1 Corintios 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca aỹim shintam ca nashi queca 'imec lo'ollipi, ma' ñi qota'a ỹamaxailec quiyim sa'auaxanñi so no'xonaxala' ca 'imec, ca' na liỹaripi no'xonshiguim so'maxare. Qalaxam quiñi 'óna ỹouen quiyim ra'ijlec ca leloxoỹaxac quiyim no'xonshiguim.

1 Corintios 3:10 Iomraidhean Croise

Proverbios 9:1

Da na'deenaxanaxa no'xonshiguim ca lauo', siete nqai'ne' naua nenojnaxal;

Eclesiastés 12:9

Ca na' ỹovita quiyim paguec na la'deenec so netaxaỹaq, ca paguec da la'deenec nqai'en na qom. Chaqai qai'neeta quelec quiyim napaxaguina na 'xoic llicyaxac na na'qaatec chaqai nca'ata', ca ỹa'maxachichiguiñi.

Zacarías 4:9

“Ñi Zorobabel ỹa'vii naua no'xonaxalate' najo no'ueenaxanaxaqui. Ca' chaqaiñi ñí'maq ỹomat ma'le.” Ca' qaigueme 'yiiñii qamiri ma'le chaqaiñi ñi qara'gaxala' sqaica ca lqalanec quiyim chaqaiñi ñí'maq yila'.

Mateo 24:45

¿Nega'ỹo' cá'maq nelaatec qamaxaraic chaqai 'deenaxanqachaqaic, cá'maq reloxoỹa'a nqai'en sá'ogue so la'a' ca na'co' quiyim qui'ỹaxanac quiyim ỹovita ca laloqo'?

Mateo 7:24

Ca' chaqaida 'neeta quecá'maq 'xaỹa aỹim, ca' ỹo'uet dá'maq ỹa'qaatec, ca 'nejem nqaishin ca qom 'deenaxanqachaqaic quiyim ỹanejlec ca qa' quiyim ỹa'yiñi ca lauo'.

Lucas 11:35

Rovichirari'o' 'neeto' aca rcoỹeraxanaxagui'i' 'ec ca napalaxa.

Lucas 21:8

Ca' so Jesús 'naaco': —Rovichiỹari'o' ma'le, 'neeto' 'ue ca rayiñii. Ma' 'xoic ma'le ca anac, naquetaugui da ỹeenaxat, ca 'naac: “Aỹim chaqaỹim ná'maq nashi nca'laxaqui”; chaqai “Nagui ỹovita yi laloqo'.” Qam qamiri se coỹari'tegue.

Hechos 18:27

Ca co'na' so Apolos ỹahotaque taigue yi 'laua Acaya, ca' so nqaỹaripi sá'ogue ỹa'maxarenta. Ca qaỹa'uo' aso lere tai'a so mashic ỹacoñiguit da na'qaatec na'ñi yi Acaya, qaiyi ỹaatqajam qaidaañi'chiguit so'maxare. Ca co'na' ỹovita yi Acaya, ca' so'maxare ỹaatqajam ỹotauan ná'maq mashic icoñiguit da na'qaatec, ná'maq queda chi lqouagaxa ñi qota'a quiyim huelec ñi'maxare.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

Romanos 12:3

Ma' quedá'maq lqouagaxa ñi qota'a caỹim, ca yilarelec dajo ỹo'ueenataxanaxac, ca shinac dajo caqamiá'ogue quiyim qaica quet cá'maq ỹoiquentac quiyim napacqajan queca chi la'deenataxanaxac. Ta'ta'a quiyim quiñi 'óna ỹa'maxate'tegue ca la'deenataxanaxac quecá'maq laloqo' ca lpi'ỹaxac qoỹaanem quiñi qota'a.

Romanos 15:15

Qam canajo ilaata sahotaque quiyim sa'xateta ná'ogue na'maxare, qaiyi se couahi'e. So'uet, ma' chicqochigui da lqouagaxa ñi qota'olec quiyim ỹa'ue da ỹo'ueenataxanaxac,

Romanos 15:20

Ca' ñquipita'pegue' sa'xat da nca'laxa quená'maq saqa' iuanapega 'xaỹa da leenaxat so Cristo, qaiyi sqai shinta cá'maq no'xonshiguim ca 'imec quiyim ỹoqa'a cá'maq ỹo'viijñi cá'maq no'xonaxala'.

1 Corintios 3:11

Ca' vichiguiño' qaica ca ishit liỹa ỹo'viijñi ca mashic qaỹo'viijñi no'xonaxanaxala' queca 'imec, quecá'maq mashic shi'gue qaỹo'viijñi. So'maxare chaqaiso so Jesucristo.

