1 Corintios 2:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam ca qom neetagui so Espíritu ishit ra'ỹaauec ná'ogue nanchaqaina, qam ca'maxare qaica ca ishit nimichiguit.

1 Corintios 2:15 Iomraidhean Croise

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

Hechos 16:3

Ca' so Pablo ỹahotaque liỹa so Timoteo, vichiguiño' ỹa'ue so netanec na loshicmaxa, qaiyi qaica ca qohinegue quena judioipi quená'maq na'ñi yi'maxare, ma' sá'ogue ỹa'deenta quiyim so leta'a griego le'ec.

1 Corintios 14:37

No'm 'ue ca pe'taxantaque quiyim mashic la'qaataxanqajnec ñi qota'a, loqo'm pe'taxantaque quiyim mashic icoñiguit so Espíritu Santo, ca 'maxaraic quiyim ỹa'deena'a dá'maq seretegueñi caqamiri, ma' da'maxare laqataxac so qara'gaxala' Jesús.

1 Corintios 3:1

Ca' quedá'ogue dajo, ỹaqaỹarolqa, aỹim se seshit quiyim setaqauguilo qamiri shintari' meca qom mashic neetagui so Espíritu Santo. Chaqaidaata quiyim shintari' ca qom ñaqai queetaugui da la'aachicyaxac, ma' qamiri 'eco' ñaqai noctoqui' da rpi'ỹaxaguii queso Cristo.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

Gálatas 6:1

Qamiri ỹaqaỹa', no'm 'ue ca 'óna caqamiri ỹo'ma'guit ca lasauaxaset, ca' qamii ma' mashic ta'ñiguilo so Espíritu, ca' tauañii, qaiyi ne'laxashiguim. Qam chicqochigui nqai'ñii añi re'taxanatahi ca neneequesenaxaguii. Chaqai ca 'óna no'm ỹo'uet, qam netelañi, 'neeto' lotqai ca'maxare qai'neeta qai'guen.

Filipenses 1:10

chaqai 'yiiñii nca'aiua'a cá'maq ỹaatqajam ỹa'maqachiguiñi. Qaiyi ỹaatqajam co'teeta da nachaalataxaguii, qaiyi qaica ca 'ue ca lasauaxaset ma' novi' so Cristo.

Colosenses 1:9

Vichiguiño' qomi' quecá'maq na'xa'a na' novi' da qara'xaỹaxac, chaqa'ma' se neme ñqouagaxainqatalgoto qamiri, sashiilqatac ñi qota'a quiyim ỹa'deenaxanaxanque qamiri cá'maq ỹahotaque ñi'maxare, chaqai quiyim ỹaanema qamiri ná'ogue nanchaqaina na'deenaxanaxa quiyim 'yiiñichigui na se re'xogui chicqo'ot so Espíritu.

1 Tesalonicenses 5:21

Qam 'guiñii ná'ogue, ca cá'maq ỹa'maqachiguiñi, ca' chaqaica cá'maq 'maxachii.

Hebreos 5:14

Ma' ná'maq ỹaatqajam na'ic ta'chiguit ná'maq qom mashic ỹi, ná'maq mashic ra'deenataxan, ná'maq mashic ỹa'den quiyim retan ca lo'yaxanec chaqai ca se no'uen.

1 Juan 2:20

Qam so Cristo ỹaanema qamiri so Espíritu Santo, ca' qamiá'ogue mashic 'ue ná'maq ra'yiiñiguii.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.