1 Corintios 12:8 - La'qaatqa ñi qota'olec Qota'olec & Qota'olec Novita Na Qomyipi8 Ca ñi'maxare 'ue na ỹaanem da la'deenaxanaxa quiyim retaqa, chicqochigui nqai'en so Espíritu, chaqai 'ue na ỹaanem quiyim 'xoic da la'deenaxanaxa, chicqochigui nqai'en so Espíritu. Faic an caibideil |
Ca' qamiri ỹaqaỹa', quedá'maq 'neeta dajo: Quiyim quena' ỹovita quiyim lapoiỹata', 'ue ca 'ue ca lo'ueenec caqamiri, loqo'm 'ue ca 'ue ca lapaxaguinataxanaxac, loqo'm 'ue ca 'ue ca qaỹa'deenaxanaxanegue quiñi qota'a, loqo'm 'ue ca ỹa'xate' naua ỹora'alo na'qaatqa, loqo'm 'ue ca ichoxot ca leloxoỹaxague' naua na'qaatqa. Hua', qam quiyim ná'ogue najo no'ueenaxat ca lañaqtaxac nqai'en ca la'al ná'maq mashic icoñiguit da na'qaatec.
Ca' vichiguiño' qamiri ỹaqaỹa', quiyim sovitalo qamiri, ca' sa'xate' naua se qaiuanapegalo na'qaatqa, ca' sqaica quet cá'maq chigoqchiỹaugui ca itaxaỹaxac, ta'to'o' no'm sa'xat cá'maq ỹahotaque ỹa'deenaxanaxanque qomi' ñi qota'a, loqo'm 'ue ca ỹaañiỹaxarom quiyim 'yiiñii cá'maq lliqueta, loqo'm sa'xat ca na'qaatec chicqo'ot ñi qota'a, loqo'm ca napaxaguinataxanaxac.
Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.
Chaqai re'oq qai'neeta nqaishinaq quiyim qomi' lelaatqa ñi qota'a quedá'maq 'maxaraic qano'ueenataxac, quiyí'maq qara'deenaxanaxa quedá'maq lliqueta, queda qareualaxavic, chaqai da qarqouagaxa, quedá'maq quiyim hueetauguilo qomi' so Espíritu Santo, chaqai dá'maq ỹaatqajam nachinchiguiñi qare'xorenataxanaxa,