1 Corintios 12:4 - La'qaatqa ñi qota'olec Qota'olec & Qota'olec Novita Na Qomyipi

⁴ 'Ue na ỹoreta'oguit no'ueenataxanaxac quiyim queca 'óna qom ishit icoñiguit, qam chaqaisoota só'maq Espíritu so chicqo'ot.

1 Corintios 12:4 Iomraidhean Croise

1 Corintios 12:1

Qamiri ỹaqaỹa', ỹim sahotaque quiyim 'yiiñita da leloxoỹaxac na ỹoreta'oguit lo'ueenataxanaxac so Espíritu Santo ỹaanem queca 'óna.

1 Corintios 12:28

Ca 'eda da 'ne'tegue ñi qota'a quena' 'ue ñi ỹaconeu'a quená'maq mashic huelec ñi'maxare quena' ỹo'uet da lo'ueenataxanaxac. Ỹa'maxachichiguiñi da 'ne'tegue quiyim ỹa'auaxan na lelaatec so Jesús, ime lotqai na ỹa'xat da la'qaatec ñi qota'a, ime lotqai na napaxaguinataxanaq, ime lotqai na re'oq nqai'en na nquesaxanaxa se qaiuanapega, ime lotqai na nataren na ralolaxaic chaqai na ỹotauan ca liỹa, chaqai na na'gaxala', chaqai 'ue na ỹa'xate' naua na'qaatqa se qaiuanapegalo.

1 Corintios 12:5

Chaqai ỹoreta'oguit na leloxoỹaxac quiyim qaro'ueenataxanot so qara'gaxala', qam 'oonoqui' só'maq so'ueenataxanqatacot.

1 Corintios 7:7

Ca' ỹim quiyim chaqaỹim, ca' sahotaque quet quiyim qamiá'ogue 'ñiita'ogue maỹim. Qam ñi qota'a ỹoreta'oguit na ỹaanem quiñi 'óna queca 'óna 'neetayi ca leloxoỹaxac chaqai ca liỹa lotqai ỹoqa'a ca leloxoỹaxac ca neme.

Efesios 4:11

Ca' ỹa'ue na ỹaanem quiñi 'óna, 'ue na ỹaanem quiyim lelaatec so'maxare, chaqai 'ue na letaxaỹaxaquiripi nqai'en ñi qota'a, chaqai na liỹa ca' ỹa'xatetac da na'qaatec chicqaugui da nca'laxa, chaqai 'ue ná'maq la'gaxala' ná'maq mashic icoñiguit da na'qaatec, chaqai na napaxaguinataxanaq.

Hebreos 2:4

Chaqai ñi qota'a qai'neeta 'chichiguiñi nqai'en dajo na'qaatec. Ca ỹa'vii naua netanqa, chaqai ná'maq ỹo'uet da ne'laxa, chaqai 'xoic na ỹo'uet quená'maq se qaiuanapega, chicqochigui nqai'en so Espíritu Santo quiyim ỹaanema qomi' ná'maq ỹoreta'oguit ỹoiquentac quecá'maq 'ne'tegue.

1 Pedro 4:10

Chaqai quiñi 'óna ro'ueenataxana cá'maq qoỹaanem quiñi qota'a, ỹa'maxate'tegue da lo'ueenataxanaxac quecá'maq reloqo'tegue ca lqouagaxa ñi qota'a.