1 Corintios 16:1 - La'qaatqa ñi qota'olec Qota'olec & Qota'olec Novita Na Qomyipi

¹ Qam quiyim 'viichii aca rotaanaxanqachii queca qarqaỹaripi qarpi'ỹaxauaripi, ca qaỹadenaxachichigui da ỹapaxaguinataxanaxac na' saanem ná'maq mashic icoñiguit da na'qaatec neeta'ñi yi' 'laua, leenaxat Galacia.

1 Corintios 16:1 Iomraidhean Croise

Hechos 11:28

Quesaua'maxare 'uo' so ỹale leenaxat Agabo, nachajñi, qailligui lauel queso Espíritu Santo quiyim ỹa'xata'guit naata so ỹaatqajam lodegaxat nqopaaxa. Qam llic, ma' dajo ỹovirelec quiyim ipaquichigui na' neetaho so nashi quiyi Roma, leenaxat Claudio.

Hechos 11:30

Ca' chaqaida qohine'tegue, ca' qaila' aso napoonecse quecaua na'gaxalate' neesa'ñi yi Judea. Sojo notaanaxanqate ỹodo' so Bernabé chaqai so Saulo.

Hechos 16:6

So Espíritu Santo se ỹa'maxaren ỹa'xate' da na'qaatec quiyi 'laua Asia. Ca' vichiguiño' ỹapaquera'ta quiyi Frigia chaqai yi Galacia,

Hechos 18:23

Ca co'na' shi'gom neeta'anyi, ca lotqai eec, queetagui, 'onatac nqai'en ana no'ueenaxanaxaquiripi quiyi 'laua Galacia chaqai yi Frigia, ỹa'ñaxatetac ná'ogue ná'maq mashic ỹacoñiguit da na'qaatec.

Hechos 24:17

Ca mashic 'vii saua ñaxari souootac, ỹoqa'a na seueta'gue, ca sopil, sopila yí'maq chi iuo', ñachiita aso lqouagaxanqate na ỹaqaỹaripi, chaqai sodou'a ñi qota'olec aso ỹachitaxanataxanqate.

Hechos 9:13

Ca co'na' 'xaỹa dajo so Ananías, ca 'naaco': —Qami' ỹa'gaxala', mashic 'xoic na ỹa'xaỹaxac quecajo ỹale chaqai quená'ogue ná'maq ỹo'ueetetac se ỹa'maxañi queda Jerusalén quená'maq huelec qami'.

Hechos 9:41

Ca' so'maxare ỹacona ana laua, ca navicshiguim. Ime, ca roỹaxane'oga so nqaỹaripi chaqai so pa'ỹellipi, ca ỹachaxanem, qam mashic nca'leetauec aso'maxare.

Romanos 12:13

Tauañii ná'maq mashic icoñiguit da na'qaatec quecanchaqaica ỹouentaque, chaqai ỹaatqajam daañii'chiguit quelolliỹa cá'maq na'piichaxahi.

1 Corintios 11:34

Qam no'm 'ue ca qopat, ca' que'e quecá'maq chi la'a', qaiyi se qaỹouaxan quiñi qota'a sauaxat dá'maq 'neetari' quena' lapoiỹata'. Ca' quená'maq liỹa, qam sa'maxajño' aỹim ma' sovitalo qamiri.

1 Corintios 16:15

Ca' nagui qamiri ỹaqaỹa', mashic 'yiiñita na llaalqaipi ca Estéfanas ná'maq 'auaxaic icoñiguit da na'qaatec quená'maq na'ñi yi 'laua, leenaxat Acaya, chaqai mashic ỹaanec da la'qaatec quiyim ỹotauan na qarqaỹaripi ná'maq mashic icoñiguit da na'qaatec.

1 Corintios 4:17

Vichiguiño' selatalo qamiri ca Timoteo shinta'gue ca ỹaalec, ma' ỹim chicqochigui quiyim queetalec so qara'gaxala'. So'maxare no'uenaxanaxanque qamiri da ỹicyaxac ma' seuelec so Cristo, dá'maq sapaxaguinataxanta'pegue quená'ogue na no'ueenaxanaxaquiripi ná'maq neesalec naua 'lauari.

Gálatas 1:2

Ỹim chaqai ná'ogue na iuoraripi qarqaỹaripi seraxañi anajo qarelaata quiyim tai'a ná'maq mashic icoñiguit da na'qaatec neetalec na 'laua Galacia.

Gálatas 2:10

Ta'ta'a quiyim qatalo qomi' quiyim se scouaqa'e na 'xoraiquipi, qam dajo chaqaida dá'maq 'xoic iuogoxo quiyim so'uet.

Filemón 1:5

ma' 'ue da ỹa'xaỹaxac quiyim 'ue da re'xorenataxanaxa'e' chaqai da rpi'ỹaxaqui' queso qara'gaxala' Jesús chaqai da re'xorenataxanaxa'e' quená'ogue ná'maq lalamaxareteripi ñi qota'a.

Filemón 1:7

Ca' 'xoic da ñitoonaxac, ña'ñaxatete'e' da re'xorenataxanaxa'e', ma' chicqochigui qami' quiyim ỹa'maqachigui na lauel ná'maq mashic icoñiguit da na'qaatec.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.

1 Juan 3:17

No'm 'ue ca 'óna coqomi' quiyim naloochiguiñi na louenqaipi queda nachaalataxac, ca iuane'ta ca lqaỹa ỹaatqajam 'ue da louenaxanaxa, qam se nqouaguegue ca'maxare, ¿negue' quet cá'maq 'neeta quet quiyim 'ue quet ca le'xorenataxanaxa quiñi qota'a hueetagui quet añi le'taxanata?