1 Corintios 11:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qam aca 'aalo no'm se ỹapolec na lqahic quena' nqouagaxain loqo'm quena' ỹa'xatetac da la'qaatec ñi qota'a, chi ỹahotaque na layiloxo cá'maq lqahic, 'nejem quiyim ỹaatqajam nepetqueta na lqahic laue.

1 Corintios 11:5 Iomraidhean Croise

Lucas 2:36

Chaqai hueeta'ño'yi aso 'aalo mashic la'qaataxanqajna ñi qota'a. Aso'maxare mashic ỹaatqajam qo'xoỹom, leenaxat Ana. Aso'maxare llaale so Fanuel, chicqaugui so llaalqaipi so Aser. Qam aso'maxare 'óno' na' llaq nequetegaxai, qam ỹovite' siete ñaxari quiyim reloqota'guit ca loua.

Hechos 2:17

Cauajo pa'aaterec na'xata', 'naac ñi qota'olec, saanec na ñi'Espíritu Santo, socorelec ná'ogue na qomyipi; ca ra'qaataxan na ñaalqaipi, ỹale chaqai ana 'aalo ỹa'xat da ỹa'qaatec, chaqai na ne'naqaipi 'ue na leuanaxanaxac, chaqai na qo'xoiquipi 'ue na le'guemataxac.

Hechos 21:9

So Felipe 'vio' saua cuatro llaale saqa' o'ne'. Saua'maxare ỹa'xaterac na la'xaỹaxague' chicqotacot ñi qota'a.

1 Corintios 11:4

Ca no'm ca ỹale ỹapolec na lqahic quena' nqouagaxain queca no'ueenaxanqa', loqo'm ỹa'xatetac da la'qaatec ñi qota'a, ca ỹahotaque na layiloxo ca lqahic.

1 Corintios 11:6

Aca 'aalo no'm se ỹapolec na lqahic, ca 'maxaraic quiyim ná'ogue nepetec na laue. Qam aca'maxare no'm nepetec na laue, loqo'm ỹoselaqtejlec na lqahic, ca qanpocoxolec, ca 'maxaraic quiyim ỹapolec na lqahic.

1 Corintios 14:34

Na 'aallipi se ishit retaqa quena' ỹalequetaho quena lapoxoc ná'maq mashic icoñiguit da na'qaatec, ma' se qaỹa'maxaren. Ta'ta'a quiyim na'xaỹaxanta, ma' 'nerac dajo yaua naneresañi laqataxaco ñi qota'a.