1 Corintios 15:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' co'uaataxantam, na' ime sá'ogue, ca lotqai nachaxana aỹim qai'neeta, 'eno' ỹim shinta ca noctoqui' se nouoc ne'qaañi.

1 Corintios 15:8 Iomraidhean Croise

Hechos 18:9

Ca' queso pe 'uo' so leuanaxanaxac so Pablo quiyim qohinapego' quiñi qara'gaxala': —Se ro'chi'i', quiisalec da ra'qaataxanaxaqui'. Se re'maqairiñi.

Hechos 22:14

Ca' 'naapiguiỹa': “Ñi qota'olec quesaua 'auaxaqa sachigoxosqauguilo qareta'allipi qami' lca'acsec, ma' shi'gue ỹahotaque quiyim 'yiiñi' da 'neeta'pegue, chaqai quiyim nauañire'e' só'maq lelaatec qamaxaraic, chaqai 'qa'ita cá'maq 'naac.

Hechos 22:18

Ca seuana so qara'gaxala' Jesús, 'naapiguiỹa': “Riỹalli'sac, quire'e na Jerusalén, ma' na neeta'ñi najo qomyipi qaica ca na'xaỹaxana qami' queda 'xachisac caỹim.”

Hechos 22:6

Qam na' ỹim shiqueta'gue so nayic, mashic sepalatau'a yi Damasco, 'uo' ca na'xa'a lavinñi, ca ne'laqataxanchiguiñi so 'ec lauaq quiyí'maq seueta'ñi, ỹaatqajam quesaxan so lauaq chicqo'ot na piguim.

Hechos 26:12

Ca' chaqaida da 'neeta quiyim 'ue so na'xa'a saata'gue da na'a' Damasco, llo'qoota'a so ñilaataxac chicqaugui na lashillipi na netaxaỹaxanqajanqaipi.

Hechos 26:16

Qam ne'laxachirishiguim, ca nachaachiriñi, ma' 'ue dá'maq 'em ñachaxana qami'. Sahotaque quiyim qami' ilaatec, chaqai qami' ỹa'qaataxanqajnec quedá'maq nagui huañichirigui, chaqai quecá'maq huañita ma'le caỹim.

Hechos 9:17

Ca' so Ananías quepegue' ca na'a' neeta'ñi so Saulo. Ca co'na' inoxono, ca ỹashil-lec quenaua lqai'laqate' so'maxare. Ca 'naaco': —Qami' ỹaqaỹa Saulo, ñí'maq qara'gaxala' Jesús, ñí'maq nachaxano' qami' na' naquisa'gue na nayic, chaqaiñi ñí'maq nelata ỹim aqami', qaiyi liỹa neuañiriñi chaqai qami' no'qaachigui nqohin ma'le queca Espíritu Santo.

1 Corintios 9:1

'Nesa ma' ỹim quecá'maq sham shi'ntegue qaica quepaxat aỹim, chaqai yalau'a da no'ueenataxac ca lelaatec so Jesús, ma' ỹim ñauane'e' so'maxare só'maq qara'gaxala'. Chaqai qamiri ná'maq 'em re'oq da ỹo'ueenataxanaxac quiyim so'ueenataxantacot so qara'gaxala'.