1 Corintios 14:4 - La'qaatqa ñi qota'olec Qota'olec & Qota'olec Novita Na Qomyipi

⁴ Cá'maq ỹa'xate' naua na'qaatqa se qaiuanapegalo, ca'maxare chi lañaqtaxac dajo, qam cá'maq ỹa'xate' naua la'qaatqa ñi qota'a ỹo'uet da lañaqtaxac ná'maq mashic icoñiguit da na'qaatec.

1 Corintios 14:4 Iomraidhean Croise

Marcos 16:17

Ca' quecá'maq hueeta'gue cá'maq huelec, ca' ỹo'uet ma'le na netanqaipi, 'neetasa': Da ỹeenaxat ro'ootaxana quena ne'ec lecmaxaic, chaqai ỹa'xate' naua ỹoqa'alo na'qaatqa,

Romanos 14:19

Ca' chaqaida qolqatalec, sedaanqatapigui nauá'maq noviraqte' ma'le ca qara'maxa, quiyim ñotaanqata'ta', qaiyi nqo'neetashiguim ca llaqtaxac da qarpi'ỹaxac.

1 Corintios 12:10

Chaqai 'ue na ỹaanem quiyim ỹo'uet na nquesaxanaxa se qaiuanapega, chaqai 'ue na ỹaanem quiyim ỹa'xat da la'qaatec ñi qota'a, chaqai 'ue na ỹaanem da la'deenaxanaxa quiyim retan na se re'xogui quena 'maatqaic, loqo'm chaqaiso so Espíritu Santo. Chaqai 'ue na ỹaanem quiyim ỹa'xate' naua na'qaatqa se qaiuanapegalo, lotqai 'ue na ỹaanem quiyim ỹa'den da leloxoỹaxac naua na'qaatqa.

1 Corintios 12:28

Ca 'eda da 'ne'tegue ñi qota'a quena' 'ue ñi ỹaconeu'a quená'maq mashic huelec ñi'maxare quena' ỹo'uet da lo'ueenataxanaxac. Ỹa'maxachichiguiñi da 'ne'tegue quiyim ỹa'auaxan na lelaatec so Jesús, ime lotqai na ỹa'xat da la'qaatec ñi qota'a, ime lotqai na napaxaguinataxanaq, ime lotqai na re'oq nqai'en na nquesaxanaxa se qaiuanapega, ime lotqai na nataren na ralolaxaic chaqai na ỹotauan ca liỹa, chaqai na na'gaxala', chaqai 'ue na ỹa'xate' naua na'qaatqa se qaiuanapegalo.

1 Corintios 13:1

No'm ỹim sa'xateta'pe naua la'qaatqa na qom chaqai naua la'qaatqa na chicqashiguim qota'a lelaatqaipi, qam quiyim sqaica ca i'xorenataxanaxa, ca shintari' aca nouaxana quiyim ilamtapigui, loqo'm aca nasaquinata quiyim qaỹasaquintapigui.

1 Corintios 13:2

Chaqai no'm sa'xateta'pe naua la'qaatqa ñi qota'a, chaqai sa'den ná'ogue nanchaqaina se re'xogui, chaqai somata'ta' ná'ogue na na'deenaxanaxa, chaqai queda ipi'ỹaxac mashic ỹovita quiyim seshit ñqo'naxat aca ladocai quemaralec, qam quiyim qaica ca i'xorenataxanaxa, qaiyiita qaica ca shinegue.

1 Corintios 14:12

Ma' qamiri 'xoic ná'maq rishoxohi quiyim coñiguit ná'maq ỹoreta'oguit lo'ueenataxanaxaquipi so Espíritu Santo, vichiguiño' nquipichiỹa'pegue' quiyim coñiguit cá'maq ỹo'uet ca llaqtaxac ná'maq mashic icoñiguit da na'qaatec.

1 Corintios 14:22

Ca' vichiguiño' naua na'qaatqa se qaiuanapegalo chi letanqa nqohin ná'maq saqa' icoñiguit da na'qaatec, qam mesqai ná'maq mashic icoñiguit da na'qaatec. Qam quiyim qaỹa'xate' naua la'qaatqa ñi qota'a chi letanec nqohin ná'maq mashic icoñiguit da na'qaatec, mesqai ná'maq sqai huelec da na'qaatec.

1 Corintios 14:26

Ca' qamiri ỹaqaỹa', quedá'maq 'neeta dajo: Quiyim quena' ỹovita quiyim lapoiỹata', 'ue ca 'ue ca lo'ueenec caqamiri, loqo'm 'ue ca 'ue ca lapaxaguinataxanaxac, loqo'm 'ue ca 'ue ca qaỹa'deenaxanaxanegue quiñi qota'a, loqo'm 'ue ca ỹa'xate' naua ỹora'alo na'qaatqa, loqo'm 'ue ca ichoxot ca leloxoỹaxague' naua na'qaatqa. Hua', qam quiyim ná'ogue najo no'ueenaxat ca lañaqtaxac nqai'en ca la'al ná'maq mashic icoñiguit da na'qaatec.

1 Corintios 14:3

Qam cá'maq ỹa'xate' naua la'qaatqa ñi qota'a, ca'maxare ỹa'xatema ca liỹa, ca nqo'ñishiguim nqai'en da no'ueenataxac, chaqai ỹa'ñaxat, chaqai ỹa'maxagui lauel nqai'en.

1 Corintios 14:5

Ỹim sahotaque quet quiyim qamiá'ogue 'xachii' naua na'qaatqa se qaiuanapegalo. Qam paguec la'maxa nqaishin queta' 'xachii' naua la'qaatqa ñi qota'a. Ma' paguec la'maxa quiyim qaỹa'xat da na'qaatec, sqai 'nejem quiyim qaỹa'xate' naua na'qaatqa se qaiuanapegalo, ta'to'o' no'm 'ue ca ichoxot ca leloxoỹaxac cá'maq qaỹa'xatetac, qaiyi nqo'in da lañaqtaxac ná'maq mashic icoñiguit da na'qaatec.