1 Corintios 14:3 - La'qaatqa ñi qota'olec Qota'olec & Qota'olec Novita Na Qomyipi

³ Qam cá'maq ỹa'xate' naua la'qaatqa ñi qota'a, ca'maxare ỹa'xatema ca liỹa, ca nqo'ñishiguim nqai'en da no'ueenataxac, chaqai ỹa'ñaxat, chaqai ỹa'maxagui lauel nqai'en.

1 Corintios 14:3 Iomraidhean Croise

Lucas 3:18

Ca' 'eda da 'neeta da letaxaỹaxac, chaqai 'xoic na liỹa nelaataxanaxaquipi mashic ỹaanec so Juan co'na' ỹa'xatetapeguem ná'ogue na qomyipi da na'qaatec chicqaugui da nca'laxa.

Hechos 13:15

Ca co'na' ime qaretaqalec aso lere hueetalec na naqataxaquipi chicqo'ot so Moisés, chaqai aso lerecse so 'auaxaic qota'a letaxaỹaxaquiripi, ime, ca saua la'gaxalate' añi napoxoqui 'uo' so ila' quiyim 'naapegalo saua Pablo: —Qamiri ỹaqaỹa', no'm 'ue ca ralamqataxanaxaguii, ca 'ñiỹapega na qomyipi nagui.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Hechos 15:32

Ma' so Judas chaqai so Silas qai'neeta qota'a la'qaataxanqajanqa, vichiguiño' co'na' qatesapega so nqaỹaripi 'xoic la'ñaaqataxanaxac quenaua la'qaatqa.

Hechos 4:36

Ca' 'uo' so ỹale ỹalequetaho, leenaxat José, ne'xaỹoqsoqo' yi delec leenaxat Chipre, so'maxare chicqaugui na lotauaripi na netaxaỹaxanqajanqaipi, llaalqaipi so Leví. Ca' saua nelaatqa ỹahote da dalaxaic leenaxat Bernabé. Dajo neenaxat 'naac: Cá'maq lo'daxachigui na neuel.

Hechos 9:31

Ca 'uo' da la'maxa ná'ogue ná'maq mashic ỹacoñiguit da na'qaatec neetalgoto naua 'lauari quiyi Judea, chaqai yi Galilea, chaqai qai'neeta yi Samaria. Ca na'maxare noquiiquetauec da lquesaxanaxa, chaqai ỹa'maxate'tegue ñi qara'gaxala', chaqai quedá'maq lotaanaxanaxac so Espíritu Santo. Ca noquiiquetauec ná'maq icoñiguit da na'qaatec.

Romanos 12:8

Chaqai cá'maq ỹa'den quiyim ỹa'ñaxat ca liỹa, ca' chaqaida queetalec quiyim ỹo'uet. Chaqai quecá'maq ramiaxan, ca ỹo'uet, qam qaica ca naquitetaque. Chaqai cá'maq na'gaxala', ỹaatqajam netela'a da lo'ueenataxanaxac. Chaqai cá'maq ỹotauan ná'maq 'ue na louenaxanaxa, qam qaidaata neconaque da leuagaxaric.

Romanos 14:19

Ca' chaqaida qolqatalec, sedaanqatapigui nauá'maq noviraqte' ma'le ca qara'maxa, quiyim ñotaanqata'ta', qaiyi nqo'neetashiguim ca llaqtaxac da qarpi'ỹaxac.

Romanos 15:2

Quiñi 'óna coqomi' paguec semaqachinaq quet ca qariỹa quiyim sahoqotaque ỹa'maqachiguiñi ca'maxare, chaqai quená'maq nqo'naxat ca lpi'ỹaxac.

1 Corintios 10:23

'Nesa quiyim llic da 'neeta da na'qaatec, 'neetasa': “Se qaỹollapeguem queca qom quiyim ỹoiquentac quecá'maq shim 'ne'tegue ca ỹo'uet”, qam mesqai ná'ogue na leloxoỹaxaquipi no'ueenaxat ca qom. Ajá'a, qaica qaỹollapeguem quiyim ỹoiquentac quecá'maq shim ỹo'uet ca qom, qam sqai ná'ogue rotaanaxanegue da no'uen ñaqtaxac.

1 Corintios 14:12

Ma' qamiri 'xoic ná'maq rishoxohi quiyim coñiguit ná'maq ỹoreta'oguit lo'ueenataxanaxaquipi so Espíritu Santo, vichiguiño' nquipichiỹa'pegue' quiyim coñiguit cá'maq ỹo'uet ca llaqtaxac ná'maq mashic icoñiguit da na'qaatec.

