1 Corintios 1:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

1 Corintios 1:30 Iomraidhean Croise

Proverbios 1:20

Quenaua nayico chaqai quenaua lapooqote' na qom qara'xaỹaque da lelamaxa da na'deenaxanaxa;

Isaías 11:2

Ca' so ne'espíritu ñi qara'gaxala' hueetalec ma'le so'maxare, ca' qoỹaanem da na'deenaxanaxa, nco'ỹaxaric, 'xaỹaxanqachic chaqai da nquesaxanaxa, chaqai na'deenec quiyim se qanapacalec ñi qara'gaxala'.

Mateo 1:21

Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Lucas 11:49

Vichiguiño' ñi qota'olec queda la'deenaxanaxa 'naac: “Selata ma'le na ỹa'qaataxanqajanqaipi chaqai ca ilaatqaipi, ca 'uo' ma'le ca qaỹalauat, chaqai ca liỹaripi, ca' qaỹocantac.”

Lucas 21:15

ma' ỹim saanema ma'le qamiri caua ra'qaataxahi chaqai ca ra'deenaxanaxahi, qaiyi qaica ca ishit retaxaỹa'guita qamiri.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 17:26

Mashic sa'deenaxanaxaneguelo qami' naua'maxare, qam qaiyiita shiquetalec sa'deenaxanaxanta'peguelo, qaiyi dá'maq re'xorenataxanaxa'e' caỹim hueetauguilo naua'maxare, chaqai quiyim ỹim seuetauguilo naua'maxare.

Juan 17:8

Ma' ỹim saanema dá'maq ra'qaachiqui' nañaañirim. Chaqai naua'maxare iconchiguit, chaqai retane' quiyim llic sachicqo'ot qami', chaqai huerelec quiyim ỹim relaachiqui'.

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Romanos 1:17

Ma' dajo na'qaatec ichoxotema qomi' dá'maq 'neeta quiyim icoñi'chiguita qomi' ñi qota'a. Queda npi'ỹaxac, chaqai qaidaata da npi'ỹaxac. Ma' 'nerac naua naneresañi la'qaatqa ñi qota'a: “Cá'maq ỹa'maxarenta ñi qota'olec, dá'maq no'uen nachaalataxac chicqochigui da lpi'ỹaxac.”

Romanos 11:36

Ma' ná'ogue nanchaqaina chicqo'ot ñi qota'olec, chaqai chi lo'ueenatqaipi ñi'maxare, chaqai chi lalamaxareteripi. Ca vichiguiño' ¡se neme semaqachinqatac ñi qota'olec! Ajá'a, chaqaida 'neeta dajo.

Romanos 12:5

Ca' chaqaida 'neeta coqomi', 'eno'm qomi' 'xoic, qam 'oonoqui' na qaroshicmaxa ma' ña'daqatau'a so Cristo. Ca' qarenoqueta'ta', 'nejem na louenqaipi na noshicmaxa.

Romanos 16:11

Qai'neeta selata da iquinaxanaxac ca iuo' le'ec Herodión, chaqai ca llaalqaipi ca Narciso cá'maq mashic huelec so qara'gaxala'.

Romanos 16:7

Qai'neeta selata da iquinaxanaxac cá'maq chi iuo' le'ec Andrónico chaqai aca Junias cauá'maq ncoñiitaxaua' na'le cañi ncoñiitaxanaxaqui. Caua'maxare ỹaatqajam qaỹa'deente', 'nejem nqohine' caua lelaatqa so Jesús, chaqai 'au huerelec so Cristo caỹim.

Romanos 4:25

só'maq qoỹaañiguit da lelauaxa sauaxat na qarasauaxaseteripi, chaqai liỹa qanca'laxatec, qaiyi icoñi'chiguita qomi' ñi qota'olec.

Romanos 4:6

Chaqai so nashi David qai'neeta ỹa'xat na'le da la'maxa ca qom qaỹamata'gue lo'yaxanec ỹale quiñi qota'a, se ra'iitapigui cá'maq 'neeta ca ỹo'ueetetac.

Romanos 5:19

Ca' dajo 'neetasa', quiyim chicqochigui so 'oonoqui' ỹale se na'xaỹaxan, ca 'xoic ná'maq sauaqhuaiquipi, ca' qaican ỹapaguec ma' chicqochigui quiyim na'xaỹaxanta so 'oonoqui' ỹale, ca 'xoic ná'maq qaicoñi'chiguit quiñi qota'a.

