1 Corintios 12:1 - La'qaatqa ñi qota'olec Qota'olec & Qota'olec Novita Na Qomyipi

¹ Qamiri ỹaqaỹa', ỹim sahotaque quiyim 'yiiñita da leloxoỹaxac na ỹoreta'oguit lo'ueenataxanaxac so Espíritu Santo ỹaanem queca 'óna.

1 Corintios 12:1 Iomraidhean Croise

Romanos 1:13

Qamiri ỹaqaỹa', sahotaque quiyim 'yiiñita, quiyim aỹim 'xoic sahotaque quiyim sovitalo qamiri, qam saqa' seshit. Sahotaque quiyim sovitalo qamiri, qaiyi 'xoic ca dalaxaic ỹaueguec ỹacoñiguit da na'qaatec caqamiri, 'nejem dá'maq shinta'gue quenaua liỹa' lahil na 'laua.

1 Corintios 10:1

Ma' ỹim, qamiri ỹaqaỹarolqa, sahotaque ỹaatqajam 'yiiñita quiyim so 'auaxaic qareta'allipi sá'ogue ỹaatqajam hueeto'ot so naueguelec só'maq ỹashaxantac, chaqai sá'ogue paca'ta aso huaaxai, leenaxat Huaaxai Toc.

1 Corintios 14:37

No'm 'ue ca pe'taxantaque quiyim mashic la'qaataxanqajnec ñi qota'a, loqo'm pe'taxantaque quiyim mashic icoñiguit so Espíritu Santo, ca 'maxaraic quiyim ỹa'deena'a dá'maq seretegueñi caqamiri, ma' da'maxare laqataxac so qara'gaxala' Jesús.

2 Corintios 1:8

Qamiri ỹaqaỹa', qomi' sahoqotaque 'yiiñita quiyim 'xoic da qananaqataxac na' seuqata'ñi yi 'laua, leenaxat Asia. Da'maxare ỹaatqajam 'xoic lecaic da qane'guenaxac, ca mashic 'ec tot qaralo'guit, chaqai shinqatapega quiyim chaqaiyi lqodoc ca qanachaalataxac.

Efesios 4:11

Ca' ỹa'ue na ỹaanem quiñi 'óna, 'ue na ỹaanem quiyim lelaatec so'maxare, chaqai 'ue na letaxaỹaxaquiripi nqai'en ñi qota'a, chaqai na liỹa ca' ỹa'xatetac da na'qaatec chicqaugui da nca'laxa, chaqai 'ue ná'maq la'gaxala' ná'maq mashic icoñiguit da na'qaatec, chaqai na napaxaguinataxanaq.

1 Tesalonicenses 4:13

Qamiri qarqaỹa', se sa'maxarenaq quiyim sqa 'yiiñii dá'maq 'neeta quená'maq mashic ileu, qaiyi sqa chigohita 'ñiitam ná'maq liỹa ma' sqaica ca naquitaxac.

2 Pedro 3:8

Qam qamiri ỹaqaỹa', 'neeto' lotqai couahitaque quiyim quiñi qara'gaxala' 'ec 'oonoqui' na'xa'a caua mil ñaxari, chaqai caua mil ñaxari 'ec 'oonoqui' na'xa'a.