1 Corintios 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Vichiguiño' na' setaqatac sa'xatetac da na'qaatec, qam se sahota'ahi caua 'deenaxanqachaqaic la'qaatqa, qaiyi ma' pi'iỹa'a da na'qaatec, qaisoota chicqo'ot so Espíritu Santo chaqai da lquesaxanaxa ñi qota'a.

1 Corintios 2:4 Iomraidhean Croise

Jeremías 20:10

Sa'xaỹa quen na qomyipi remootetecta', 'naac: “¡Da lichic qaica ca ỹochiỹa'gue!” 'Nerac: “¡Ỹalahi, qolaq, salaxanaxague!” Vire'ta na ñauochaxauaripi nauaantailec quiyim 'ue ca so'maqajnac. 'Nerac: “Sqoue nañaanta quiyim sayinaq; ca ma'le, ca' qodoxonec, ca ma'le, ca' sahoqe ca qarovi' queda'maxare.”

Hechos 20:27

Ma' ỹaatqajam sa'xateta dá'ogue da ỹahotaque ỹo'uet ñi qota'a. Qaica ca soxotetañi.

Hechos 26:28

Ca' so Agripa 'naaco': —Saqa'leca cocho'qui', ca yishichi' quiyim shiguelec so Cristo.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

Romanos 15:19

chaqai da lquesaxanaxa na netanqaipi chaqai na se qaiuanapega, chaqai da lquesaxanaxa so Espíritu Santo. Ca' quedajo, ca imigui quiyim sa'xat da na'qaatec chicqaugui da nca'laxa chicqo'ot so Cristo, chicqochi'ñi yi Jerusalén chaqai naua'que naua lahil yi 'laua, chi ỹovireta'a yi Ilírico.

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

1 Corintios 1:17

Ma' so Cristo se yila' quiyim sachilaxanataxan, ta'ta'a quiyim sa'xatetac da nca'laxa. Qam se souen da chi la'deenaxanaxa ca chaqai qom, qaiyi se so'taxat quiyim 'ec sqaica ca 'negue da lelauaxa so Cristo na' qaipateno.

1 Corintios 2:1

Vichiguiño' qamiri ỹaqaỹa', na' sovitalo qamiri, ca sa'qaataxanalo qamiri queda lliqueta na'qaatec chicqo'ot ñi qota'a, qam se souene' naua la'qaatqa na 'ue na ỹa'den, chaqai naua qalaraqa na'qaatqa.

1 Corintios 2:13

Qam qomi' quena' sa'xataq dajo quena' sa'xataxai' naua na'qaatqa, ca ỹapaxaguine' qomi' so Espíritu chicqo'ot ñi qota'a, ca' mesqainaua quiyim chi sachigoxotqaugui da chi qara'deenaxanaxa. Qam dajo 'neeta da sa'xataq naua se re'xogui leloxoỹaxaco quiyim sa'xatqaem cá'maq mashic neetagui so Espíritu Santo.

1 Corintios 4:20

Ma' da lo'ueenataxanaxac ñi qota'a ma' ỹoiquentac ná'ogue najo, da'maxare se nodaachiriñi na'qaatqa, ma' da'maxare ỹaatqajam nquesaxanaxa.

2 Corintios 6:6

Chaqai re'oq qai'neeta nqaishinaq quiyim qomi' lelaatqa ñi qota'a quedá'maq 'maxaraic qano'ueenataxac, quiyí'maq qara'deenaxanaxa quedá'maq lliqueta, queda qareualaxavic, chaqai da qarqouagaxa, quedá'maq quiyim hueetauguilo qomi' so Espíritu Santo, chaqai dá'maq ỹaatqajam nachinchiguiñi qare'xorenataxanaxa,

Gálatas 1:10

Ca quena' shinac dajo, ca ¿peeta'a chi sahotaque ỹa'maxarenta ỹim na qomyipi, loqo'm ñi qota'a? Loqo'm ¿sahotaque yiuojonta na qomyipi? Ma' quet ñaq sahotaque quiyim ỹa'maxarenta ỹim na qomyipi, ca sqaỹim lelaatec so Cristo.

Colosenses 2:4

Ca sa'xatema qamiri dajo, qaiyi qaica ca ỹayine' qamiri, 'eno'm 'ue ca 'maxaraqa caua la'qaatqa.

1 Tesalonicenses 1:5

Ma' na' qomi' sa'xataq caqamiri da na'qaatec chicqaugui da nca'laxa, mese nodaachiriñi naua chi qara'qaatqa, ma' qai'neeta da lquesaxanaxa so Espíritu Santo, chaqai ỹaatqajam sa'deenqata quiyim dá'maq sa'xatqatac ỹaatqajam lliqueta. Qamiri 'yiiñita dá'maq qana'maqataxac na' salecqatauguilo qamiri, ma' sahoqotaque quiyim ra'maxaiñi.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.

2 Pedro 1:16

Da napaxaguinataxanaxac saanqaema qamiri na'le na' sa'xatqatac da lquesaxanaxa chaqai liỹa rapil so qara'gaxala' Jesucristo, da'maxare sqa chicqaugui nqaishinaq cá'maq chi no'ueenatec na'qaataxanaxac. Ta'ta'a quiyim quenauá'maq qanqote' seuanqachigui na'le da lecaic so qara'gaxala'.

2 Pedro 2:18

Ma' nemaqajnaxai quena' retaqa, qam qaica ca 'netegue naua la'qaatqa. Ma' ỹachigoxochichigui da lamaanaxanqachic quenanchaqaina chaqai na se no'uen lamaanec na qom loshicmaxa, ca' ỹashaxanec ná'maq mashic qohitauec quená'maq ñaqai hueetaugui da no'maxac.

Jueces 16:5

Ca' so lashillipi na filisteoipi quepegue' aso Dalila, ỹahotaque quiyim retaxaỹa'pegue', 'naaco': —Yiñi' ma'le so Sansón, chaqai nachi' quiyim negue' ca ỹachigoxota'gue dá'maq chalego lquesaxanaxa qaica 'nejem, chaqai negue' quet cá'maq shinqata'gue quiyim qodoxonec, qaiyi seconaxalec, ca' scoñirqañi. Ca no'm 'viichi' dajo, ca' quiñi 'óna coqomi' saanqairaxarom mil cien ana nam plata.