1 Corintios 2:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam qomi' quena' sa'xataq dajo quena' sa'xataxai' naua na'qaatqa, ca ỹapaxaguine' qomi' so Espíritu chicqo'ot ñi qota'a, ca' mesqainaua quiyim chi sachigoxotqaugui da chi qara'deenaxanaxa. Qam dajo 'neeta da sa'xataq naua se re'xogui leloxoỹaxaco quiyim sa'xatqaem cá'maq mashic neetagui so Espíritu Santo.

1 Corintios 2:13 Iomraidhean Croise

Lucas 12:12

Ma' quiyim ỹovita ca laloqo' quiyim taxahi, ca' so Espíritu Santo ỹapaxaguinguelo qamiri cá'maq leloxoỹaxac ca ra'qaachiguii.

Hechos 2:4

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

1 Corintios 1:17

Ma' so Cristo se yila' quiyim sachilaxanataxan, ta'ta'a quiyim sa'xatetac da nca'laxa. Qam se souen da chi la'deenaxanaxa ca chaqai qom, qaiyi se so'taxat quiyim 'ec sqaica ca 'negue da lelauaxa so Cristo na' qaipateno.

1 Corintios 14:2

Ma' cá'maq qom quiyim ỹa'xate' naua se qaiuanapegalo na'qaatqa retaqata'pegue' ñi qota'a, qam mesqai na qom, ma' qaica cá'maq ỹa'den da ỹa'xatetac. Quena' qaitaxaỹaxan queso Espíritu, ca 'ue dá'maq ỹa'xatetac, qam se qara'xaỹa.

1 Corintios 2:1

Vichiguiño' qamiri ỹaqaỹa', na' sovitalo qamiri, ca sa'qaataxanalo qamiri queda lliqueta na'qaatec chicqo'ot ñi qota'a, qam se souene' naua la'qaatqa na 'ue na ỹa'den, chaqai naua qalaraqa na'qaatqa.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.

1 Corintios 2:4

Vichiguiño' na' setaqatac sa'xatetac da na'qaatec, qam se sahota'ahi caua 'deenaxanqachaqaic la'qaatqa, qaiyi ma' pi'iỹa'a da na'qaatec, qaisoota chicqo'ot so Espíritu Santo chaqai da lquesaxanaxa ñi qota'a.

1 Corintios 9:11

Ma' quiyim qomi' sanqategueñi dá'maq se re'xogui caqamiri chicqo'ot so Espíritu Santo, ca' ¿peeta'a se leloxoỹaxaco' quiyim qomi' ñaqataq chaqai seconaxaguit ca re'qoochigui chicqauguilo qamiri?

Efesios 5:19

Chaqai quiñi 'óna quiyim retaxaỹa'pegue' ca liỹa, qam ỹahote'e quená'maq ỹoreta'oguit no'ueenaxanaxaquipi chicqo'ot so Espíritu. Chaqai machiỹauec ñá'ogue añi re'taxanatahi quiyim 'ueenaxañitac chaqai maqachiñitac so qara'gaxala'.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.

2 Pedro 1:16

Da napaxaguinataxanaxac saanqaema qamiri na'le na' sa'xatqatac da lquesaxanaxa chaqai liỹa rapil so qara'gaxala' Jesucristo, da'maxare sqa chicqaugui nqaishinaq cá'maq chi no'ueenatec na'qaataxanaxac. Ta'ta'a quiyim quenauá'maq qanqote' seuanqachigui na'le da lecaic so qara'gaxala'.