1 Corintios 15:2 - La'qaatqa ñi qota'olec Qota'olec & Qota'olec Novita Na Qomyipi

² Chaqai chicqochigui dajo na'qaatec quiyim qanca'laxaterec qamiri, no'm quiijlgoto nauá'maq sa'xatema qamiri, chaqai no'm sqai 'ñiỹa'guesa' ca rpi'ỹaxaguii.

1 Corintios 15:2 Iomraidhean Croise

Proverbios 23:23

Shiujnaxañita da lliqueta chaqai da na'deenaxanaxa, da paxaguinataxac, da na'deenec, ca' ¡sqai miiñi'!

Lucas 8:13

Ca' só'maq nanecse tajlec yi 'laua 'xoic na lalegue' qa', ca 'nejem ca qom quiyim na'xaỹaxantapega da na'qaatec, ca' 'ue da netoonaxac. Qam sqai 'chi'iñi caua lpa'yii da na'qaatec. Cocho'qui' huelec, qam quena' ỹovita ca ne'guenaxac, ca rashiiuec.

Hechos 2:47

Ỹa'xatetac qaica 'nejem ñi qota'olec, ca ná'ogue na qom nqo'ta. Ca' quesaua na'xata' ñi qara'gaxala' ỹoqotqajno ná'maq ỹacoñiguit yi na'qaatec ná'maq dalaxaic nca'leuec nqohin.

Hechos 8:13

Chaqai vire'ta so Simón na' ỹacoñiguit da na'qaatec qai'neeta qanachilaxan. Ca' quiyi, ca liỹaategueñi so Felipe, chalego le'laxa quená'maq se qaiuanapegalo leta'al chaqai quena netanqaipi qaỹo'ueetetac.

Romanos 1:16

Ca' ỹim se ñayiloxonlec da na'qaataxac so Jesús, ma' da'maxare lquesaxanaxa ñi qota'a, ma' ishit nca'laxatec ná'ogue ná'maq huelec. 'Aueta nqai'en na judioipi, qam qai'neeta ná'maq sqai judioipi.

Romanos 11:22

'Ajñi' quiyim chalego leuagaxaric ñi qota'a, qam qai'neeta qaica lqouagaxat. Ma' ñi'maxare se nqouaguegue na'le cá'maq 'ue ca ỹasauaxat, qam caqami', ca' huagaxaraic. Qam qui'salec da lqouagaxa; ma' no'me', qami' qai'neeta qarichaqairec.

1 Corintios 1:18

Ma' da na'qaatec queda lelauaxa so Cristo na' qaipateno 'eco' chaqai mogollishic quená'maq tai'a quiyim na'laañi. Qam qomi' ma' saaqa'a da nca'laxa, ca' dajo na'qaatec lquesaxanaxa ñi qota'a.

1 Corintios 1:21

Ca ma' ñi'maxare ỹa'deentalec cá'maq ỹo'uet, ca ỹo'uet quiyim se qaỹa'den quená'maq na'deenaxanaxa huelecna. Chaqaidaata quiyim ỹahotaque nca'laxatec ná'maq huelec ñi'maxare, chicqochigui nqai'en da la'qaatec, 'eno' 'ec mogollishic quená'maq liỹa qomyipi.

1 Corintios 11:2

Ñitoonta'guelo qamiri ỹaqaỹarolqa quena' 'lliinchitaque aỹim chaqai sqai 'xañiñi quiitalec da ỹapaxaguinataxanaxac saanema qamiri.

1 Corintios 15:14

Chaqai no'm so Cristo se nca'leuec nqohin, ca dá'maq na'qaatec sa'xatqatac qaica ca 'negue, chaqai dá'maq rpi'ỹaxaguii qai'neeta.

2 Corintios 2:15

Ma' qomi' shinqatari' ca lo'daxa lahita ca lichiinaxanaxat so Cristo quiyim ỹaanot ñi qota'a, dá'maq lahita quena' ỹaỹoxonec, ca' ỹoviraugui ná'maq mashic nca'leuec nqohin chaqai ná'maq ñaqai hueetaugui da no'maxac.

