1 Corintios 13:4 - La'qaatqa ñi qota'olec Qota'olec & Qota'olec Novita Na Qomyipi

⁴ Cá'maq 'ue ca le'xorenataxanaxa ỹaatqajam 'ñaaxaic lauel, 'naxanaxaraic, se pa'guenaxanaxaic, se napacqajnaxai, chaqai se nemaqajnaxai.

1 Corintios 13:4 Iomraidhean Croise

Génesis 30:1

Ca co'na' aso Raquel iuana quiyim aso'maxare tot qaica ca llaalec queso Jacob, ca' 'ue da lpa'guenaxanaxa caso lopilete Lea. Ca 'naaco' queso loua: —Vite ca ỹaalqaipi, ma' no'me', ca yileu.

Génesis 37:11

Ca' saua lqaỹa' ỹaatqajam 'ue da lpa'guenaxanqa'. Qam so leta'a ỹaatqajam 'xoic da 'neeta ỹa'deentapega cá'maq 'neeto' dajo.

Proverbios 31:20

Ỹaatqajam se coua'e quiyim ỹotauan ca 'xoraic chaqai ná'maq 'ue ca louenaxanaxa.

Proverbios 31:26

Quena' retaqa, qam ỹa'den dá'maq ỹa'xat, quiichigui nqai'en da le'xorenataxanaxa da lapaxaguinataxanaxac.

Mateo 27:18

Ma' retano' quiyim chi npa'guenaxac dá'maq 'em qoỹaano' so Jesús.

Hechos 7:9

Sojo llaalqaipi so Jacob, chaqaiso so sachigoxosoxougui. Sojo nqaỹaripi pa'guen so lanoq, leenaxat José. Ca' qaimen, ca qaỹaueguegue da 'laua, leenaxat Egipto. Qam ñi qota'olec liỹaatac so José.

Romanos 1:29

No'qaachiguilo quená'maq se no'uen na'deenataxanaxac, dequenaxac, nqa'viic, nemitete'e ana plata chaqai na se no'uen, pa'guenaxanaxaiquipi, lauataxanaxaiquipi, petaxanaxaiquipi, 'maatqaiquipi, qa'uaic chaqai la'axaqa lo'o'.

Romanos 13:13

Qam ỹaatqajam ña'maxatqata shinqata'gue dá'maq 'neetari' cá'maq mashic queetagui yi na'xa'a. Totqai qomi' ne'taaxaiqa, chaqai se so'ueetaq ca qarqui'ỹaxac quiyim 'xoic ca naỹaac, chaqai dequenaxac, chaqai nanchaqaina namaanaxanaxa, chaqai quiyim ñco'uaqata'ta', chaqai quiyim ñpa'guenqata'ta'.

1 Corintios 3:3

ma' nagui ñaq quiitalec da ra'aachicyaxaguii. Ma' ñaqai 'ohita'ta' chaqai nco'uaita'ta' chaqai se neuojñiỹata', ca' re'qoota quiyim qamiri ñaq quiitalec da ra'aachicyaxaguii, ca ñaqai 'ñiitari' da no'ueenataxac ná'ogue na liỹa qom.

1 Corintios 4:18

'Uo' ca caqamiri ỹaatqajam nemaqajan, 'neetapigui lauel quiyim tot sovitalo qamiri.

1 Corintios 4:6

Qamiri ỹaqaỹa', dá'maq shinapegalo qamiri, da'maxare chi ra'maxahi. Ca saloqojnaxangui so Apolos chaqai aỹim, qaiyi qamiri ishit quiyim chigoxochiỹaugui da qana'maqataxac, qaiyi 'yiiñii qaica ca napaguiteguelec quenaua nerecse' na'qaatqa, chaqai qaiyi qaica ca imaqachintac ca liỹa chaqai ca ỹañijintac ca liỹa.

1 Corintios 5:2

¡Qam qaiyiita nemaqajñitac qamiri! Qamiri chigoita quet 'ñiitari' ca 'ue ca lasauaxanec, chaqai cajo ỹale ỹo'ueetetac dajo chalego la'aaxa ỹaatqajam o'yiỹauec quet, paguec la'maxa quiyim se ỹalegouguilo qamiri.

1 Corintios 8:1

Ca' nagui sa'xatema qamiri ca leloxoỹaxac ca na'ic mashic qanqouagaxainlec quiyim qoỹaanot ca nashiilec nqolac. 'Nesa ma' llic quiyim qomá'ogue sa'deenqachigui dajo, qam da qara'deenaxanaxa tai'a nqai'ne' qomi' da nque'guenataxanaxac. Qaidaata da ne'xorenataxanaxa ỹo'uet da qarañaqtaxac.

