1 Corintios 12:6 - La'qaatqa ñi qota'olec Qota'olec & Qota'olec Novita Na Qomyipi

⁶ Chaqai sqai dá'ogue da leloxoỹaxac da lo'ueenataxanaxac na qomyipi, qam chaqaiñiita ñí'maq qota'a ñí'maq ỹo'uet quena' ỹo'ueenataxanaxan na'maxare.

1 Corintios 12:6 Iomraidhean Croise

Juan 5:17

Qam so Jesús 'naaco' queso qomyipi: —Ñi ita'a ñaqai ro'ueenataxantac, ca' ỹim qai'neeta so'ueenataxan.

1 Corintios 12:11

Qam chaqaiso so Espíritu chicqo'ot ná'ogue najo, ca' chaqaiso só'maq imeenec ná'maq ỹoreta'oguit lo'ueenataxanaxac queca qom, quecá'maq shim 'neeta'gue.

1 Corintios 12:5

Chaqai ỹoreta'oguit na leloxoỹaxac quiyim qaro'ueenataxanot so qara'gaxala', qam 'oonoqui' só'maq so'ueenataxanqatacot.

1 Corintios 15:28

Ca qam ma' ỹovita quiyim ime qaipataxalec ná'ogue quiyim ỹoiquentac so Cristo, ca' ma'le, ca chaqaiso só'maq Cristo, ma' llaalec ñi qota'a, ca' chi nañaanalta' quiñi qota'olec, ñí'maq chicqochigui quiyim qaipataxalec quiyim ỹoiquentac ná'ogue najo. Ca' quiyi, ca ñi qota'a ỹomata'ta' quiyim ỹoiquentac ná'ogue najo.

1 Corintios 3:7

Ca quecá'maq danaxan chaqai ca rocoraxantac qaica ca 'netegue. Qaiñiita ñí'maq qota'a maq 'ue ca 'negue, ma' ñi'maxare maq ỹo'uet da lañaqtaxac da no'ueenataxanaxac.

Efesios 4:6

'oonoqui' ñi qota'a ñí'maq leta'a ná'ogue. Ñi'maxare ỹomatalec ná'ogue najo, chaqai ro'ueenataxantapouguilo qomá'ogue, chaqai qomá'ogue ỹalequetauguilo.

Filipenses 2:13

Ma' ñi qota'a ñí'maq ỹaanema qamiri dá'maq no'uen viitaque chaqai ỹotauane' qamiri qaiyi shichii 'viichii, ma' chaqaida dá'maq ỹahotaque ñi'maxare.

Colosenses 1:29

Ca' chaqaida dá'maq 'em quiyim ña'ñaxat, so'ueenataxan quedá'maq ỹa'ñaxac chaqai da iquesaxanaxa chicqo'ot so Cristo.

Colosenses 3:11

Qam dajo mesqaida quet quiyim judío le'ec ca qom loqo'm quiyim mesqai judío, loqo'm quiyim 'ue ca netanec na loshicmaxa loqo'm ca sqaica ca netanec, chaqai ca ỹoqa'a ca chicqa'gue loqo'm ca se na'maxat, loqo'm ca na'ac loqo'm se na'ac. Ma' chaqaiso so Cristo qaisoota, ca' hueetaugui ná'ogue na qomyipi.

Hebreos 13:21

ca ñi'maxare ỹaatqajam naloqojonchiriñi qamiri, chaqai no'ueenaxat da no'ueenataxaguii quená'ogue, qaiyi 'viichii cá'maq ỹahotaque, chaqai quiyim ỹo'uet ñi'maxare coqomi' cá'ogue cá'maq ỹahotaque, chicqochigui nqai'en so Jesucristo. ¡Ca' se neme qaimaqachintac so Cristo! Ajá'a, ca' chaqaida 'neeta dajo.