1 Corintios 10:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' dá'ogue dajo huaugui nqohin so 'auaxaic qareta'allipi, ca' qoỹiriñi ma' qaỹauaaque naloqojnaxanaxat quiyim qaraqatalo qomi' quenaua pa'aaterec na'xata'.

1 Corintios 10:11 Iomraidhean Croise

Génesis 19:35

Ca' queso pe lotqai ne'taxane' so leta'a'. Ime, ca' eec aso na'aasa lotqai lapa'ñi' so'maxare, qam so Lot qaiyiita se nauate co'na' lapaata'ñi' aso'maxare chaqai co'na' ne'laxashiguim aso'maxare.

Mateo 13:39

Ca só'maq pa'guenaxaua só'maq ỹanñi aca peue se no'uen, chaqaiso só'maq na'ỹaapec. Chaqai so naqataxanaxac taỹaugui ma' ime na 'laua. Ca só'maq naqataxanaripi chaqaiso so nelaatqaipi piguim laseripi.

Mateo 13:40

Ca' dá'maq 'neeta quiyim qalapoon aso peue se no'uen, ca' qainaxañigui ca norec, ca qaỹavigaxat, ca' chaqaida 'neeta ma' ime na 'laua.

Romanos 13:11

Qam quedá'ogue da sa'xatetac, ñaqai 'ajñii' naua na'xata' seuqatauguilo, chaqai ỹovita yi laloqo', ca nalootañi quiyim ñiloxouec. Ma' dá'maq qarca'laxa tot qoỹoqaque, mesqai 'nejem na' ñaqai chita'gue seconaxaguit da na'qaatec.

Romanos 13:12

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

Romanos 15:4

Ma' ná'ogue ná'maq shi'gue qoỹeretañi la'qaatec ñi qota'a, qoỹiriñi ma' qaỹauaaque qanapaxaguinaxat, qaiyi 'ue ca qareualaxavic chaqai ca la'maxa qouel chicqochigui da'maxare, ca' 'ue da qanaquitaxac.

Romanos 4:23

Ca' quedajo quiyim ñi qota'olec icoñi'chiguit ca ỹamata'gue lo'yaxanec ỹale ma' 'ue da lpi'ỹaxac, mesqaisoota so Abraham só'maq 'em qoỹiriñi dajo.

1 Corintios 10:6

Ca' dá'ogue dajo huaugui so qomyipi ma' qaỹahotaque quiyim 'ec qanapaxaguinataxac, qaiyi se qarqo'ta ca se no'uen, sqai 'nejem dá'maq 'ne'tegue so qomyipi.

1 Corintios 7:29

Qamiri ỹaqaỹarolqa, dá'maq sahotaque sa'xat 'neetasa': Ma' mashic tot qoỹoxorec naua na'xata' seuqatauguilo, ca' nagui taachi'ñi quená'maq mashic 'ue aca loua, 'neetari' quet quiyim 'ec qaca aca loua,

1 Corintios 9:10

qam da'maxare 'eco' chi naloqojnaxanaxaqui coqomi'. Ma' da'maxare qoỹiriñi qaỹahotaque chi qara'maxa; ma' cá'maq nasauec na 'laua chaqai ca naqat ana la ca trigo, ca ỹaatqajam 'ue ca naquitaxac quiyim 'ue ca ñigui da lo'ueenataxanaxac.

Gálatas 4:24

Ca' dajo, chi qaraloqojnaxañigui. Saua dos 'aalo ñiguilo nqohine' saua dos 'maqataxaco. 'Óna so quesaua 'deenaxaco ñigui nqohin aso quemaralec ladocai leenaxat Sinaí, ca' chaqaso só'maq ñigui nqohin aso Agar. Ca ná'maq hueetaugui sojo 'maqataxac ne'qaañi, qam tai'a quiyim na'ac.

Filipenses 4:5

Ca ná'ogue na qomyipi ỹa'deente' qamiri quiyim qamiri qouagaxanqachaqaqa, ma' so qara'gaxala' sqaỹaloq novi'.

Hebreos 10:25

Sqai qolaxa'uegue dá'maq lanatec ná'maq se ỹalecapogo quenaua qalapoxoco. Ta'ta'a quiyim ña'ñaxatqata'ta' paguec nagui, ma' mashic sa'deenaq cajo na'xa'a loviraxaqui so qara'gaxala' tot qoỹoxoguit.

Hebreos 10:37

Ma' naua naneresañi la'qaatqa ñi qota'a 'neracsa': Sqaỹaloq novi' cá'maq naỹa'quena, ỹaatqajam sqaỹaloq, chaqai sqaica laỹaloxo.

1 Juan 2:18

Qamiri ỹaalqolqa, nagui mashic ỹovire'ogalo naua pa'aaterec na'xata'. Ma' qamiri shi'gue 'xahita'guit quiyim naata cá'maq npa'guene'e' ma'le so Cristo. Qam nagui mashic re'oq quiyim 'xoic ná'maq npa'guente'e' so'maxare, ca vichiguiño' sa'deenaq quiyim mashic seuqatauguilo naua pa'aaterec na'xata'.