1 Corintios 10:13 - La'qaatqa ñi qota'olec Qota'olec & Qota'olec Novita Na Qomyipi

¹³ Da ne'guenaxaguii novitalo qamiri, da'maxare ỹaatqajam 'nejem da ne'guenaxac ná'ogue na liỹaripi. Qam qamiri lama'xa pi'iỹa'a ñi qota'a ma' ñi'maxare se ỹasene'tema qamiri quiyim paguec ca ne'guenaxaguii quecá'maq tot ralohiguit. Chaqaidaata quiyim novi' ca ne'guenaxaguii, ca ñi'maxare ỹa'ue ca la'maqa' quiyim qarayichii, qaiyi ralohita'piguit.

1 Corintios 10:13 Iomraidhean Croise

Salmos 36:5

Qam da re'xorenataxanaxa'e', qami' qara'gaxala', ỹovirashiguim queda piguim; chaqai naua ra'qaataxahi' quiyim ipaquichiguilo ỹaatqajam ỹovirero'ot na piguim icolaq.

Éxodo 3:17

Chaqai qai'neeta 'naapiguiỹa' quiyim naqata'alo qamiri queda lqa'viic na Egipto, ca ỹauegue' qamiri queda 'laua na'ñi na cananeoipi, hititaipi, amorreoipi, ferezeoipi, heveoipi chaqai na jebuseoipi. Yí'maq 'laua sqoue naua huaca lo'i' chaqai na rapic li'i. (3.18-22 Dá'maq ỹaanec la'qaatec ñi qota'olec queso Moisés)

Isaías 11:5

Sqaica lqodoc quiyim ỹo'ueetetac da ỹa'maqachiguiñi chaqai da lliqueta.

Isaías 49:7

Ñi qara'gaxala' ñí'maq nca'laqataxanaq ñí'maq co'teeta qota'olec quiyi Israel, 'naapega na qomyipi quená'maq ỹaatqajam se qanqo'ta, ná'maq quena liỹa qomyipi ỹaatqajam laqaigaxat, ná'maq la'ac na nashillipi qa'uaiquipi, ñi'maxare 'naac: Ma' na nashillipi chaqai na llaalqaipi iuana qami', ne'laxashiguim, ca' ỹa'dooto qami' naua le'cootal, ma' ỹim ná'maq ỹim na'gaxala', ỹim co'teeta qota'olec quiyi Israel, qami' ica'acsec chaqai ipaquichigui nqaishin da ỹa'qaatec.

Jeremías 29:11

Ỹim sa'den cá'maq shinta'gue ma'le caqamiri quiyim ra'maxaiñi, mese sqa'viỹa'guelo qamiri, quiyim sa'ue cá'maq ỹaatqajam lodegaxat naquitaxaguii ma'le. Ỹim na'gaxala', se'taxajñi da ỹa'qaatec.

Daniel 3:17

Ñi qota'olec coqomi', ñí'maq ñqouagaxainqatacot, ñi'maxare ishit quiyim qarca'laxatec quena lauaq ñi nqatelaxanaxaqui chaqai quená'ogue ná'maq se no'uen vi'saque 'ñiteteguelo qomi', qami' qarashi, ca ñi qota'olec qarca'laxatec ma'le.

Oseas 2:20

Ỹim so'uet quiyim qami' ỹoua chaqai ỹaatqajam saqamaxachite', ca qami' ma'le, ca' ya'yiiñi' quiyim ỹim na'gaxala'.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Lucas 11:4

Chaqai palaxachi' na qarasauaxaset, ma' qomi' qai'neeta sapalaxataq ná'ogue ná'maq se no'uen ca 'neeta'pegue coqomi'. Chaqai sqa shiñichiguita qomi' ca qane'guenaxac, qaidaata quiyim 'ootaxañiseguelgoto qomi' queca se no'uen.

Lucas 16:26

Chaqai sqaidaata quedá'ogue dajo, ma' 'ue na ỹaatqajam qoỹoqochi'ñigui lqodoc hueetanguilo qamiri qai'neeta coqomi'. Ca' vichiguiño' se ishit quiyim 'ue ca chicqochi'ñi najo quiyim ta'ñina, chaqai se ishit quiyim 'ue ca chicqa'ñina, ca naashi'ma na senqata'ñi.”

Lucas 22:46

Ca 'naapegalo' saua'maxare: —¿Chi'negue ma' laxaita? Ne'laxachishiguim, ca' nqouagaxaiñii, qaiyi se ỹovira'alo qamiri ca ne'guenaxaguii.

Hechos 27:44

ca' so liỹaripi renojlec na qo'paq lo'xonaxala' chaqai na lahillipi ná'maq nac caso qarahi'. Ca' chaqaida 'neeta, ca sá'ogue nca'leetauec na' ỹovijta'a yi 'laua.