Romanos 5:21

Ma' dá'maq nasauaxaset 'uo' da lquesaxanaxa quiyim noviraxat da nelauaxa, ca 'nejem quiyim, ma' mashic icoñi'chiguita qomi' ñi qota'a, da lqouagaxa 'ue da lquesaxanaxa quiyim ỹaanema qomi' da nca'laxa sqaica lqodoc, chicqochigui nqai'en so qara'gaxala' Jesucristo.

Romanos 8:1

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

Romanos 8:23

Qam mesqainaata ná'maq no'ueenatqaipi 'ue da le'xoric, qam vire'talo qomi' qai'neeta, 'eno'm mashic hueeto'oto qomi' so Espíritu Santo, qaỹa'auaxanto'oto qomi', qaỹauaaque netanec quecá'maq seconaxaguit ma'le. Qam ñauatqa'guit quiyim chalego lqui'ic, ca' ñauaanqataque cajo na'xa'a quiyim ỹacoñiguita qomi' ñi qota'olec quiyim ỹaatqajam qomi' llaalqa. Ca souec qai'neeta na qaroshicmaxa.

Romanos 8:9

Qam qamiri totqai quiita'pegue' da lqo'itaxanqachic na roshicmaxahi. Ta'ta'a quiyim quiita'pegue' da lo'ueenataxanaxac so Espíritu, no'm llic neetauguilo qamiri so ne'Espíritu ñi qota'a. Ma' cá'maq sqai neetagui so Espíritu chicqo'ot so Cristo, ca ca'maxare se lalamaxaret so'maxare.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

1 Corintios 1:24

Qam quená'maq qota'a loỹaxanqateripi quena judío laseripi chaqai na mesqai judío, na'maxare ỹa'deenta quiyim so Cristo chaqaiso so lquesaxanaxa chaqai la'deenec ñi qota'a.

1 Corintios 12:18

Qam ñi qota'a ñí'maq chicqochigui quiyim naloqojonchiguiñi quiyim ỹa'ue na loma' na louenqaipi na noshicmaxa.

1 Corintios 12:27

Ca chaqaqamiri nauá'maq louenqa so loshicmaxa so Cristo, ca quiñi 'óna caqamiri na'yiitau'a so noshicmaxa.

1 Corintios 12:8

Ca ñi'maxare 'ue na ỹaanem da la'deenaxanaxa quiyim retaqa, chicqochigui nqai'en so Espíritu, chaqai 'ue na ỹaanem quiyim 'xoic da la'deenaxanaxa, chicqochigui nqai'en so Espíritu.

1 Corintios 4:15

Ma' no'm ỹovi' ca diez mil ca ỹapaxaguinque qamiri so Cristo, qam se ishit quiyim 'xoic ca qataa'illipi. Ma' ỹim ná'maq leta'a da rpi'ỹaxaguii queso Cristo Jesús. Ma' ỹim ná'maq sa'xatema qamiri na'le dá'maq na'qaatec chicqaugui da nca'laxa.

1 Corintios 6:11

Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

2 Corintios 12:2

Ỹim seuana so qom huelec so Cristo. Catorce ñaxari ỹovi' nagui quiyim so'maxare qaỹavicshi'ma ca piguim. Qam se sa'den quiyim imaashiguimo' so na'le, loqo'm 'e', qam qaiñiita ñi qota'a maq ỹa'den.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Gálatas 1:4

só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

Gálatas 3:13

Qam so Cristo quepaqataxanlgoto qomi' quedá'maq chalego lecaic qanouaxanaxaset quet chicqochigui so naqataxaquipi, ma' so'maxare npa'xanguit dá'maq chalego lecaic nouaxanaxaset talgoto quet qomi'. Ma' naua naneresañi na'qaatqa 'neracsa': “Chalego lecaic ca nouaxanaxaset quiñi qota'a ná'ogue ná'maq qaicoñirashiguim queca qo'paq.”

