1 Corintios 16:12 - La'qaatqa ñi qota'olec Qota'olec & Qota'olec Novita Na Qomyipi

¹² Qam so qarqaỹa Apolos ỹaatqajam yipaca'a quiyim queguelo saua liỹa' qarqaỹa' quepegueto qamiri, qam sqai eec nagui. Qam eeco' ma' 'ue ca ledaaqa'.

1 Corintios 16:12 Iomraidhean Croise

Eclesiastés 3:1

Quenajo 'laua ná'ogue 'ue na laloqo'; quiyim ỹovirelec canchaqaica, ná'ogue 'ue na lqodoquiaqa'.

Marcos 6:21

Qam aso Herodías ỹanato' yi la'maqa' co'na' so Herodes ỹo'uet so lemaqachic na' ỹovirec so niñaaxa. Ca ỹo'uet so nqui'ỹaxac, ca' roỹaxana na lotauaripi nashillipi, chaqai na nouaataxanaq lashillipi, chaqai na nesallaxanqaipi na'ñi yi Galilea.

Hechos 15:34

Qam so Silas chaqa'ma' no'ueenañi.

Hechos 18:24

Ca' quesaua na'xata' ỹovito' yi Efeso so judío le'ec leenaxat Apolos, chicqota'gue da na'a' Alejandría dá'maq chi ne'xaỹoqsoqo'. So'maxare ỹaatqajam ỹa'den yi na'qaatec naneresalec naua ñaua'pe nerecse' la'qaatqa ñi qota'a. Quiyim ỹa'xate', qaica ca npatan.

Hechos 19:1

Ca co'na' so Apolos hueeta'ñi yi Corinto, ca so Pablo naquetagui na no'ueenaxanaxaquiripi neetalgoto naua 'lauari qoỹoqoshi'meguelo, ca chi ỹoviretau'o' yi Efeso. Ca 'vio' saua natenalgoto mashic ỹaconchiguit da na'qaatec.

Hechos 24:25

Qam co'na' so Pablo ỹa'xat queca qom ỹalamaxateta da no'ueenataxac, chaqai queca netelalta', chaqai ca nouaxanaxaset ma'le ca sqai huelec ñi qota'a. Ca' so Félix co'na' 'xaỹa dajo, ca no'chi. Ca 'naapego' so Pablo: —Yi, mo'e' nagui, toco' ma' 'ue ca idaaqa', ca liỹo' soỹaxañiraxaua'.

1 Corintios 1:12

Ma' quedajo re'qoota quiyim se natenta' naua ra'qaataxahi. Ma' 'uo' quen na 'naac: “Aỹim ỹa'gaxala' so Pablo”; chaqai 'uo' quen na 'naac: “Aỹim ỹa'gaxala' so Apolos”; chaqai 'uo' quen na 'naac: “Aỹim ỹa'gaxala' so Pedro”; chaqai 'uo' quen na 'naac: “Aỹim ỹa'gaxala' so Cristo.”

1 Corintios 3:22

quiyim ca Pablo, loqo'm ca Apolos, loqo'm Pedro, loqo'm na 'laua, loqo'm da nca'laxa, loqo'm da nelauaxa, loqo'm naua ñachaatqatauguilo na'xata', loqo'm ca ñaqa naataho, ma' naua'maxare naua'que chi ralamqachiri.

1 Corintios 3:5

Ma' ¿nega'ỹo' ca Pablo? chaqai ¿nega'ỹo' ca Apolos? Qomi' chaqaidaata qomi' lelaatqa ñi qota'a, qomi' chigoqchiỹauguilo quiyim viilec qamiri ñi qara'gaxala' Jesús. Qam quiñi 'óna coqomi' ỹo'uet cá'maq qaỹamaxalec quiñi qara'gaxala'.

Tito 3:13

Ỹaatqajam nquipichira'pegue' quiyim tauañi' so Apolos chaqai so Zenas só'maq qoshiilec ca 'ue ca ỹasauaxat. 'Ỹaañima cá'ogue cá'maq ỹouensaque queda llicyaxague', qaiyi qaica ca ỹouene'.

Tito 3:4

Qam ñi qota'a ñí'maq qarca'laxaqui na' ỹachaxan da lqouagaxa chaqai da le'xorenataxanaxa quena qomyipi,