1 Corintios 1:9

Ca' ñi qota'olec ỹaatqajam ipacqajanchiguilo naua la'qaatqa, ma' chaqaiñi ñí'maq roỹaxanalo qamiri quiyim nouañiỹau'a da nachaalataxac so llaalec Jesucristo só'maq qara'gaxala'.

2 Corintios 1:10

Qam ñi qota'a quepaqataxanlgoto qomi' chaqai ñaqai queeta quiyim quepaqataxanteguelgoto qomi' queda chalego lichic nelauaxa. Ca' chaqaiñi ñí'maq spa'xanqo'ot da qanaquitaxac quiyim queeta quepaqataxanteguelgoto qomi',

Deuteronomio 7:9

Ca' vichiguiño' ñaqai 'yiiñi'a ñi qara'gaxala', ñí'maq qota'olec caqamiri, quiyim chaqaiñi ñí'maq ỹaatqajam ỹoiquentac ná'ogue chaqai ỹaatqajam ipacqajanchigui cá'maq na'deenaxac queso 'au qareta'allipi, ca chi ỹovireta'alo qomi' quená'maq nqo'ta ñi'maxare chaqai ipacqajanchigui da lelaataxanaxac.

1 Tesalonicenses 5:24

Ma' ñí'maq qota'a roỹaxanalo qamiri, ỹaatqajam se napacalec ca la'qaatec, ca ipacqajanchigui ma'le dá'ogue dajo.

2 Tesalonicenses 3:3

Qam so qara'gaxala', ma' se napacalec da la'qaatec, ỹaatqajam nolliichiriñi qamiri, chaqai ro'ootaxanlgoto qamiri quena se no'uen.

2 Timoteo 4:18

Chaqai quepaqataxanlec aỹim quená'ogue ná'maq se no'uen, chaqai ỹoxojñi aỹim, qaiyi sovirau'a ca lo'ueenataxanaxac hueeto'ot na piguim. Ma' so'maxare hueeto'ot dá'maq qaremaqajnataxanaxac qaica lqodoc. Ajá'a, ca' chaqaida 'neeta dajo.

Hebreos 10:23

Ca' ña'ñaxatqa'tegue da qanaquitaxac quedá'maq seuaqlec, sqai saxanaxañi, ma' ñi qota'a ipacqajanchigui dá'maq ỹachaxantac ma'le coqomi'.

Hebreos 11:11

Chaqai aso Sara qai'neeta chicqochigui da lpi'ỹaxac, 'eno'm qo'xoỹom. Qam qaỹa'ue da lquesaxanaxa, qaiyi 'ue ca llaalec. Ca 'uo' na'le ca llaalec, ma' huelco' na'le ñi qota'a quiyim ipacqajanchigui cá'maq ỹachaxantac.

Hebreos 12:4

Ma' caqamiri saqa'leca ca ỹovirau'a quiyim qaỹalauat quiyim reloquita'pegue' na nasauaxaset.

Hebreos 6:18

Ca' chaqaida dá'maq 'neeta quiyim 'vii naua dos quiyim se ishit quiyim 'ue ca qaỹadalaxat, ca quenaua'maxare, ca ñi qota'a se ishit na'majan. Ca' quedaua'maxare, ca' ñi qota'a ỹo'uet quiyim ỹa'maxaguilo qovilli', ca ña'ñaxatqachiguiñi, ma' mashic shi'gue sedaanqataque quiyim quepaqataxanlgoto qomi', ca' seuaqlec quedá'maq qanaquitaxac ỹaanema qomi'.

1 Pedro 4:19

Ca quená'maq 'ue da le'xoric quiyim ỹo'ueetetac dá'maq ỹahotaque ñi qota'a, ca' no'uen quiyim queetalec ỹo'ueetetac dá'maq ỹa'maqachiguiñi. Ca' ỹaañiguilo naua napoquena ñi qota'a da nachaalataxac, ma' chaqaiñi ñí'maq lo'ueenatec. Ca' ñi'maxare ipacqajanchigui ma'le da la'qaatec.

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.

1 Juan 1:9

Qam no'm sa'xataxe' naua qarasauaxasete', ca' spi'ỹaaqa'a ñi qota'a quiyim ishit ỹo'uet ca ỹa'maqachiguiñi, ca ñi'maxare ishit ỹapalaxat na qarasauaxaseteripi chaqai qarco'taxat quená'ogue na se no'uen.

Apocalipsis 19:11

Ca na'le, ca seuana quiyim nauachigui na piguim, ca re'oq so shipgaq lalagaxaic. Chaqai só'maq neetalec leenaxat qamaxaraic chaqai lliqueta, quiyim nashi chaqai quiyim ỹa'maqachiguiñi da 'ne'tegue quena' imit na qomyipi.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.