1 Corintios 13:5 - La'qaatqa ñi qota'olec Qota'olec & Qota'olec Novita Na Qomyipi

⁵ Se ỹo'uet ca layiloxo ca liỹa, chaqai se imitetaque ca chi la'maxa. Chaqai se ro'o, chaqai sqai caapeguem ca qohine'tegue.

1 Corintios 13:5 Iomraidhean Croise

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Mateo 9:4

Qam ma' so Jesús ỹa'den dá'maq la'deenataxanaxague' saua'maxare, ca 'naaco': —¿Chi'negue ma' se no'uen da ra'deenataxanaxaguii?

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

Lucas 7:39

Ca co'na' ỹauanchigui dajo so fariseo só'maq lalecsec so Jesús quiyim lqui'ỹaxaua, ca' ra'deenataxantac, 'naaco': “Ñijo ỹale quiyim ỹaatqajam llic la'qaataxanqajnec ñi qota'a, ca' ishit ỹa'den añi 'aalo ipooteta'pe naua lichil, ma' añi'maxare nanatqa lo'o'.”

1 Corintios 10:24

Daañiỹaque quiyim ỹa'maxañi ca liỹa, mesqai daañiỹaque ca chi ra'maxahi.

1 Corintios 10:33

Ỹim ma' quiyim chaqaỹim sahotaque quiyim ná'ogue ỹa'maxarenta quecá'maq so'uet, ma' se semitetaque ca chi ỹa'maxa, ta'ta'a ca la'maxa ca liỹa, sha'apiguito' quiyim 'ue ca nca'leuec.

1 Corintios 11:18

Ca' dá'maq 'neeta da 'auaxaic ỹa'qaatec 'neetasa': Sa'qaateguelec dá'maq 'ñiitari'o' quena' ỹovita quiyim lapoiỹata' 'ueenaxañii, qam se neuojñiỹata' qamiri. Ca' seuelec quiyim 'eco' lliqueta dajo.

1 Corintios 12:25

qaiyi sqaica nqaida quena noshicmaxa. Ta'ta'a quiyim queca 'óna notaanta'ta' queca liỹa.

1 Corintios 7:36

Qam no'm 'ue ca ỹa'deena'a quiyim 'maxaraic ỹo'naxan ca llaale, ma' shim napacalec ca laloqo' quiyim 'on, ca ca'maxare retan quiyim ỹouen ca loua aca'maxare, 'maxaraic quiyim ỹo'uet cá'maq ỹahotaque. Se qaỹollapeguem ca lo'naxac, ma' da'maxare se nasauaxaset.

2 Corintios 5:19

Dá'maq qara'qaatec 'neetasa': quiyim so Cristo liỹaatac ñi qota'a na' ỹahotaque qareuaqui'chiguit ñi'maxare quená'ogue na qomyipi, qam ñi'maxare se ra'iitapigui na lasauaxaset na qomyipi. Ca' ỹamaxalgoto qomi' quiyim sichoxotqachigui da leloxoỹaxac dajo na'qaatec quiyim qareuaqui'chiguit ñi qota'a.

Gálatas 5:13

Ma' qamiri ỹaqaỹa' na' qaroỹaxanalo qamiri, qam ỹaatqajam qaỹahotaque qarosohiuec. Ta'to'o' no'm se nquipichilec dá'maq quiyim mashic qaỹosoorec qamiri, no'm pacqajñiỹauec quiyim quiita'pegue' da chi no'ueenataxac na qom. Ta'to'o' quiyim npa'xañii quiyim quiñi 'óna la'ac ca liỹa quedá'maq 'ñiitari' quiyim ne'xoriñiỹata'.

Filipenses 2:21

Ma' ná'ogue na liỹaripi idaantaque cá'maq chi la'maxa, ca' qaica quet cá'maq ỹauaaque cá'maq ỹahotaque so Cristo Jesús.

Filipenses 4:8

Qamiri ỹaqaỹa', dá'maq co'uaataxanta ỹaqataxac 'neetasa': ỹaatqajam ỹajñita ca leloxoỹaxac cá'maq lliqueta, chaqai ná'ogue ná'maq 'ue ca 'negue nqohin, chaqai cá'maq no'uen ñicyaxac, chaqai ná'maq qaica ca lalegue', chaqai ná'ogue ná'maq qaỹa'maxarenta, chaqai ná'maq no'uen ca na'qaataxac. 'Yiiñitapega ná'ogue ná'maq no'uen chaqai taiguit quiyim qaimaqachin.

2 Tesalonicenses 3:7

Ma' qamiri 'yiiñita dá'maq 'ñiitari' quiyim quiitalec da leloxoỹaxac da shinqatari' na' salecqatauguilo qamiri. Ma' qomi' ỹaatqajam so'ueenataxanaq na'le,

2 Timoteo 2:10

Vichiguiño' ña'ñaxachiguit ná'ogue nanchaqaina, ma' sahotaque quiyim na qota'a lca'acseripi ỹovira'oga da nca'laxa chalego loyac chaqai sqaica lqodoc. Dajo nca'laxa taỹoto qomi', ma' mashic ña'daqatau'a so Cristo Jesús.

2 Timoteo 4:16

Na' ñaqai chita'gue so'uet da itaxaỹaxac quiyim setaxaỹa'pegue' na nashillipi, qaica ca yotauan quiyim retaqalec aỹim. Ná'ogue yalat, qam no'uen quiyim ñi qota'a se ra'igui dá'ogue dajo.

Santiago 1:19

Vichiguiño' qamiri ñauochaxaua' ỹaqaỹa', quiñi 'óna caqamiri icona quiyim ỹaatqajam na'xaỹaxan, qam mese na'auashiguim retaqa, chaqai mesqai chaqa'ma' ro'o.