1 Corintios 14:17

'Nesa ma' sqoue ỹa'maqachiguiñi ca nqouagaxainaxaqui', qam ca riỹa'e' se nqo'in ca la'al.

1 Corintios 14:26

Ca' qamiri ỹaqaỹa', quedá'maq 'neeta dajo: Quiyim quena' ỹovita quiyim lapoiỹata', 'ue ca 'ue ca lo'ueenec caqamiri, loqo'm 'ue ca 'ue ca lapaxaguinataxanaxac, loqo'm 'ue ca 'ue ca qaỹa'deenaxanaxanegue quiñi qota'a, loqo'm 'ue ca ỹa'xate' naua ỹora'alo na'qaatqa, loqo'm 'ue ca ichoxot ca leloxoỹaxague' naua na'qaatqa. Hua', qam quiyim ná'ogue najo no'ueenaxat ca lañaqtaxac nqai'en ca la'al ná'maq mashic icoñiguit da na'qaatec.

1 Corintios 14:31

Ca ma' qamiá'ogue 'xachii' naua la'qaatqa ñi qota'a shichii quiyim taxahi 'onatac caqamiri, qaiyi qamiá'ogue 'ue ca 'yiiñii chaqai 'ue ca rquesaxanaxahi.

1 Corintios 8:1

Ca' nagui sa'xatema qamiri ca leloxoỹaxac ca na'ic mashic qanqouagaxainlec quiyim qoỹaanot ca nashiilec nqolac. 'Nesa ma' llic quiyim qomá'ogue sa'deenqachigui dajo, qam da qara'deenaxanaxa tai'a nqai'ne' qomi' da nque'guenataxanaxac. Qaidaata da ne'xorenataxanaxa ỹo'uet da qarañaqtaxac.

2 Corintios 1:4

Ñi qota'a ñí'maq lo'daxachiguilo qovilli' quenaua'que naua qare'xoyaxaco, qaiyi qomi' seshitaq quiyim llo'daqainaq cá'maq 'ue ca le'xoric, saanqaem dá'maq 'nejem da lo'daqainataxanaxac ñi qota'a coqomi'.

2 Corintios 2:7

Ca' paguec la'maxa quiyim 'xoriñitac ca'maxare, palaxachii ca lasauaxaset, chaqai lo'daqaiñitac, 'neeto' caapeguem da lachicoxo.

Efesios 4:29

Sqai 'xachii' naua se no'viiñi na'qaatqa, ta'ta'a quiyim no'ueenaxachii' naua ra'qaataxahi, qaiyi noquiicshiguim nqai'en chaqai ỹa'ue ca la'maxa cá'maq na'xaỹaxantapegalo qamiri.

Efesios 6:22

Ca' vichiguiño' selatalo qamiri, qaiyi ñi'maxare ỹa'xatema qamiri dá'maq shinqatari' quenajo. Ca' quedajo, ca ỹa'ñaxate' qamiri ma'le.

Colosenses 4:8

Vichiguiño' selatalo qamiri ñi'maxare, qaiyi ỹa'xatema qamiri dá'maq shinqatari', chaqai quiyim ỹa'ñaxate' qamiri.

1 Tesalonicenses 2:11

Chaqai qai'neeta 'yiiñii da qara'ñaaqataxanaxac chaqai quiyim lo'yigui lauel nqaishinaq quiñi 'óna caqamiri, 'nejem da 'neeta'gue ca neta'a queca llaalqaipi.

1 Tesalonicenses 2:3

Ma' qomi' sa'deenqata quiyim se so'maqatac quecá'maq sa'xatqatac, chaqai quiyim se ỹa'maxañi ca shinqata'pegue quiyim setaxaiqatac, chaqai se sahoqotaque quiyim sayinaxaitac.

1 Tesalonicenses 3:2

Ca' selaraq so qarqaỹa Timoteo quiyim ra'ỹa'alo qamiri. Ma' so'maxare lelaatec ñi qota'a chaqai qaro'ueenataxanaxaua na' sa'xataq da na'qaataxac so Cristo, ma' so'maxare ishit quiyim ra'ñaxachii chaqai quiyim i'taxajñi ca rpi'ỹaxaguii,

1 Tesalonicenses 4:1

Ca nagui qamiri qarqaỹa', ñi'xoresenqa'toto chaqai saqataxalo qamiri, sahoqota'ahi da leenaxat so qara'gaxala' Jesús, quiyim quiijlec da leloxoỹaxac dá'maq sapaxaguinaxaque qamiri, qaiyi qaỹa'maxarente' qamiri quiñi qota'a, ca chaqaida dá'maq quiitalec, nqo'neetauec nqai'ñii.

