Biblia Todo Logo
Bìoball air-loidhne

- Sanasan -




1 Corintios 2:14 - La'qaatqa ñi qota'olec Qota'olec & Qota'olec Novita Na Qomyipi

14 Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.

Faic an caibideil Dèan lethbhreac




1 Corintios 2:14
36 Iomraidhean Croise  

Qam so Jesús naqalgoxoñi, ca 'naaco' queso Pedro: —¡Qami' na'ỹaapec, oquire'e aỹim! Ma' yo'taxachi'sac. Da ra'deenataxanaxaqui' sqai 'nejem da la'deenataxanaxac ñi qota'olec, ta'ta'a quiyim chaqai qom la'deenataxanaxac.


Ca 'xoico' só'maq 'naaco' quen: —¿Chi'negue dá'maq na'xaỹaxañitapega, ma' 'ue ñi neetagui chicqo'ot so na'ỹaapec, chaqai mashic quishiuguet?


Ca 'eno'm so Jesús 'xoic na ỹo'uet quena netanec se qaiuanapega iuanchigui nqai'ne' saua'maxare, qam qaiyiita se qoyiuelec.


so Espíritu só'maq ichoxot dá'maq ỹaatqajam lliqueta. Na qomyipi hueetalec na 'laua se ishit icoñiguit, ma' se iuana chaqai se ỹa'den. Qam qamiri mashic huañiỹa, ma' mashic hueeto'oto qamiri, chaqai chaqa'ma' liyi no'ueeno'oto qamiri.


Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.


Qam ma' novi' cá'maq ỹotauane' chaqai ỹa'ñaxate' qamiri, ca Espíritu cá'maq ichoxot dá'maq ỹaatqajam lliqueta, ñila' ma'le chicqo'ot ñi qota'a, ca'maxare ỹa'xat ma'le aỹim.


¿Negue' cá'maq 'neeto' quiyim 'ue ca viilec qamiri quiyim coñi'chiguit ca lemaqajnataxanaxa quiñi 'óna 'nejemalam, qam sqai michiỹaque cá'maq nemaqajnataxanaxa chicqo'ot ñí'maq qaiñiita qota'olec?


¿Chi'negue ma' sqa 'yiiñii dá'maq sa'xat caqamiri? Peeta'a ma' sqai ỹaatqajam na'xaỹaxañiỹa dá'maq sa'xatetac.


Ca 'uo' aso 'aalo leenaxat Lidia chicqa'gue da na'a' Tiatira. So'maxare imeenac na lo'yaxanec lo'lo loqquiric, naueralec da letogaxa. Aso 'aalo ỹaatqajam queetalec ñi qota'a, ca na'xaỹaxantac. Ca' ñi qara'gaxala' ỹauachigui añi le'taxanata, qaiyi na'xaỹaxane'ta da la'qaatec so Pablo.


Qam 'vio' saua ỹale' napaxaguinsapega da lapaxaguinataxanaxac na leenaxat epicúreo, chaqai na liỹaripi napaxaguintapega da lapaxaguinataxanaxac na leenaxat estoico, ca' chaqaina na retaqata'pegue' so Pablo. 'Uo' na 'naac: —¿Negue' ca ỹa'xatetapeguema qomi' da ỹale? Ma' 'xoic da letaxaỹaxac. Ca 'uo' na naashiguim, 'naac: —'Ec talaxanteguelec ca ỹoqa'a qota'olqaipi. Ỹa'xat dajo so qomyipi, ma' qana'xaỹaxantapega quiyim ỹa'xatetac so Jesús chaqai quecá'maq ileu, ishit liỹa nca'leuec.


Ca' sojo qomyipi co'na' 'xaỹa dajo quiyim na leuaxaic liỹa nca'leuec, ca 'uo' na i'neetac. Qam na liỹaripi 'naaco': —Ma' liỹa, ca ña'xaỹaxanaxa qami' quedajo, ma' liỹa 'xachi' dajo.


Qam quecaua chi na'qaatqa, chaqai queca chaqai neenaxat, quedá'maq chi no'ueenataxaguii, da'maxare chi na'maxachiigui, ma' ỹim sqa ỹoiquenatec dajo.


