1 Corintios 16:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qam sahotaque quiyim qamiri na'xaỹaxañii'ta ca qom 'neete'm saua'maxare, chaqai ná'ogue ná'maq rotaanaxantac chaqai ro'ueenataxantac.

1 Corintios 16:16 Iomraidhean Croise

Eclesiastés 1:3

¿Nega'ỹo' cá'maq naqat ca ỹale quiyim paguelec ca lo'ueenataxanaxac quenajo 'laua?

Romanos 16:12

Iquinaxanaxac caca Trifena chaqai aca Trifosa, caua'maxare ro'ueenataxansacot so qara'gaxala', chaqai aca qanauochaxaua qarqaỹa Pérsida, ma' ỹaatqajam 'xoic da lo'ueenataxanaxac queso qara'gaxala'.

Romanos 16:3

Selata da iquinaxanaxac aca Priscila chaqai ca loua Aquila, ỹotaua' queda qaro'ueenataxanaxac queso Cristo Jesús.

Romanos 16:6

Iquinaxanaxac caca María cá'maq ỹaatqajam 'xoic da lo'ueenataxanaxac caqamiri.

Romanos 16:9

Iquinaxanaxac queca Urbano qarotaua queda qaro'ueenatec queso Cristo Jesús chaqai ca ñauochaxaua Estaquis.

1 Corintios 12:28

Ca 'eda da 'ne'tegue ñi qota'a quena' 'ue ñi ỹaconeu'a quená'maq mashic huelec ñi'maxare quena' ỹo'uet da lo'ueenataxanaxac. Ỹa'maxachichiguiñi da 'ne'tegue quiyim ỹa'auaxan na lelaatec so Jesús, ime lotqai na ỹa'xat da la'qaatec ñi qota'a, ime lotqai na napaxaguinataxanaq, ime lotqai na re'oq nqai'en na nquesaxanaxa se qaiuanapega, ime lotqai na nataren na ralolaxaic chaqai na ỹotauan ca liỹa, chaqai na na'gaxala', chaqai 'ue na ỹa'xate' naua na'qaatqa se qaiuanapegalo.

1 Corintios 3:9

Ma' qomi' no'ueenataxanaxauaripi queda lo'ueenataxanaxac ñi qota'a. Ca' qamiri 'ec qamiri lanaxanqa' ñi'maxare. Loqo'm 'nejem qamiri ca 'imec no'xontegueshiguim ñi qota'a.

Efesios 5:21

Ca' quiñi 'óna ỹaatqajam notauanta'guit ca liỹa, ma' ỹaatqajam 'ue nqai 'negue nqai'en ñi qota'a.

Filipenses 4:3

Chaqai ma' qami' qamaxaraic ỹo'ueenataxanaxaua, ca shiñirapegaxaua' quiyim tauañi' cauajo qarqaỹa', ma' caua'maxare ỹaatqajam 'xoic da lotaanaxanaxague' caỹim na'le quiyim sa'xatqatac da na'qaatec chicqaugui da nca'laxa, chaqai so Clemente chaqai so liỹaripi ỹo'ueenataxanaxauaripi. Caua leenqate' saua'maxare shi'gue qoỹeresalec aso nelere ñi qota'a nca'laxalate.

1 Tesalonicenses 1:3

Ỹaatqajam ỹauanchiguilo qomi' ñi qota'olec quena' so'leentaxanqatac caqamiri, ma' 'xoic da rpi'ỹaxaguii quena' 'ueenataxañii, chaqai queda re'xorenataxanaxahi, ca' 'xoic da re'xoriguii, chaqai ỹaatqajam na'ñaxachii quiyim 'taxachichiguiñi da naquitaxaguii queso qara'gaxala' Jesucristo.

1 Tesalonicenses 2:9

Qamiri qarqaỹa', no'viñita'gue quiyim ỹaatqajam 'ue da qaro'ueenataxanaxac chaqai ña'ñaxataq, ma' sahoqotaque quiyim ñauegaq ca qarepetaxanaxat. So'ueenataxanqatac quenaua na'xatari chaqai naua piri, ma' sahoqotaque quiyim qaica ca nesallaxantegueto qomi' na' senqatauguilo qamiri sa'xatqatac da la'qaatec ñi qota'a.

1 Tesalonicenses 5:12

Qamiri qarqaỹa', ñi'xoresenqa'toto qamiri quiyim ỹaatqajam se napaguiỹalec na lo'ueenataxanqajanqaipi so qara'gaxala' Jesús quenauá'maq ra'gaxalachiri chaqai qatetapegalo qamiri.

1 Timoteo 5:17

Ná'maq na'gaxalateripi quiyim ỹa'den da lcochaxac quená'maq mashic icoñiguit da na'qaatec, ca'maxare ỹaatqajam qaỹauotegue chaqai qaỹotauan, pagueco' no'm quelec quiyim ỹa'xate' naua la'qaatqa ñi qota'a chaqai rapaxaguinataxanguelo.

Hebreos 13:17

Ỹaatqajam na'xaỹaxañitalo naua ra'gaxalachiri, chaqai nañaañiỹoto naua'maxare; ma' chaqainaua nauá'maq reloqota'alo da nachaalataxaguii, chaqai chaqainaua nauá'maq 'ue ca na'xa'a, ca' qainate' quiñi qota'a. Nquipichiỹa'pegue' quiyim 'maxaraic da lo'ueenataxanaxac chaqai se resallii, ma' no'm sqai 'neeta dajo, ca' qaica quet cá'maq 'ñiigue qamiri.

Hebreos 13:24

Iquinaxanaxac ma'le quecaua'que caua ra'gaxalachiri, chaqai ná'ogue na qarqaỹaripi quená'maq mashic icoñiguit da na'qaatec. Ná'maq chicqa'gue da Italia ila' da liquinaxanaxac caqamiri.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.

3 Juan 1:8

Vichiguiño' qomi' ñomatqalta' quiyim sotauanaq na'maxare, quiyim sotauanaq queda la'qaataxanaxac quiyim ỹa'xate' da na'qaatec ỹaatqajam lliqueta.

Apocalipsis 2:3

Ỹaatqajam 'ue da reualaxaviqui', chaqai 'xoic da re'xoriqui', chaqai 'xoic da ro'ueenataxanaxaqui' caỹim, qam se rco'chirec.