1 Corintios 9:2

Qam no'm 'ue na saqa' huelec quiyim aỹim lelaatec so Jesús, qam qamiri se ishit quiyim sqai viilec, ma' aỹim ná'maq 'em viilec so qara'gaxala'. Ca' chaqaida dá'maq re'oq nqai'en quiyim ỹaatqajam aỹim lelaatec so Jesús.

2 Corintios 10:15

Chaqai se spa'axalec cá'maq shi'gue lo'ueenatec ca liỹa qom quiyim 'ec qaralamaxat. Ta'ta'a quiyim sahoqotaque nqo'neuec ca rpi'ỹaxaguii, ca nqo'neuec ca qaro'ueenataxanaxac caqamiri. Qam se ñapacqalec cá'maq lqodoc ná'maq qaro'ueenataxanqa'.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

Colosenses 1:29

Ca' chaqaida dá'maq 'em quiyim ña'ñaxat, so'ueenataxan quedá'maq ỹa'ñaxac chaqai da iquesaxanaxa chicqo'ot so Cristo.

Colosenses 4:17

Chaqai 'ñiỹaco' ma'le dajo queca Arquipo, 'ñiỹapego' quiyim ỹaatqajam ipaquejlec ỹomachichigui dá'maq lo'ueenatec qoỹaanem queso qara'gaxala'.

1 Tesalonicenses 3:2

Ca' selaraq so qarqaỹa Timoteo quiyim ra'ỹa'alo qamiri. Ma' so'maxare lelaatec ñi qota'a chaqai qaro'ueenataxanaxaua na' sa'xataq da na'qaataxac so Cristo, ma' so'maxare ishit quiyim ra'ñaxachii chaqai quiyim i'taxajñi ca rpi'ỹaxaguii,

1 Timoteo 4:16

Qam ỹaatqajam richilliralta' qami', ra'i'terelec dá'ogue dá'maq rapaxaguinataxanaxaqui', ỹaatqajam quiiterelec dá'maq sa'xatetac. Ca no'm 'viichi' dajo, ca ỹovireta'a quiyim qanca'laxatec qami' chaqai ná'ogue ná'maq na'xaỹaxantapega qami'.

2 Timoteo 2:15

Ỹaatqajam nañaañitot ñi qota'a, 'ñiite'm ca no'ueenataxanqajnec ỹaatqajam ỹaqamqata. Ca' qaica ca nayiloxontaque, ta'ta'a quiyim ỹaqamaxateta ỹa'xat dá'maq na'qaatec ỹaatqajam lliqueta.

Santiago 3:1

Qamiri ỹaqaỹarolqa, 'neeto' 'xoic ca napaxaguinataxanaq caqamiri, ma' mashic 'yiiñii quiyim qomi' mashic sapaxaguinataxanqatac paguec lecaic ca qanouaxanaxaset ma'le, mesqai shinqata na qariỹaripi.

1 Pedro 4:11

No'm 'ue ca retaqa, ca' caua la'qaatqa 'neete'm caua la'qaatqa ñi qota'a. Chaqai no'm 'ue ca qoỹaanem ca lo'ueenataxanaxac, ca ỹo'uet, qam ỹahote'e dá'maq lquesaxanaxa qoỹaanem quiñi qota'a. Chaqai quená'ogue ná'maq qaỹo'uet tai'a nqohin quiyim qaimaqachin ñi qota'a chicqochigui so Jesucristo. Ma' sqaica lqodoc da lauaq chaqai da lquesaxanaxa ñi qota'a. Ajá'a, chaqaida 'neeta dajo.

2 Pedro 3:15

Ca' 'yiiñitapega da leualaxavic ñi qara'gaxala' coqomi'. Da'maxare tai'a da qarca'laxa. Chaqaida 'neeta dá'maq ỹiriñi na'le caqamiri so qanauochaxaua qarqaỹa Pablo na' ỹiriñi da la'deenec chicqo'ot ñi qota'a.

Apocalipsis 21:14

Ca' so napoxonaxat queso na'a' lodegaxat qaỹo'xontalgoto saua doce qari, qoỹeretalgoto saua leenqate' saua doce lelaatqa so 'ec qagreta llaalec.

Apocalipsis 21:19

Ca sauá'maq qari no'xonaxalate' so nquepaqataxanaxat no'ueetaxat ná'maq ỹaleque'ejta' no'uen qa'. Só'maq 'auaxaic leenaxat jaspe, chaqai so liỹa leenaxat zafiro, chaqai so liỹa leenaxat ágata, chaqai so liỹa esmeralda,