1 Corintios 12:12 - La'qaatqa ñi qota'olec Qota'olec & Qota'olec Novita Na Qomyipi

¹² Ma' so Cristo 'nejem ca 'oonoqui' noshicmaxa, qam 'xoic na louenqaipi. Ca 'eno'm 'xoic, qam inoqueta'ta' queso 'oonoqui' noshicmaxa.

1 Corintios 12:12 Iomraidhean Croise

1 Corintios 10:17

Ca 'eno'm qomi' 'xoic, qam qomá'ogue sa'guinaq ñouanqachigui so 'oonoqui' pan, ca vichiguiño' 'ec qomi' 'oonoqui' noshicmaxa.

1 Corintios 12:20

Qam quedá'maq 'neeta quiyim 'xoic na nouenqaipi, qam 'oonoqui' ná'maq na'deetau'a noshicmaxa.

1 Corintios 12:27

Ca chaqaqamiri nauá'maq louenqa so loshicmaxa so Cristo, ca quiñi 'óna caqamiri na'yiitau'a so noshicmaxa.

1 Corintios 12:7

Ca' ñi qota'a ỹaanem quiñi 'óna quiyim ichoxot nqai'en so Espíritu Santo cá'maq ỹahotaque lotaanaxanaxat quená'ogue na qomyipi.

Gálatas 3:16

Qam nagui retañite', ñi qota'a na' 'vii naua ỹachaxanta'pe queso Abraham chaqai queso llaalec, ca' naua nerecse' la'qaatqa ñi'maxare sqai 'nerac: “ca qachaalaxai'pi”, 'ec quiyim 'xoic ca qomyipi 'neetapega. Ta'ta'a quiyim 'naac: “ca qachaalqui'.” Ca' dajo 'oonoqui' cá'maq 'neetapega, ca cá'maq qohintapega chaqaiso so Cristo.

Efesios 1:23

Ma' ná'maq mashic icoñiguit da na'qaatec chaqaina ná'maq loshicmaxa so Cristo, ca naloochiguiñi nqai'en so Cristo. Chaqai so'maxare naloqojonchiguiñi quená'ogue nanchaqaina.

Efesios 4:12

Ca' chaqaida 'ne'teco' na' ỹa'maxatetegueñi ná'maq lalamaxareteripi na' ỹahotaque quiyim ỹo'ueenataxanaxan, qaiyi noquiiguec na lalamaxareteripi so Cristo,

Efesios 4:4

'Ue so 'oonoqui' noshicmaxa lapohitagui, chaqai 'oonoqui' so Espíritu Santo. Ca' qai'neeta roỹaxanalo qamiri ñi qota'a, qaiyi 'oonoqui' ca naquitaxaguii.

Efesios 5:23

Ma' cá'maq loua chaqaica cá'maq 'ec lqahic aca'maxare. Ma' chaqaida dá'maq dajo 'neeta so Cristo lqahic ná'maq mashic icoñiguit da na'qaatec, chaqai qai'neeta nca'laxatec. Ma' chaqaina ná'maq 'eco' loshicmaxa so'maxare.

Efesios 5:30

ma' chi loshicmaxa. Ca chaqai qomi' louenqa sojo noshicmaxa, 'ec qomi' la'aachi' chaqai lpi'naqa.

Colosenses 1:18

Qai'neeta chaqaiso so Cristo só'maq lqahic na noshicmaxa, ca na'maxare chaqaina ná'maq mashic icoñiguit da na'qaatec. So'maxare chaqaiso só'maq ỹa'ue da lca'laxa na noshicmaxa. Ma' so'maxare 'au qanca'laxatec na'le queso lelauaxa, ca' qoỹana'ñi quiyim na'gaxala' ỹapacauec quená'ogue.

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

Colosenses 2:19

Na'maxare ỹoqota'oga queso Cristo só'maq lqahic na mashic icoñiguit da na'qaatec. Chaqai nqo'naxatetashiguim, ỹahotaque da lquesaxanaxa, chaqai ỹo'xonta' ná'maq ỹoreta'oguit louenqaipi, ipaquichigui nqai'en dá'maq ỹahotaque ñi qota'a.

Colosenses 3:15

Ca' da na'maxa chicqo'ot ñi qota'a ỹoiquenta'pe nqai'ñii naua re'taxanatahi, ma' chaqaida dá'maq ỹahotaque ñi'maxare na' roỹaxanalo qamiri quiyim lliguiỹau'a so 'oonoqui' noshicmaxa. Ca' necoñitaque da na'aachicyaxaguii.