1 Corintios 13:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' chaqaida 'nejem nagui 'ue ná'maq seuanaxa, qam napalalec 'ec aca na'ỹoxolate quiyim i'telqatalec. Qam ma' ỹovita ca na'xa'a, ca seuanaxa ỹaatqajam ná'ogue re'qojlec. Ca' nagui saqa' nalogoñi dá'maq sa'den, qam ma'le ma' ỹaatqajam ná'ogue sa'deenta, 'nejem quiñi qota'a ỹa'den aỹim.

1 Corintios 13:12 Iomraidhean Croise

Génesis 32:30

Ca' so Jacob ỹanegue leenaxat Penuel, loqo'm qota'olec lashic, yijo 'laua, ma' 'naaco': Ỹaatqajam seuanchigui na lashic ñi qota'olec, qam qaiyiita ñaq yca'leetauec.

Job 19:26

'Eno'm nateta'ñiguit na ỹa'at, qam ỹim seuana ma'le ñi qota'olec.

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 5:8

Ỹaatqajam chalego la'maxa ma'le quecá'maq co'teeta añi le'taxanata, ma' ca'maxare iuana ma'le ñi qota'olec.

Romanos 8:18

'Nesa ma' 'vii naua qare'xorico sovirqau'alo nagui, qam sqai 'nejem nqaishin cá'maq ñaqa naata lecaic cá'maq ñouanqau'a ma'le.

1 Corintios 13:11

Ca na' ñaqaỹim noctoqui', da itaxaỹaxac, ỹa'deenataxanaxac, chaqai da ỹa'ajanaxanaxac shintari' quiyim aỹim noctoqui'. Qam na' sovita quiyim mashic aỹim ỹale, ca' saxanñi da shintari' na' ñaqaỹim noctoqui'.

1 Corintios 8:3

Qam cá'maq nqo'ta ñi qota'a, ca' ñi qota'a ỹa'deenta ca'maxare.

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

2 Corintios 5:7

Ca qolqatalec da qarpi'ỹaxac, mesqai cá'maq re'qoochigui.

Filipenses 3:12

Ỹim se seshit quiyim shinac quiyim sovirau'a dá'ogue dá'maq sa'xatetac, loqo'm quiyim mashic yaloochiguiñi queda ỹicyaxac. Qam ỹim shiqueta, ma' 'ue da ñaquitaxac quiyim sovirau'a dá'maq 'em quiyim iconeu'a aỹim na'le so Cristo Jesús.

Santiago 1:23

Ma' cá'maq chi na'xaỹaxantapega da na'qaatec, qam se ỹo'uet da'maxare, ca 'nejem ca qom quiyim ra'ilec aca na'ỹoxolate, ca ỹa'ajan da 'neetari' ñi lashic.

1 Juan 3:2

Qamiri ỹaqaỹarolqa, mashic qomi' llaalqa ñi qota'a. Qam saqa' qaỹachaxanoxorom cá'maq shinqata ma' novi' cá'naq nqodoc. Qam sa'deenaq quiyim ma' liỹa re'oq so Jesucristo, ca' shinqatam so'maxare, ma' seuanaxa ma'le dá'maq ỹaatqajam 'neetari' so'maxare.

Apocalipsis 22:4

Ca' ỹaatqajam neuane'e' ñi'maxare, chaqai ná'ogue qoỹeretalec na latap na leenaxat.