Chaqaidaata dá'maq 'nerac saua'maxare quiyim qanoquii'a ñi'maxare ma' souetapigui quiyim sqai quelec dá'maq huelec na judioipi, ma' qanoqollictetapigui ca leenaxato' Jesús, ma' ca'maxare shi'co' ileu, qam ñi Pablo 'naac nca'leetauec.


Ma' da na'qaatec queda lelauaxa so Cristo na' qaipateno 'eco' chaqai mogollishic quená'maq tai'a quiyim na'laañi. Qam qomi' ma' saaqa'a da nca'laxa, ca' dajo na'qaatec lquesaxanaxa ñi qota'a.


Ca ma' ñi'maxare ỹa'deentalec cá'maq ỹo'uet, ca ỹo'uet quiyim se qaỹa'den quená'maq na'deenaxanaxa huelecna. Chaqaidaata quiyim ỹahotaque nca'laxatec ná'maq huelec ñi'maxare, chicqochigui nqai'en da la'qaatec, 'eno' 'ec mogollishic quená'maq liỹa qomyipi.


Qam qomi' sa'xatqatac da na'qaatec na' so Cristo qaipateno. Na judioipi quena' 'xaỹa da na'qaataxanaxac, ca ỹaatqajam npocoxolec, chaqai quena mesqai judío laseripi quena' 'xaỹa, 'eco' 'nejem ca chaqai mogollishic nqai'en.


Ma' dá'maq quena qomyipi 'neetapega chaqai mogollishic chicqo'ot ñi qota'a, da'maxare napacalec ná'ogue na na'deenec huelecna; chaqai dá'maq 'neetapega quiyim 'eco' qaica ca lquesaxanaxa chicqo'ot ñi qota'a, da'maxare napacalec ná'ogue na nquesaxanaxa hueetalecna.


Qaishinñi na re'qoochigui noshicmaxa, qam ma' qanca'laxatec, ca' na'al. 'Ue na noshicmaxa re'qoochigui, chaqai 'ue na noshicmaxa na'al.


Qam só'maq na'al mesqaiso só'maq 'auaxaic. Ta'ta'a dá'maq re'qoochigui, ca co'uaataxanta só'maq na'al.


Qam qomi' se seconaxaguit ca 'ueenataxac hueetalec najo. Qaisoota so Espíritu chicqo'ot ñi qota'a, chaqaiso so seconaxaguit, qaiyi sa'deenaq cá'maq lqouagaxanaxat ỹaanema qomi' ñi'maxare.


Ca' quedá'ogue dajo, ỹaqaỹarolqa, aỹim se seshit quiyim setaqauguilo qamiri shintari' meca qom mashic neetagui so Espíritu Santo. Chaqaidaata quiyim shintari' ca qom ñaqai queetaugui da la'aachicyaxac, ma' qamiri 'eco' ñaqai noctoqui' da rpi'ỹaxaguii queso Cristo.


Ma' dajo mesqaida dá'maq na'deenaxanaxa chicqo'ot ñi qota'a, ta'ta'a quiyim na'deenaxanaxa huelec na 'laua, chaqai chi la'deenataxanaxac ca qom, chaqai chaqaiso so na'ỹaapec chicqo'ot.


Qam so Cristo ỹaanema qamiri so Espíritu Santo, ca' qamiá'ogue mashic 'ue ná'maq ra'yiiñiguii.


Qam mashic coñiguit so Espíritu Santo só'maq ỹaanema qamiri so Jesucristo. Ca' tot repaguitaque quiyim 'ue ca ỹapaxaguine' qamiri, ma' chaqaiso só'maq Espíritu só'maq ỹapaxaguinque qamiri ná'ogue nanchaqaina, qam naua lapaxaguinataxanaxaco ỹaatqajam lliquete', mese na'maachic. Ca' chaqaida 'neetari' da nachaalataxaguii na'deetau'a nqai'ñii so Cristo, ma' chaqaida dá'maq lapaxaguinataxanaxac so Espíritu.


Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.


Ca' chaqaina ná'maq ỹo'uet quiyim shicchigui na qomyipi, ca chaqai que'uegue ná'maq ỹo'ueetetac na loshicmaxa, chaqai na'maxare sqai neetagui so ne'Espíritu ñi qota'a.


Lean sinn:

Sanasan


Sanasan