1 Corintios 16:2 - La'qaatqa ñi qota'olec Qota'olec & Qota'olec Novita Na Qomyipi

² Ca quena' ỹovire'oga ca 'auaxaic na'xa'a cayi semana, ca' quiñi 'óna caqamiri ỹa'ue aca ỹoỹoote'oga cacá'maq chi nalootau'a. Ca' ỹa'maxat, qaiyi se qaỹo'uet quiyim 'ue aca qalapon notaanaxanqate ma' sovitalo qamiri.

1 Corintios 16:2 Iomraidhean Croise

Génesis 26:12

Ca danaxano' na'le queso ñaaxa so Isaac queso 'laua, ca' chalego loyac na' lapoon so lanec ala, ma' ñi qara'gaxala' no'ueenaxat so lanec.

Génesis 30:27

Qam so Labán 'naaco' queso'maxare: —Qouaquiric, ro'viiñirañi, chaqai 'ñi'sari' ñiiso'ot aỹim, ma' mashic senataxanteguelec qami', ca' sa'den quiyim ñi qara'gaxala' 'ue da lqouagaxa caỹim chicqochigui qami'.

Génesis 30:30

Ma' sqo vito'olli' caua qalohi' na' saqa' ñovi', chaqai quiyim chaqa'ma' nqo'neuec na' ñovi', ca ñi qara'gaxala' nqouaguegue qami', qam ¿laquio' chi so'ueenataxanlgoto nauá'maq ỹalamaxarete' ỹaalqa?

Génesis 32:10

Ỹaatqajam sqa saiguit quet quiyim 'ue quet ca rqouagaxa'e' caỹim, chaqai quiyim paquiterelgoto naua ra'qaataxahi' quedá'maq 'ñi'sa'gue aỹim. Ma' ỹim na' ñapacta najo lachiugue leenaxat Jordán, qaica ca liỹa i'ỹaac, qanaata ana ỹashilete. Qam nagui sovirqata'a quiyim dos naua qalapooqote'.

Génesis 33:11

Vichiguiño' 'ue da ipagaxallic quiyim coñichiguit ná'maq ỹame ñoda'a qami', ma' ñi qota'olec chicqo'ot da quiyim ỹim nesallaxanec, ca' qaica ca souentaque. Ca' so Jacob ỹaatqajam 'ue da lepagaxallic, vire'ta na' so Esaú icoñiguit so neme.

Marcos 14:8

Dajo 'aalo ỹo'uet dá'maq ishit. Ada'maxare mashic ỹocorelec na ỹoshicmaxa queso coraxat ma' saqa' ỹovita quiyim qayishinñi.

Lucas 16:10

Cá'maq ỹa'maxate'tegue quiyim sqa lo ca reloqota'a, ca chaqaida 'neeta ỹa'maxate'tegue quiyim 'xoic ca reloqota'a. Qam ca se ỹa'maxata'gue cá'maq sqo vite', qai'neeta se ỹa'maxata'gue ca 'xoic quiyim reloqota'a.

Lucas 24:1

Ca co'na' nete'etam queso 'auaxaic na'xa'a no'ueenataxanaxaqui, ca so 'aallipi quepegue' aso lahi', qai'xatete' saua corqate' mashic qaỹa'maxatesañi. Chaqai 'uo' so liỹa 'aallipi coỹaataxan.

Juan 20:19

Ca chaqaiso' so na'xa'a ma' la'auaxanec quenaua na'xata' no'ueenataxanaxaqui'. Co'na' mashic pe, ca lapoỹata' saua lapaxaguinatqa so Jesús. Qam ỹapootaguilo naua lasomi', ma' no'chiitapega na judioipi. Ca' so'maxare inoxono, ca' taañigui na lavinñi so lapaxaguinatqaipi. Ca' iquine', 'naaco': —'Ue ma'le ca reuagaxahi.

Juan 20:26

Ca co'na' ime'ueque saua ocho na'xata', ca lotqai liỹa lapoota'ta' so napaxaguinatqaipi queca 'imec. Ca' quiyi, ca ỹalequetaho' na'le so Tomás. Ca 'eno'm napootaguilo saua lasomi', qam so Jesús inoxono, ca taañigui na lavinñi' saua'maxare. Ca riquinaxan, 'naaco': —'Ue ma'le ca reuagaxahi.

Hechos 20:7

Ca' queso 'auaxaic na'xa'a caso semana, llapoxota', ma' qaỹahotaque quiyim qaỹa'ic so pan. Ca' so Pablo rapaxaguinataxantac quesó'maq mashic icoñiguit da na'qaatec. Qam ma' ỹahotaque eec na' richiguiñi, ca queetalec da letaxaỹaxac chi ỹovireta'a pe lauel.

2 Corintios 8:10

Saanec dajo ỹa'deenataxanaxac, qaiyi qaicanqaida caqamiri. Quiyim quedá'maq 'ñiitari' queso 'auaxaic ñaaxa, mesqaidaata quiyim 'viichii dajo, qam qai'neeta 'ue da reuogoxohi.

Apocalipsis 1:10

Chaqai hueetougui so na'xa'a quiyim qaimaqachin so qara'gaxala', ca na' ỹovita aỹim so lquesaxanaxa so Espíritu Santo. Ca' 'ue so sa'xaỹaque nivillaxac ỹaatqajam lam, 'maqa'tegue da ilaq, da lelamaxa 'ec aca npe'te.