1 Corintios 15:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ime, ca lotqai nachaxana so paguelec quinientos nqaỹaripi. Queso qomyipi 'xoic nagui na ñaq nca'leetauec, qam mashic 'vii saua ileue'.

1 Corintios 15:6 Iomraidhean Croise

Mateo 28:10

Ca so Jesús 'naaco' quesaua'maxare: —Totaxan ro'chii. Mohi, vii la'xaỹaxac ca ỹaqaỹaripi, quiyim taigue da Galilea. Ca' queda hua'gue, ca' iuañiua' ma'le.

Marcos 16:7

Mohi, quiipegue' ca Pedro chaqai ca liỹa napaxaguinatqaipi, ca 'ñiỹapega: “So'maxare 'aueta'gue da Galilea caqamiri. Ca' quiyi, ca huañiỹa ma'le, ca' ipaquichigui dá'maq la'qaatec na'le caqamiri.”

Hechos 13:36

Qam llic ma' so David cochiỹa so lauo' co'na' ỹo'uet da la'qaatec ñi qota'olec. Qam co'na' ileu, ca qailla'ñi yi hua'ñi so leta'allipi, ca' so loshicmaxa na'laañi.

Hechos 7:60

Co'na' ime, ca ỹa'yi'iñi naua le'cootal, ca ỹaualaq, nelamaxaren, 'naaco': —Qami' ỹa'gaxala', mesqo 'lliinchirapega da lasauaxaset na qomyipi. Ca co'na' copaachigui 'naac dajo, ca ileu.

1 Corintios 15:18

Chaqai no'm chaqaida, ca ná'maq mashic ileu quená'maq mashic huelec so Cristo, ca ná'ogue na'laañi.

1 Corintios 15:20

Qam dá'maq ỹaatqajam llic quiyim so Cristo na' ileu, qam liỹa nca'leuec nqohin quiñi qota'a. Ca' chaqaiso só'maq la'auaxanec quiyim qanca'laxatec quena leuaxaiquipi quená'maq tai'a quiyim qanca'laxatec qai'neeta.

1 Tesalonicenses 4:13

Qamiri qarqaỹa', se sa'maxarenaq quiyim sqa 'yiiñii dá'maq 'neeta quená'maq mashic ileu, qaiyi sqa chigohita 'ñiitam ná'maq liỹa ma' sqaica ca naquitaxac.

1 Tesalonicenses 4:15

Quedá'maq chi la'qaatec so qara'gaxala' Jesús se'taxataxañi dajo: Coqomi' ma' ñaqai qarca'leetauec ma' novi' so'maxare, se sa'auaq quená'maq mashic ileu.

2 Pedro 3:4

Ca inate' qamiri ma'le: “¿Negue' cá'maq 'neeto' cá'maq qaỹachaxantac caqamiri quiyim liỹa novi' ca Cristo? Ma' shi'gue na' ileu so 'auaxaic qareta'allipi, ná'ogue chaqaidaata dá'maq 'neetari' shi'gue na' ñaqai chita'gue qaỹo'uet na 'laua.”