1 Corintios 13:1 - La'qaatqa ñi qota'olec Qota'olec & Qota'olec Novita Na Qomyipi

¹ No'm ỹim sa'xateta'pe naua la'qaatqa na qom chaqai naua la'qaatqa na chicqashiguim qota'a lelaatqaipi, qam quiyim sqaica ca i'xorenataxanaxa, ca shintari' aca nouaxana quiyim ilamtapigui, loqo'm aca nasaquinata quiyim qaỹasaquintapigui.

1 Corintios 13:1 Iomraidhean Croise

Salmos 150:5

¡Maqachiñii, viite'e na 'ec peguet latoỹaxaraic! ¡Maqachiñii, viite'e na 'ec peguet ratohi!

Mateo 25:45

Ca' ca nashi 'naac ma'le: “Ỹaatqajam llic da shinac caqamiri, quená'ogue ná'maq sqo 'viichii quena qomyipi quená'maq 'ec sqaica ca 'negue, qai'neeta caỹim sqo 'viichii.”

Marcos 16:17

Ca' quecá'maq hueeta'gue cá'maq huelec, ca' ỹo'uet ma'le na netanqaipi, 'neetasa': Da ỹeenaxat ro'ootaxana quena ne'ec lecmaxaic, chaqai ỹa'xate' naua ỹoqa'alo na'qaatqa,

Romanos 14:15

Qam no'm quecá'maq 'qui', ca neu'a ca se no'uen la'deenataxanaxac ca rpi'ỹaxaua'e', ca' totqai vi'saugui ca ne'xorenataxanaxa. 'Neeto' lotqai 'ue ca na'laañi nqai'ñi' quená'maq ileualec so Cristo, chicqochigui quiyim sqa ỹaataq ca 'qui'.

1 Corintios 12:10

Chaqai 'ue na ỹaanem quiyim ỹo'uet na nquesaxanaxa se qaiuanapega, chaqai 'ue na ỹaanem quiyim ỹa'xat da la'qaatec ñi qota'a, chaqai 'ue na ỹaanem da la'deenaxanaxa quiyim retan na se re'xogui quena 'maatqaic, loqo'm chaqaiso so Espíritu Santo. Chaqai 'ue na ỹaanem quiyim ỹa'xate' naua na'qaatqa se qaiuanapegalo, lotqai 'ue na ỹaanem quiyim ỹa'den da leloxoỹaxac naua na'qaatqa.

1 Corintios 12:16

Loqo'm aca nque'la 'naac: “Mesqai aỹim qote, vichiguiño' sqai saỹapegueu'a na noshicmaxa”, qam qaiyiita taỹapegueu'a na noshicmaxa.

1 Corintios 12:8

Ca ñi'maxare 'ue na ỹaanem da la'deenaxanaxa quiyim retaqa, chicqochigui nqai'en so Espíritu, chaqai 'ue na ỹaanem quiyim 'xoic da la'deenaxanaxa, chicqochigui nqai'en so Espíritu.

1 Corintios 13:8

Da ne'xorenataxanaxa sqaica ca lqodoc. Ca 'uo' ca na'xa'a quiyim tot qaỹa'xate' naua la'qaatqa ñi qota'a, chaqai tot qaỹa'xate' naua se qaiuanapegalo na'qaatqa, chaqai tot qaỹouen da na'deenaxanaxa.

1 Corintios 14:2

Ma' cá'maq qom quiyim ỹa'xate' naua se qaiuanapegalo na'qaatqa retaqata'pegue' ñi qota'a, qam mesqai na qom, ma' qaica cá'maq ỹa'den da ỹa'xatetac. Quena' qaitaxaỹaxan queso Espíritu, ca 'ue dá'maq ỹa'xatetac, qam se qara'xaỹa.

1 Corintios 14:4

Cá'maq ỹa'xate' naua na'qaatqa se qaiuanapegalo, ca'maxare chi lañaqtaxac dajo, qam cá'maq ỹa'xate' naua la'qaatqa ñi qota'a ỹo'uet da lañaqtaxac ná'maq mashic icoñiguit da na'qaatec.

1 Corintios 14:5

Ỹim sahotaque quet quiyim qamiá'ogue 'xachii' naua na'qaatqa se qaiuanapegalo. Qam paguec la'maxa nqaishin queta' 'xachii' naua la'qaatqa ñi qota'a. Ma' paguec la'maxa quiyim qaỹa'xat da na'qaatec, sqai 'nejem quiyim qaỹa'xate' naua na'qaatqa se qaiuanapegalo, ta'to'o' no'm 'ue ca ichoxot ca leloxoỹaxac cá'maq qaỹa'xatetac, qaiyi nqo'in da lañaqtaxac ná'maq mashic icoñiguit da na'qaatec.

1 Corintios 8:1

Ca' nagui sa'xatema qamiri ca leloxoỹaxac ca na'ic mashic qanqouagaxainlec quiyim qoỹaanot ca nashiilec nqolac. 'Nesa ma' llic quiyim qomá'ogue sa'deenqachigui dajo, qam da qara'deenaxanaxa tai'a nqai'ne' qomi' da nque'guenataxanaxac. Qaidaata da ne'xorenataxanaxa ỹo'uet da qarañaqtaxac.

2 Corintios 12:4

Ca so'maxare qaỹauega yí'maq la'a' ná'maq mashic qanca'laxatec queda piguim. Ca co'na' hueeta'quera, ca' 'xaỹalo' saua na'qaatqa se qara'xaỹapegalo, chaqai qaica ca qom qaỹasene'tema quiyim ỹa'xate'.

Gálatas 5:22

Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

1 Timoteo 1:5

Ma' dá'maq 'neeta dajo nelaataxanaxac qaỹahotaque quiyim ñi'xoresenaqta'. Qam ca le'xorenataxanaxa ca qom chicqochigui aca le'taxanata co'teeta, chaqai qaica canchaqaica quedá'maq 'neetari', chaqai ca lpi'ỹaxac ỹaatqajam 'chichiguiñi.

1 Pedro 4:8

Qam quená'ogue ỹaatqajam ne'xoriñiỹata' qamiri, ma' da ne'xorenataxanaxa 'xoic na nasauaxaset ỹapalaxat.

2 Pedro 2:18

Ma' nemaqajnaxai quena' retaqa, qam qaica ca 'netegue naua la'qaatqa. Ma' ỹachigoxochichigui da lamaanaxanqachic quenanchaqaina chaqai na se no'uen lamaanec na qom loshicmaxa, ca' ỹashaxanec ná'maq mashic qohitauec quená'maq ñaqai hueetaugui da no'maxac.

Apocalipsis 14:2

Ca na' ime, ca 'ue ca sa'xaỹaque 'maqot na piguim. 'Ec na lelamaxa na 'xoic lachiuguellipi, chaqai qai'neeta 'ec na lelamaxa aso soxonaxa quena' nouaxanaxanñi; 'ec da lelamaxa aca 'xoic neviiguellipi qaiviiquetapigui.