lovi, ỹahotaque ro'ueenataxana, 'ec nqai'en na 'uaqapi.

Isaías 60:17

Saañiraxarom quet na bronce, qam saañiraxarom na 'oro, saañiraxarom quet na fierro, qam saañiraxarom na plata, saañiraxarom quet na qo'paq, qam saañiraxarom na bronce, chaqai saañiraxarom quet na qa', qam saañiraxarom na fierro. Sa'ue quiyim 'ue ca no'daxa caqamiri, chaqai quiyim quiitalec da na'maxa.

Hechos 20:30

Qam ma'le, ca chaqaqamiri chicqochiguinguilo ca ne'laxashiguim rapaxaguiñiigue da la'maachic, se ỹa'xat ca lliqueta, ma' ỹahotaque qoyiguegue quená'ogue ná'maq mashic icoñiguit da na'qaatec.

Romanos 16:17

Ñi'xoresentouguilo qamiri ỹaqaỹarolqa, quiyim na'ijñii'tegue cá'maq reuacqataxantac chaqai cá'maq ro'taqataxantac. Ma' ca'maxare 'eco' npa'guente'e' dá'maq shi'gue 'yiiñii napaxaguinataxaguii. Noỹoochiuec queca'maxare.

1 Corintios 3:11

Ca' vichiguiño' qaica ca ishit liỹa ỹo'viijñi ca mashic qaỹo'viijñi no'xonaxanaxala' queca 'imec, quecá'maq mashic shi'gue qaỹo'viijñi. So'maxare chaqaiso so Jesucristo.

1 Corintios 3:13

Qam ca lo'ueenataxanaxac quiñi 'óna ma'le re'oq ma' ỹovita ca pa'aatec na'xa'a. Ma' queca na'xa'a novi' ma'le ca norec, ca' cajo norec ỹavigaxat ná'maq ỹoreta'oguit no'ueenataxanaxat. Ca' quiyi, ca hua'ñi, ca re'oq cá'maq lo'ueenatec quiñi 'óna.

2 Corintios 2:17

Qam qomi' mesqai 'ec semeenqata'pe naua la'qaatqa ñi qota'a, chaqai mesqai shinqata na liỹa ma' 'xoic na ỹashaxandec yaua na'qaatqa. Ta'ta'a quiyim qaraqamqata queda sa'xatqatac, ca ỹa'deente' qomi' ñi qota'a, ma' qomi' lelaatqa ñi'maxare quiyim so'ueenataxanqot so Cristo.

2 Corintios 4:2

Ná'maq qaỹo'uet, qam qoỹoxotetañi, ca' se seconaxaguit, chaqai ná'maq ỹo'uet ca nayiloxo. Se sayinaxanqatac, chaqai se saỹoxosoxonqasapeguec naua la'qaatqa ñi qota'a. Ta'ta'a quiyim qaidaata dá'maq lliqueta dá'maq sa'xatqatac, ca' canchaqaica quená'ogue na qomyipi qara'deenta, ca' dajo ỹa'ajantac ñi qota'a.

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

1 Timoteo 6:3

Ca no'm 'ue ca rapaxaguinataxanegue cá'maq se leloxoỹaxac chaqai ca'maxare se nachiñiguit dá'maq 'maxaraic napaxaguinataxanaxac chicqo'ot so qara'gaxala' Jesucristo, chaqai quedá'maq qanapaxaguinataxac quedá'maq seuaqlec,

2 Timoteo 2:20

Queca 'imec lodegaxat mesqaicaata ca nouenec lo'yaxanec chicqaugui na oro loqo'm ca plata hueetaugui. Qai'neeta 'ue na chicqaugui na qo'paq, loqo'm na 'laua. 'Ue na ta'chiguit 'ueetaxat, chaqai 'ue na chi nouenec.

2 Timoteo 3:13

Qam na hualoxonyipi chaqai na 'maatqaiquipi taata'nquira, noquiiqueta'guit ná'ogue na se ỹa'maxañi. Na'maxare rayinaxantac, qam na'maxare qai'neeta qaỹayintac.

2 Timoteo 3:7

ỹaatqajam ỹahotaque 'ue ca ỹa'den, qam se ishit quiyim ỹa'den cá'maq ỹaatqajam lliqueta.

2 Timoteo 4:3

Ma' 'uo' ma'le ca na'xa'a quiyim na qomyipi tot ishit na'ñaxachiguit cá'maq no'uen napaxaguinataxanaxac. Ta'ta'a quiyim quelec da chi lqo'itaxanqachic, ca' ỹahotaque quiyim 'xoic ca napaxaguinatqo' quiyim qaỹapaxaguinegue qaicaata cá'maq nqo'ta 'xaỹa.

Hebreos 13:9

'Neeto' quiita'pegue' na ỹoreta'oguit se qaiuanapega napaxaguinataxanaxaquipi. Paguec la'maxa quiyim añi qare'taxanata icoñiguit da lquesaxanaxa chicqochigui da le'xorenataxanaxa ñi qota'a, mesqai da llicyaxac ca na'ic; ma' nauajo llicyaxaco na na'ic se iuanapega quiyim ỹa'maxajñi quet ná'maq queetalgoto naua'maxare.

1 Pedro 1:7

Ma' da rpi'ỹaxaguii 'neetari' ca 'oro, ca' ỹouen quiyim qai'guen, qaỹahote'e ca norec, qaiyi re'oq cá'maq ỹaatqajam loyac. Da npi'ỹaxac quiyim ca'laxatauec ca ne'guenaxac, ca' paguec loyac queca 'oro, ma' ca'maxare tai'a quiyim imeuo. Ca' vichiguiño' da rpi'ỹaxaguii qamiri quiyim qai'guen, ca re'oq quiyim qaỹa'maxarenta chaqai qaimaqachin da loyac ma' ỹovita quiyim liỹa re'oq so Jesucristo.

Apocalipsis 2:14

Qam 'vii nauá'maq se yqo'talo caqami'. Ma' quená'maq ñi'sa'ñi Pérgamo ñaqa 'vii nauá'maq saqa' ỹaxañiñi da lapaxaguinataxanaxac so Balaam, só'maq 'naapego' na'le so Balac quiyim so Israel llaalqaipi ỹa'ic ná'maq nachitaxanataxanaxat mashic qoỹaanot ca nashiilec nqolac, chaqai quiyim queetalec da se no'uen lamaanaxanqachic na loshicmaxa, ca chicqochiquio' na'le ca lasauaxaset.

Apocalipsis 21:18

Ca' sojo nquepaqataxanaxat, co'na' qano'xonshiguim, ca' qaỹahote'e na qa' leenaxat jaspe. Chaqai na no'ueenataxat so na'a' nodaachiguiñi 'oro, na'maxare 'ec na chaañi co'teeta richaauec.

Apocalipsis 3:18

Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.