1 Tesalonicenses 4:18

Vichiguiño' quiñi 'óna caqamiri ỹotauanegue ca liỹa dajo na'qaatec.

2 Tesalonicenses 3:12

Ca' ma' qomi' lelaatqa so qara'gaxala' Jesucristo, ca' selaraxalec cajo qom chaqai saqataxa quiyim ỹaatqajam ro'ueenataxan, qaica ca taỹapigui lauel, qaiyi nauec cá'maq louenec.

1 Timoteo 1:4

chaqai sqa taiguit qana'xaỹaxana ca chi na'qaataxanaxac chaqai se neme da no'leentaxanaxac queso 'auaxaic qareta'allipi. Ma' da'maxare ta'ta'a ỹa'ue da co'uaxac qaica ca 'negue, chaqai se ỹotauan ca qom quiyim ỹaqamqata quedá'maq qoỹaanem quiñi qota'a quiyim 'ue da npi'ỹaxac.

1 Timoteo 4:13

Qam quiyim saqa' sovi', ca' qami' quiisalec quiyim taqaiseguelgoto naua la'qaatqa ñi qota'a quenaua lapoxoco, 'ñaxachisac na qarqaỹaripi, chaqai paxaguiñisac.

1 Timoteo 6:2

Chaqai no'm ca nelaatec 'ue ca na'co' quená'maq mashic icoñiguit da na'qaatec, ca' paguec na'xaỹaxane'ta, ma' mashic lqaỹa lpi'ỹaxaua. Lama'xa no'ueenaxat cá'maq 'neetari', ma' cá'maq ro'ueenataxantacot qai'neeta icoñiguit da na'qaatec chaqai mashic nauochaxaua lqaỹa. Ỹaatqajam paxaguinataxañitegue chaqai 'xachi' dajo.

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

Tito 1:9

Chaqai ỹaatqajam na'ñaxate'tegue dá'maq ỹaatqajam leloxoỹaxac da na'qaatec dá'maq mashic qaỹapaxaguinegue, qaiyi ishit quiyim ỹa'ñaxat ca liỹa, ỹahote'e dá'maq no'uen napaxaguinataxanaxac, ca' ishit taauec nqai'en ca loqollictaxanaxac na qollictaxanaxairipi.

Tito 2:15

Ca' dajo dá'maq paxaguinataxañitegue. 'Ñaaqataxañisac chaqai se ro'chiralec quiyim lamqataxañi', qaiyi qaica ca napacalec qami'.

Tito 2:6

Chaqai 'ñirapega na ne'naqaipi quiyim na'maxateta.

Tito 2:9

Qachita ná'maq na'aquipi quiyim na'xaỹaxane'ta ná'ogue ná'maq lelaataxanaxaquipi ca na'co'. 'Maqataxanaxai chaqai sqai taxaỹaxai.

Hebreos 10:25

Sqai qolaxa'uegue dá'maq lanatec ná'maq se ỹalecapogo quenaua qalapoxoco. Ta'ta'a quiyim ña'ñaxatqata'ta' paguec nagui, ma' mashic sa'deenaq cajo na'xa'a loviraxaqui so qara'gaxala' tot qoỹoxoguit.

Hebreos 13:22

Qamiri ỹaqaỹa', ñi'xoresentouguilo qamiri quiyim na'ñaxachiiguit da ỹaqataxac caqamiri, ma' sqo vito'olqai' naua ỹa'qaatqa shichiñi selatalo qamiri.

Hebreos 3:13

Ta'ta'a quiyim quiitalec na'ñaxachita'ta' quenaua'que naua na'xata', tomallaqai queete' naua na'xata' nagui. Qaiyi qaica ca qaỹayin caqamiri quena nasauaxaset, ca ỹa'ñaxat añi le'taxanata quiyim se na'xaỹaxan.

1 Pedro 5:12

Najo ilaata ỹiriñi nqaishin ñi Silvano ñí'maq ỹaatqajam qamaxaraic ỹaqaỹa. Sqo vito'olqai' naua ỹa'qaatqa, qam saqatalo qamiri chaqai se'taxatetegueñi da nqouagaxahi mashic coñiguit, ca' queda'maxare, ca' ỹaatqajam 'chiñi nqai'en da le'xorenataxanaxa ñi qota'a. Ca' ỹaatqajam quiitalec ma'le dajo.

Judas 1:20

Qalaxam qamiri ñauochaxaua' ỹaqaỹa', ỹaatqajam quiijlec dá'maq no'uen napaxaguinataxaguii viilec na'le. Nqouagaxaiñii queda lquesaxanaxa so Espíritu Santo.