1 Corintios 14:1 - La'qaatqa ñi qota'olec Qota'olec & Qota'olec Novita Na Qomyipi

¹ Nquipichiỹa'pegue' quiyim 'ue ca re'xorenataxanaxahi, chaqai nauá'maq lo'ueenataxanaxaco so Espíritu Santo chicqoro'ot ñi qota'a, qam paguec la'maxa quiyim qaỹa'xate' naua la'qaatqa ñi'maxare.

1 Corintios 14:1 Iomraidhean Croise

Romanos 12:6

Ma' ñi qota'olec ỹoreta'oguit na no'ueenataxanaxac ỹaanema qomi', ma' ñi'maxare ỹa'den cá'maq laloqo' ca ỹaanem quiñi 'óna. Qam sa'maxatqa'tegue quiyim so'ueenataxanaxa cá'maq qaneme. No'm ñi qota'olec ỹaanema qomi' quiyim sa'xataxe' naua la'qaatqa, ca' chaqaida so'ueetaq, qam quecá'maq nalootau'a ca qarpi'ỹaxac.

Romanos 14:19

Ca' chaqaida qolqatalec, sedaanqatapigui nauá'maq noviraqte' ma'le ca qara'maxa, quiyim ñotaanqata'ta', qaiyi nqo'neetashiguim ca llaqtaxac da qarpi'ỹaxac.

Romanos 9:30

Ca ¿nega'ỹo' ca shinqac? Quená'maq sqai judioipi chaqai quiyim se ỹahotaque quiyim qaicoñi'chiguit quiñi qota'olec, ca' chaqaina ná'maq qaicoñi'chiguit quiñi'maxare, chicqochigui nqohin da lpi'ỹaxac.

1 Corintios 12:1

Qamiri ỹaqaỹa', ỹim sahotaque quiyim 'yiiñita da leloxoỹaxac na ỹoreta'oguit lo'ueenataxanaxac so Espíritu Santo ỹaanem queca 'óna.

1 Corintios 12:31

Ca nquipichiỹa'pegue' quiyim coñiguit na lo'ueenataxanqateripi ñi qota'a ná'maq paguec nqai'en ca na'maxa. Qam aỹim sapaxaguiñiigue da ñicyaxac paguec loyac 'neetasa'.

1 Corintios 13:13

Ca' chaqaida, quiyim da npi'ỹaxac, chaqai da quitaxac, chaqai da ne'xorenataxanaxa qaica ca lqodogue'; qam dá'maq ỹapacauec quedaua tres, dá'maq ne'xorenataxanaxa.

1 Corintios 13:2

Chaqai no'm sa'xateta'pe naua la'qaatqa ñi qota'a, chaqai sa'den ná'ogue nanchaqaina se re'xogui, chaqai somata'ta' ná'ogue na na'deenaxanaxa, chaqai queda ipi'ỹaxac mashic ỹovita quiyim seshit ñqo'naxat aca ladocai quemaralec, qam quiyim qaica ca i'xorenataxanaxa, qaiyiita qaica ca shinegue.

1 Corintios 14:22

Ca' vichiguiño' naua na'qaatqa se qaiuanapegalo chi letanqa nqohin ná'maq saqa' icoñiguit da na'qaatec, qam mesqai ná'maq mashic icoñiguit da na'qaatec. Qam quiyim qaỹa'xate' naua la'qaatqa ñi qota'a chi letanec nqohin ná'maq mashic icoñiguit da na'qaatec, mesqai ná'maq sqai huelec da na'qaatec.

1 Corintios 14:37

No'm 'ue ca pe'taxantaque quiyim mashic la'qaataxanqajnec ñi qota'a, loqo'm pe'taxantaque quiyim mashic icoñiguit so Espíritu Santo, ca 'maxaraic quiyim ỹa'deena'a dá'maq seretegueñi caqamiri, ma' da'maxare laqataxac so qara'gaxala' Jesús.

1 Corintios 14:39

Vichiguiño' qamiri ỹaqaỹa', nquipichiỹa'pegue' quiyim 'xachii' naua la'qaatqa ñi qota'a, chaqai se quepaxachii quiyim qaỹa'xate' naua ỹora'alo na'qaatqa.

1 Corintios 16:14

Quená'ogue ná'maq 'viichii ỹaatqajam quiichigui nqai'ñii da re'xorenataxanaxahi.

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

1 Tesalonicenses 5:20

Se ỹa'maxañi quiyim sqai coñiguit ca la'qaataxanaxac ca mashic qaỹa'qaataxanaxan quiñi qota'a.

1 Timoteo 4:14

Ỹaatqajam quirelec 'viichi' dá'maq lo'ueenataxanaxac dá'maq qoỹaañiraxarom quiñi qota'a na' saua la'gaxalate' ná'maq icoñiguit da na'qaatec queda llilnataxanaxac ñi qota'a quiyim ỹashil-lec qami'.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

1 Timoteo 6:11

Qam qami', ma' mashic qami' lelaatec ñi qota'a, ỹaatqajam 'iichirapeguem ná'ogue na se no'uen. Quiisalco' quiyim na'maxachite' quiyim quirelec ñi qota'a queda npi'ỹaxac, ne'xorenataxanaxa, neualaxavic chaqai da neequesenaxac.

2 Timoteo 2:22

'Iichirapeguem na lqo'itaxanqachic na nocchishic. Quiisalco' da lalamaxa da chaalataxac queda npi'ỹaxac, chaqai da ne'xorenataxanaxa chaqai da neuagaxa, 'neeta ná'maq ỹaatqajam co'teeta añi le'taxanata, roỹaxantacot da leenaxat so qara'gaxala' Jesús quena' nqouagaxain.

Hebreos 12:14

Nquipichiỹa'pegue' daañiỹaque quiyim huaguii'chiguit ná'ogue na qomyipi, ỹaatqajam co'teeta nqai'ñii da nachaalataxaguii. Ma' no'm sqaica da lco'taxa da chaalataxac, ca' qaica ca iuana ñi qara'gaxala'.

2 Pedro 1:7

ca' queda nañaanaxaguii quiñi qota'a, ca' rqo'chiỹata' quiyim qamiri nqaỹa'; ca' queda nqo'iichi, da ne'xorenataxanaxa.

3 Juan 1:11

Qami' ñauochaxaua ỹaqaỹa, 'neeto' lotqai quire'uegue da se no'uen 'ueenataxac. Ta'ta'a dá'maq ỹaatqajam no'uen. Cá'maq ỹo'uet ca ỹa'maqachiguiñi, ca'maxare lalamaxaret ñi qota'a, qam cá'maq ỹo'uet ca se no'uen, ca' se iuana ñi qota'a.

1 Samuel 10:5

Ca ma'le, ca' viriu'a yi Gabaa, la'a' ñi qota'olec, yí'maq na'ñi yi nouaataxanaq nalliripi na filisteoipi. Ca ma' noxoñiho quiyi na'a', ca nachiñiỹa'guit ma'le so letaxaỹaxaquiripi ñi qota'olec chicqashi'megue ada ncopatoxonaxalate. Ca' queso'maxare 'auetauec ma'le so qomyipi iviiquetapigui ana liviigue, lasaquinata, lpe'te chaqai ana niviigue 'xoic na lequet, leenaxat arpa.