1 Corintios 13:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ma' 'ue na hua'ñi na sa'deenaq, chaqai 'ue na hua'ñi quiyim sa'xataxai' naua la'qaatqa ñi qota'a.

1 Corintios 13:9 Iomraidhean Croise

Salmos 139:6

Chalego lecaic dá'maq na'deenaxanaxa ỹaatqajam se sovi'; ¡chalego lishicshi'megue, qaica quet cá'maq ñaquitetaque quiyim sa'den quet!

Salmos 40:5

Qami' ỹa'gaxala' chaqai qota'olec caỹim, 'xoic ná'maq imaqachin qami' quena ro'ueenachiqui' chaqai quiyim 'yiiñisapegalo qomi'. ¡Qaica ca 'nejem qami'! Sahotaque quiyim sa'xat da'maxare, qam ỹapaquerauec quecá'maq sa'xat quet.

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Romanos 11:34

Ma' “¿negue' ca ỹa'deene' naua la'deenataxanaxaco ñi qara'gaxala'? loqo'm ¿nega'ỹo' cá'maq ỹapaxaguin ñi'maxare?

1 Corintios 13:10

Qam ma' ỹovita quiyim dá'ogue sa'deenaq, ca' palac ma'le ná'maq se nalogoñi.

1 Corintios 13:12

Ca' chaqaida 'nejem nagui 'ue ná'maq seuanaxa, qam napalalec 'ec aca na'ỹoxolate quiyim i'telqatalec. Qam ma' ỹovita ca na'xa'a, ca seuanaxa ỹaatqajam ná'ogue re'qojlec. Ca' nagui saqa' nalogoñi dá'maq sa'den, qam ma'le ma' ỹaatqajam ná'ogue sa'deenta, 'nejem quiñi qota'a ỹa'den aỹim.

1 Corintios 2:9

Qalaxam taachigui dá'maq naneretañi na'qaatec, 'naac: Ñi qota'a ỹa'maxatetañi quiyim ỹaanem ná'maq nqo'ta ñi'maxare, quená'maq qaica ca iuana chaqai 'xaỹa, chaqai vire'ta se ỹa'deentapega.

1 Corintios 8:2

No'm 'ue ca pe'taxantaque quiyim 'ue ca ỹa'den, ca' saqa'leca ca ỹa'den quecá'maq 'neeta quet cá'maq ỹaatqajam la'deenaxanaxa.

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

1 Juan 3:2

Qamiri ỹaqaỹarolqa, mashic qomi' llaalqa ñi qota'a. Qam saqa' qaỹachaxanoxorom cá'maq shinqata ma' novi' cá'naq nqodoc. Qam sa'deenaq quiyim ma' liỹa re'oq so Jesucristo, ca' shinqatam so'maxare, ma' seuanaxa ma'le dá'maq ỹaatqajam 'neetari' so'maxare.