1 Corintios 1:29 - La'qaatqa ñi qota'olec Qota'olec & Qota'olec Novita Na Qomyipi

²⁹ qaiyi qaica cá'maq nemaqajantac quiyim ỹovira'a ñi'maxare.

1 Corintios 1:29 Iomraidhean Croise

Romanos 15:17

Ma' mashic seuelec so Cristo Jesús, ca' chaqaida chicqochigui da ñitoonaxac quiyim so'ueenataxantacot ñi qota'olec.

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.

Romanos 3:27

¿Negue' cá'maq 'neeto' na'le dá'maq nemaqajnaxac na qom? Se qaỹalecqajno. Qam ¿chi'neco'? Ma' quiyim qaipacqajanchigui dá'maq 'naac na naqataxaquipi, ca chicqochigui da maqajnaxac. Qam queda npi'ỹaxac qaica ca lligo nqai'en.

Romanos 4:2

Ma' quiyim so'maxare ỹaatqajam qaỹa'maxarenta quiñi qota'a chicqochigui cá'maq canchaqaica ỹo'uet, ca 'ue quet cá'maq 'em quiyim nemaqajan, qam mesqai quiyim nemaqajan quiñi qota'olec.

1 Corintios 1:31

Ca “no'm 'ue ca shim napacqachin, hua' qam no'uen quiyim ỹapacqachin so qara'gaxala'.” Ma' 'eda da 'nerac naua nerecse' la'qaatqa ñi qota'a.

1 Corintios 4:7

Ma' ¿negue' ca ỹapacqajnauec qami' quena liỹaripi? ¿Nega'ỹo' ca sqa chicqo'ot ñi qota'a quená'maq hueeto'ot qami'? Ca no'm ñi'maxare ỹaanem qami', ca ¿chi'negue ma' nemaqajñi'? Mashic 'eco' quená'maq vi'saxauot chigoqchiraugui ca chi ra'ñaxaqui'.

1 Corintios 5:6

Qamiri se ỹa'maxañi quiyim nemaqajñii quedá'maq 'viichitac. ¿Sqa 'yiiñio' da na'qaatec ma' 'naac: “Ca cocho'qui' lalegue' na pan ishit pe'taxachigui cá'ogue ca naqaulatec 'aríña”?

Efesios 2:9

Mesqai chicqaugui cá'maq ỹa'maqachiguiñi ỹo'uet ca qom, qaiyi qaica quet cá'maq ishit quiyim nemaqajan.