1 Corintios 12:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Qam chaqaiso so Espíritu chicqo'ot ná'ogue najo, ca' chaqaiso só'maq imeenec ná'maq ỹoreta'oguit lo'ueenataxanaxac queca qom, quecá'maq shim 'neeta'gue.

1 Corintios 12:11 Iomraidhean Croise

Mateo 11:26

Ajá'a, qami' ita'a, ma' chaqaido' dá'maq vi'saque.

Mateo 20:15

Ca' ¿se ỹa'maxaño' quiyim soiquentac canchaqai shinta'gue aná'maq ỹam? ¿Loqo'm pa'guiñisa'a quiyim aỹim 'naxanaxaraic?”

Juan 3:27

Ca' so Juan 'naapegalo': —Qaica ca qom quiyim chi nanoiquentac 'ue ca ỹo'uet, no'm sqo ỹaanem quiñi qota'olec cá'maq ỹo'uet.

Juan 3:8

Na nonot quena' npe'taxanshiguim, qam chaqai ỹoiquentac cá'maq reloxoigue; ca 'qa'isaque na lelamaxa, qam sqa 'yiiñi' cá'maq chicqochi'ñi chaqai cá'maq taigue. Ca' chaqaida 'neeta ná'ogue ná'maq ne'xaỹaugui so Espíritu Santo.

Juan 5:21

Ma' quiyim ñí'maq leta'a ishit quiyim liỹa nca'leuec nqai'en cá'maq mashic ileu ỹaanem da lca'laxa, ca qai'neeta ná'maq llaalec ỹaanem da lca'laxa cá'maq nqo'ta.

Romanos 12:6

Ma' ñi qota'olec ỹoreta'oguit na no'ueenataxanaxac ỹaanema qomi', ma' ñi'maxare ỹa'den cá'maq laloqo' ca ỹaanem quiñi 'óna. Qam sa'maxatqa'tegue quiyim so'ueenataxanaxa cá'maq qaneme. No'm ñi qota'olec ỹaanema qomi' quiyim sa'xataxe' naua la'qaatqa, ca' chaqaida so'ueetaq, qam quecá'maq nalootau'a ca qarpi'ỹaxac.

Romanos 9:18

Ca' 'eda da 'neeta quiyim ñi qota'olec nqouaguegue cá'maq nqouaguegue, chaqai qai'neeta ỹa'ñaxat aca le'taxanata cá'maq ỹahotaque ra'ñi nqai'en.

1 Corintios 12:18

Qam ñi qota'a ñí'maq chicqochigui quiyim naloqojonchiguiñi quiyim ỹa'ue na loma' na louenqaipi na noshicmaxa.

1 Corintios 12:4

'Ue na ỹoreta'oguit no'ueenataxanaxac quiyim queca 'óna qom ishit icoñiguit, qam chaqaisoota só'maq Espíritu so chicqo'ot.

1 Corintios 12:6

Chaqai sqai dá'ogue da leloxoỹaxac da lo'ueenataxanaxac na qomyipi, qam chaqaiñiita ñí'maq qota'a ñí'maq ỹo'uet quena' ỹo'ueenataxanaxan na'maxare.

1 Corintios 7:17

Quecanchaqai 'neeta, qam queca 'óna quejlec da leloxoỹaxac cá'maq qoỹaanem quiñi qara'gaxala', chaqai dá'maq 'neetari' na' qaroỹaxana quiñi qota'a. Ca' dajo ỹaqataxac quená'ogue na no'ueenaxanaxaquiripi.

1 Corintios 7:7

Ca' ỹim quiyim chaqaỹim, ca' sahotaque quet quiyim qamiá'ogue 'ñiita'ogue maỹim. Qam ñi qota'a ỹoreta'oguit na ỹaanem quiñi 'óna queca 'óna 'neetayi ca leloxoỹaxac chaqai ca liỹa lotqai ỹoqa'a ca leloxoỹaxac ca neme.

2 Corintios 10:13

Ma' qomi' se sahoqotaque ñapacqalec cá'maq qomi' qoỹaanema, ma' ñi qota'a ñí'maq itan cá'maq lqodoc cá'maq qaro'ueenataxanqa'. Ma' chaqaiñi ñí'maq ỹo'uet quiyim ñovirqa'alo qamiri quena Corinto.

Efesios 1:11

Quedá'maq quiyim ña'daqatau'a so Cristo, ñi qota'a shi'gue nca'au'alo qomi', qaiyi ñouanqau'a ma'le cá'maq ỹaanec ma'le ñi'maxare. Qam quedá'ogue dajo nachiñi'chiguit dá'maq ỹahotaque ñi qota'a, ma' ñi'maxare ñí'maq ỹo'ueetac ná'ogue nanchaqaina quená'maq ỹa'maxarenta.

Efesios 4:7

Qam quiñi 'óna coqomi' 'maxaraic nqohin yí'maq laloqo' quiyim ro'ueenataxan cá'maq qoỹaanem, qanaloqojontagui cá'maq laloqo' nqai'en so Cristo.

Hebreos 2:4

Chaqai ñi qota'a qai'neeta 'chichiguiñi nqai'en dajo na'qaatec. Ca ỹa'vii naua netanqa, chaqai ná'maq ỹo'uet da ne'laxa, chaqai 'xoic na ỹo'uet quená'maq se qaiuanapega, chicqochigui nqai'en so Espíritu Santo quiyim ỹaanema qomi' ná'maq ỹoreta'oguit ỹoiquentac quecá'maq 'ne'tegue.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.