2 Corintios 6:1

Ca ma' qomi' lotaua' ñi qota'a queda lo'ueenataxanaxac, ca ñi'xoresenqa'toto qamiri sqa taiguit quiyim se nquipichiỹa'pegue' da lqouagaxa ñi qota'a dá'maq mashic ỹachaxanema qamiri.

Gálatas 3:4

Ca ¿qaico' ca 'negue dá'maq 'em quiyim 'xoic da re'xoriguii? ¡Saxanchi' chaqaiyi quiyim 'ue quet ca 'negue caqamiri!

Efesios 2:8

Ma' quedá'maq le'xorenataxanaxa ñi qota'a, ca' nca'lerec qamiri, chicqochigui da rpi'ỹaxaguii. Qam dajo sqai qamiri chi ro'ueenachiguii, ta'ta'a quiyim chaqai ỹaanema qamiri ñi qota'a.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

2 Tesalonicenses 2:15

Vichiguiño' qamiri qarqaỹa', na'ñaxachii quiilec chaqai se couahi'e naua qarapaxaguinataxanaxaco ỹaatqajam qamiri saanqaima, loqo'm quena' sahoqote'e qarelaata.

2 Timoteo 1:9

Ñi'maxare nca'laxaterec qomi' chaqai roỹaxanalo qomi' quiyim saanqot da qanachaalataxac. Qam mesqaida quiyim 'ue ca lo'yaxanec qaro'ueenataxanaxac, qam dajo chaqai 'ne'teguelo qomi' ñi'maxare, ma' ỹauoteguelo qomi', ma' mashic ña'daqatau'a so qara'gaxala' Cristo Jesús. Shi'co' qare'xoren ñi qota'a na' saqa'leca na 'laua.

Hebreos 10:23

Ca' ña'ñaxatqa'tegue da qanaquitaxac quedá'maq seuaqlec, sqai saxanaxañi, ma' ñi qota'a ipacqajanchigui dá'maq ỹachaxantac ma'le coqomi'.

Hebreos 2:1

Ca vichiguiño' qomi' ỹaatqajam paguec sa'maxatqa'tegue quet da qana'xaỹaxanaxac quedá'maq sa'xaiqachigui, qaiyi se qarelamqauec.

Hebreos 3:14

Ma' no'm ña'ñaxatqachiguiñi qolqatalec da qanaquitaxac 'nejem na' ñaqai 'avichiguiñi, soviraxatqa'ta ca lqodoc, ca' ñouanqau'a ma'le da 'neeta so Cristo.

Hebreos 3:6

Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

Hebreos 4:14

So Jesús só'maq llaalec ñi qota'a chaqaisoota qaretaxaỹaxanqajnec quiyim inoxona'a retaxaỹa'pegue' ñi qota'a. Vichiguiño' ỹaatqajam ña'ñaxataq qolqatalec dá'maq seuaqlec na'qaatec.

Santiago 2:14

Qamiri ỹaqaỹa', ¿negue' queto' ca 'negue queca qom quiyim 'naac 'ue ca lpi'ỹaxac no'm qaica ca lo'ueenataxanaxac ỹa'maqachiguiñi? ¿Peeta'a ishito' nca'laxatec dajo lpi'ỹaxac?

Santiago 2:17

Ca' chaqaida 'neeta ca lpi'ỹaxac ca qom. No'm qaica ca ỹa'maqachiguiñi lo'ueenataxanaxac, ca da lpi'ỹaxac 'ec ileu.

Santiago 2:26

Ca' chaqai 'nejem na qaroshicmaxa quena' qaica na lacat, ca ileu, ca da npi'ỹaxac qai'neeta 'ec ileu quena' qaica ca re'oq ỹa'maqachiguiñi lo'ueenataxanaxac.