Efesios 1:10

Ca' dajo ỹaatqajam qaica ca taỹa'gue, ta'ta'a quiyim ipaquichigui ma' ỹovita ca laloqo', ma' ñi qota'a ỹomato'ot ma'le quiyim so Cristo ỹoiquentac ná'ogue nanchaqaina, quená'maq hueeto'ot na piguim chaqai ná'maq hueetalec na 'laua.

Efesios 1:14

So Espíritu Santo só'maq i'taxajñi quiyim seconaxaguit ma'le cá'maq ỹachaxantac ñi qota'a quiyim ỹaanema qomi' ma' ỹomat ñi'maxare quiyim ỹosouec ná'ogue ná'maq lalamaxareteripi, qaiyi qaimaqachintac ñi'maxare queda lecaic.

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.

Efesios 5:26

Dajo 'ne'tegue, ma' ỹahotaque co'taxateta ná'maq mashic icoñiguit da na'qaatec, ỹahote'e na huaxaỹaq, chaqai naua la'qaatqa,

Filipenses 3:9

chaqai quiyim ña'deeta'guit so'maxare. Qam mesqai chicqaugui cá'maq chi ña'maqataxac quiyim shiquichi'nguilo naua laqataxaco so Moisés; ta'ta'a quiyim dá'maq 'maqataxac qoỹaanem quiñi qota'a cá'maq huelec so Cristo. Qam dajo no'uen qano'ueenataxac chicqochigui da qarpi'ỹaxac.

Colosenses 1:14

ỹachigoxochichigui da lelauaxa so'maxare, ca' nca'laxaterec qomi', chaqai ỹapalaxat cá'ogue ca qarasauaxaseteripi.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

1 Tesalonicenses 5:23

Ca' ñi qota'a, ñí'maq chicqo'ot da na'maxa, chaqaiñi ñí'maq co'taxate' qamiri, chaqai ỹa'maxajñi dá'ogue da no'ueenataxaguii, qaiyi qaica ca rasauaxashichii nqai'en, chi ỹovireta'a ca loviraxac so qara'gaxala' Jesucristo.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 9:12

Ca' so Cristo mashic inoxona'a yi noma' leenaxat qaica ishit ỹovira'a. Qam se ỹodoosauo caua leuo' ca quetaq llaalec chaqai ca huaqui llaalec, ta'ta'a quiyim ỹaando sauá'maq chi leuo'. Ca' chaqaida 'neeto' quiyim imaauec 'oonoqui' inoxono, ca 'uo' na'le nqai'en da qarca'laxa sqaica lqodoc.

Santiago 1:5

No'm 'ue ca 'óna caqamiri ỹouen ca la'deenec, ca ỹashiila ñi qota'a. Ca ñi'maxare ỹaan, qam se naloqojnañi, chaqai se ỹa'ue ca layiloxo ca qom.

1 Pedro 1:2

quená'maq ñi qota'olec lca'acse', nachiñi'chiguit nqai'en dá'maq shi'co' ỹahotaque na' saqa'leca na 'laua. Chicqochigui nqai'en so ne'Espíritu quiyim ỹoỹoote'ogalo qamiri, qaiyi na'xaỹaxañiỹa, chaqai qaiyi co'taxate' qamiri, ỹahota'ahi saua leuo' so Jesucristo. Ca' coñiguit dá'maq chalego lecaic nqouagaxahi chaqai da ra'maxahi.

2 Pedro 1:1

Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

1 Juan 5:6

Da loviraxac so Jesucristo netanec nqohin na huaxaỹaq na' qanachilaxan, chaqai saua leuo' na' qaỹalauat. Se nodaatec na huaxaỹaq, ta'ta'a quiyim na huaxaỹaq chaqai na neuoripi. Ca' so Espíritu Santo chaqaiso só'maq ỹa'xat dajo, ca' ỹaatqajam lliqueta da la'qaatec.

Apocalipsis 14:4

Ca' so'maxare só'maq se iuanapega aca 'aalo, chaqai co'teeta. Chaqai so'maxare só'maq coỹaretegueñi so 'ec qagreta llaalec quecanchaqa taigue so'maxare. Qanca'laxatec, qaỹachigoxotaugui na qomyipi hueetalec ana 'laua, 'ec nqohin aca 'auaxai nachitaxanataxanqate quiyim qoỹaanot ñi qota'a chaqai so 'ec qagreta llaalec.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.