1 Corintios 10:1 - La'qaatqa ñi qota'olec Qota'olec & Qota'olec Novita Na Qomyipi

¹ Ma' ỹim, qamiri ỹaqaỹarolqa, sahotaque ỹaatqajam 'yiiñita quiyim so 'auaxaic qareta'allipi sá'ogue ỹaatqajam hueeto'ot so naueguelec só'maq ỹashaxantac, chaqai sá'ogue paca'ta aso huaaxai, leenaxat Huaaxai Toc.

1 Corintios 10:1 Iomraidhean Croise

Éxodo 14:29

Qam so Israel llaalqaipi paca'ta aso huaaxai 'ec 'laua rashivijlec. Quenaua lahil, ca 'ec lquepaqataxanqate' so huaxaỹaq queda loic chaqai queda nemaq.

Éxodo 40:34

Ca' so naueguelec pojlec nqai'en so 'imec, ca' da lauaq ñi qara'gaxala' ỹaatqajam no'xataxachichigui so'maxare.

Juan 4:20

Ca' só'maq 'auaxaic qareta'allipi Samaria laseripi, na' nqouagaxainot ñi qota'olec, qam huaalec nqai'en ñijo qa'. Qam qamiri judío laseripi 'ñiỹac quiyim yi Jerusalén yí'maq hua'ñi quiyim qanqouagaxainot.

Romanos 1:13

Qamiri ỹaqaỹa', sahotaque quiyim 'yiiñita, quiyim aỹim 'xoic sahotaque quiyim sovitalo qamiri, qam saqa' seshit. Sahotaque quiyim sovitalo qamiri, qaiyi 'xoic ca dalaxaic ỹaueguec ỹacoñiguit da na'qaatec caqamiri, 'nejem dá'maq shinta'gue quenaua liỹa' lahil na 'laua.

Romanos 11:21

Ma' quiyim ñi qota'olec se i'xorene' saua lalamaxarete lasote na' ichaxarec, ca qai'neeta qami' se re'xoriñi' ma'le.

Romanos 4:11

Ca co'na' ime, ca' so Abraham qaỹa'ue so netanec na loshicmaxa, ca 'ec chi netanec quiyim ñi qota'a mashic icoñi'chiguit, ca ỹamata'gue quiyim no'uen ỹale, ma' 'ue da lpi'ỹaxac. Ca co'na' 'neeta dajo, ca' so Abraham chi ỹovireta'a quiyim qai'neeta leta'a ná'ogue ná'maq 'ue da lpi'ỹaxac, 'eno'm sqaica ca netanec na loshicmaxa. Ca' ñi qota'olec icoñi'chiguit qai'neeta na'maxare, ca qai'neeta ỹamata'gue lo'yaxanec ỹale.

1 Corintios 12:1

Qamiri ỹaqaỹa', ỹim sahotaque quiyim 'yiiñita da leloxoỹaxac na ỹoreta'oguit lo'ueenataxanaxac so Espíritu Santo ỹaanem queca 'óna.

1 Corintios 14:38

Qam no'm se ỹa'deena'a dajo, ca' ca'maxare qai'neeta se qaỹa'deena'a.

Gálatas 3:29

Ca no'm qamiri lalamaxarete' so Cristo, ca' qamiri lalamaxarete' llaalqa so Abraham. Ca' coñiguit ma'le quiyim ralamaxarichii cá'maq ỹachaxantac ñi qota'a.

Hebreos 11:29

Chaqai queda lpi'ỹaxac so llaalqaipi so Israel, ca' ishit pacta aso huaaxai, leenaxat Huaaxai Toc, 'ec nqai'en ca rashivijlec 'laua. Chaqai co'na' so Egipto laseripi sham pacta qai'neeta, ca' sá'ogue homac.