1 Corintios 13:3 - La'qaatqa ñi qota'olec Qota'olec & Qota'olec Novita Na Qomyipi

³ Chaqai no'm saan ná'ogue na hueetaỹot, chaqai no'm saanec na ỹoshicmaxa quiyim qaỹavigaxat, qam qaica ca i'xorenataxanaxa, qaiyiita qaica ca 'negue caỹim.

1 Corintios 13:3 Iomraidhean Croise

Jeremías 7:8

Qamiri viiteguelec na na'qaatqaipi na'maachic qaica ca 'negue caqamiri.

Mateo 23:5

Ca' quená'ogue ná'maq ỹo'uet, ỹahotaque qaỹa'ajantac quena qomyipi. Ma' ỹaatqajam nqo'ta quiyim 'ue ca hueetalec na latap chaqai quenaua lqai'laqate' quiyaua naneresañi la'qaatqa ñi qota'a, leca'gue nqohin ca nerec, chaqai quiyim ỹañiñi naua noho paguec ladocqa' naua lauollaxa' quena liỹa qom.

Lucas 18:22

Ca co'na' 'qaachigui dajo so Jesús, ca 'naaco': —'Uo' da 'oonoqui' saqa'leca caqami': miiñi' ma'le ná'ogue na rovinqui'. Ime, ca' 'ỹaañirougui na 'xoraiquipi, qaiyi 'ue ca resallaxa'e' hueeta'gue da piguim. Ca' ma' ime, ca anaqui', co'uaachitegue aỹim.

Lucas 18:28

Ca' so Pedro 'naaco': —Qami' qara'gaxala', qomi' ño'ueenaxatqatañi cá'ogue ca qarouenqaipi, ca' ñanaguinaxague qami'.

Lucas 19:8

Ca' so Zaqueo nachajñi, ca 'naaco' queso qara'gaxala', 'naac: —Qami' ỹa'gaxala', aỹim ma'le sasectaqchigui na lavinñi na isallaxa. Ime, ca' saanem na 'xoraiquipi. Chaqai no'm 'ue ca socacha ca louenec chi sayinta, ca sopilaqtem, qam cuatro nqaishine'.

Juan 12:43

Ma' ỹapacqajnauec quiyim qaimaqachin quena qom, quiyim qaimaqachin quiñi qota'olec.

Juan 13:37

Co'na'le, ca 'naaco' so Pedro: —Qami' ỹa'gaxala', ¿chi'negue queta' se seshit shiguegue qami' nagui? Ma' ỹim shinac se seten 'eno'm saanec da ñachaalataxac caqami'.

Juan 15:13

Dá'maq paguec lecaic ne'xorenataxanaxa quiyim hueeto'ot ca qom 'neetasa': quiyim ca qom ishit ỹaanec da nachaalataxac queca nauochaxaua.

Juan 6:63

So ne'Espíritu ñi qota'a chaqaiso só'maq ỹo'uet da nca'laxa; da chi lquesaxanaxa ca qom qaica ca 'negue. Ca dauá'maq sa'xate' ỹaatqajam lliquete' chaqai chicqoro'ot so Espíritu chaqai ỹa'ue da nca'laxa.

Hechos 21:13

Qam so Pablo 'naaco': —¿Chi'negue ma' nohiñitac chaqai viitaque na ỹachicoxo? Ma' ỹim mashic ñomatalta' quiyim sqaidaata quiyim qaycoñi', qai'neeta quiyim yileua'ñi yi Jerusalén, sasoualec so qara'gaxala' Jesús.

Gálatas 5:26

Sqai qomi' nemaqajnaxaqa, chaqai mesqai ñapetqata'ta', chaqai mesqai ñpa'guenqata'ta'.

Filipenses 2:3

Chaqai mesqai 'ue ca naquichitaque quiyim 'ue ca 'viichii chaqai quiyim nemaqajñii. Ta'ta'a ca ne'xoresenaxaguii, chaqai quiñi 'óna paguec gueme nqai'en ca liỹa queca'maxare.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

Hebreos 13:9

'Neeto' quiita'pegue' na ỹoreta'oguit se qaiuanapega napaxaguinataxanaxaquipi. Paguec la'maxa quiyim añi qare'taxanata icoñiguit da lquesaxanaxa chicqochigui da le'xorenataxanaxa ñi qota'a, mesqai da llicyaxac ca na'ic; ma' nauajo llicyaxaco na na'ic se iuanapega quiyim ỹa'maxajñi quet ná'maq queetalgoto naua'maxare.