1 Corintios 15:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ma' ỹim qaica ca imaqachic, sqai shinta só'maq liỹa lelaatqaipi so Jesús, chaqai sqa taiguit quiyim qaỹamatahic ỹim lelaatec so'maxare, ma' socantac quen na'le ná'maq huelec ñi qota'a.

1 Corintios 15:9 Iomraidhean Croise

Hechos 8:3

Qam so Saulo ñaq ỹocantac ná'maq mashic ỹacoñiguit da na'qaatec, ỹocane' naua na'aate', ỹahotaque naqata'a, nahoglenec na ỹalliripi chaqai ana 'aallipi, ca ỹauegueu'a añi ncoñiitaxanaxaqui.

1 Corintios 10:32

Mesqai viitaque quiyim 'ue ca huaañi nqai'ñii quena judío laseripi, loqo'm ca sqai judío le'ec, loqo'm quena mashic icoñiguit da la'qaatec ñi qota'a.

2 Corintios 11:5

Ma' peeta'a se ỹapaquerauec caỹim ná'maq quiita'pegue' ná'maq 'naac napacalec na lelaatqaipi so Jesús.

2 Corintios 12:11

Ca' ỹim hualoxonaq ma' chi ña'xateteguelta' quedá'maq no'uen shintari', qam qamiri nauá'maq 'viichii quiyim shintari' dajo. Ma' qamiri quet nauá'maq lo'yaxanec cá'maq 'ñiỹac caỹim, ma' sqaica quet cá'maq 'neeta quiyim ỹapacauec quet ná'maq quiita'pegue' qamiri quená'maq 'naac napacalec na lelaatqaipi so Jesús, 'eno'm aỹim qaica ca shinegue.

Gálatas 1:13

Qamiri shi'gue 'xahiteguelec dá'maq shintari' na' ñaqa shiquetalec dá'maq huelec na judioipi. Chaqai 'yiiñii da ỹonogoxonaxac quena' socanaxantapigui na mashic icoñiguit da la'qaatec ñi qota'olec, quiyim sahotaque ñalauajñi.

Gálatas 1:23

Ta'ta'a quiyim chaqai 'qaateguelco' quen aỹim co'quena' qohinac: “Só'maq ỹale ỹocanta'pe quen qomi' na'le, qam nagui ỹa'xatetac dá'maq leloxoỹaxac da npi'ỹaxac, dá'maq ỹahotaque iuagaxatac quen quesom.”

Filipenses 3:6

Ỹaatqajam 'ue da ñapacqajnaxac, ca vire'ta quiyim socanaxantapigui ná'maq mashic huelec so Cristo. Chaqai quedá'maq na'maqataxac da chaalataxac sqaica ca ishit quiyim 'ue quet ca ỹa'xat, ma' qaica ca ñapacalec quena naqataxaquipi.