2 Corintios 12:20

Ma' ỹim 'ue da itelaxa quiyim ma' sovitalo qamiri 'neeto' lotqai sqai 'ñiitari' dá'maq sahotaque quiyim 'ñiitari' quet, chaqai 'neeto' ỹoqa'a ca shintari' ma' huañiua'. Ma' 'ue da ỹoqolonaxa quiyim ñaqai hueetauguilo qamiri quiyim se na'yiiñiỹata', npa'guiñita'ta', 'ohita'ta', na'aavitegueshiguim, la'axaqa lo'o', novirqataxanaxac, maqajnaxac, chaqai sqaica ca 'maqataxac.

2 Corintios 6:6

Chaqai re'oq qai'neeta nqaishinaq quiyim qomi' lelaatqa ñi qota'a quedá'maq 'maxaraic qano'ueenataxac, quiyí'maq qara'deenaxanaxa quedá'maq lliqueta, queda qareualaxavic, chaqai da qarqouagaxa, quedá'maq quiyim hueetauguilo qomi' so Espíritu Santo, chaqai dá'maq ỹaatqajam nachinchiguiñi qare'xorenataxanaxa,

Gálatas 5:26

Sqai qomi' nemaqajnaxaqa, chaqai mesqai ñapetqata'ta', chaqai mesqai ñpa'guenqata'ta'.

Efesios 4:2

Ca' qamiri neneequesenaxaqa, chaqai 'naxanaxaraqa, chaqai qamiri hualaqhuaqa, chaqai quiñi 'óna caqamiri i'xoren ca liỹa no'm 'ue canchaqaica.

Efesios 4:32

Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.

Filipenses 1:15

Ca' llic quiyim 'ue na ỹa'xatetac so Cristo, qam queetaugui da lpa'guenaxanaxac chaqai da laquiitaxanaxac, qam 'ue na liỹaripi 'maxaraic da la'deenataxanaxac.

Colosenses 1:11

Chaqai sashiilqatac ñi'maxare quiyim ra'ñichiriñi nqai'ne' qamiri quedá'maq chalego lecaic lquesaxanaxa, qaiyi shichii na'ñaxachiguit ná'ogue quiyim 'xoic da reualaxaviguii chaqai da netoonaxaguii,

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

1 Tesalonicenses 5:14

Qai'neeta saqataxalo qamiri qarqaỹa' quiyim ỹaatqajam 'ñiỹapega ná'maq se nqo'ta ro'ueenataxan, chaqai 'ñaxachii ná'maq se ra'ñiigui na lauel, chaqai tauañii na se ra'ñi da lpi'ỹaxac, chaqai quiyim neualaxaviñi'te' ná'ogue na qomyipi.

1 Timoteo 6:4

ca' cajo qom nemaqajnaxai, qam qaica ca ỹa'den. Vichiguiño' lqo'itaxat quiyim nco'uaataguilo naua na'qaatqa, ma' 'eco' 'ue da ralolaxa. Ca' dajo chaqaida dá'maq chicqaugui da pa'guenaxac, co'uaxac, shiuenaxac, chaqai quiyim tot qoyiuelec ca liỹa,

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,

2 Timoteo 3:10

Qam qami' mashic 'yiiñite' dá'maq ỹapaxaguinataxanaxac, chaqai quedá'maq ỹa'maqachiguiñi shintari', quedá'maq sahotaque, da ipi'ỹaxac, chaqai da iualaxavic, ỹoqo'iichi, quiyim ña'ñaxachiguit ná'ogue nanchaqaina

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

Santiago 4:5

'Uo' ca 'neeta, vichiguiño' yaua naneresañi na'qaatqa 'nerac: “So Espíritu Santo só'maq ñi qota'a ỹanauguilo qomi', so'maxare nqo'talo chaqai ỹauoteguelo qomi'.”

1 Pedro 2:1

Ca' vichiguiño' 'maxaraic quiyim 'xañiñi ná'ogue na se no'uen, ná'ogue na na'maachic, chaqai sqai dos caua ra'deenataxanaxagohi, chaqai se pa'guiñitac ca riỹahi, chaqai sqai qamiri la'axaqa lo'o'.

1 Pedro 3:8

Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan.

1 Pedro 4:8

Qam quená'ogue ỹaatqajam ne'xoriñiỹata' qamiri, ma' da ne'xorenataxanaxa 'xoic na nasauaxaset ỹapalaxat.

2 Pedro 1:7

ca' queda nañaanaxaguii quiñi qota'a, ca' rqo'chiỹata' quiyim qamiri nqaỹa'; ca' queda nqo'iichi, da ne'xorenataxanaxa.

1 Juan 4:11

Qamiri ỹaqaỹa', no'm chaqaida 'ne'tegue ñi qota'a quiyim qare'xoren, ca' qomi' qai'neeta ñi'xoresenaqta'.