1 Corintios 1:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Qam quená'maq qota'a loỹaxanqateripi quena judío laseripi chaqai na mesqai judío, na'maxare ỹa'deenta quiyim so Cristo chaqaiso so lquesaxanaxa chaqai la'deenec ñi qota'a.

1 Corintios 1:24 Iomraidhean Croise

Lucas 11:49

Vichiguiño' ñi qota'olec queda la'deenaxanaxa 'naac: “Selata ma'le na ỹa'qaataxanqajanqaipi chaqai ca ilaatqaipi, ca 'uo' ma'le ca qaỹalauat, chaqai ca liỹaripi, ca' qaỹocantac.”

Lucas 7:35

Qam da la'deenaxanaxa ñi qota'olec re'oq nqai'en cá'maq 'deenaxanqachaqaiquipi.

Romanos 1:16

Ca' ỹim se ñayiloxonlec da na'qaataxac so Jesús, ma' da'maxare lquesaxanaxa ñi qota'a, ma' ishit nca'laxatec ná'ogue ná'maq huelec. 'Aueta nqai'en na judioipi, qam qai'neeta ná'maq sqai judioipi.

Romanos 1:4

Qam chicqochigui so Espíritu Santo co'na' ỹa'xat quiyim so'maxare llaalec ñi qota'a chaqai ỹaatqajam 'ue da lquesaxanaxa co'na' nca'le'guesop so nelauaxa.

Romanos 1:7

Shiriñi dajo, tai'alo nqaishine' qamiá'ogue qamiri ñiita'ñi na na'a' lodegaxat Roma. Ma' nqo'talo qamiri ñi qota'a chaqai roỹaxanalo qamiri quiyim machii'ot da nachaalataxaguii. Ca' coñiguit da lqouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

Romanos 9:24

Ma' ñi qota'olec na' roỹaxanalo qomi', ca' 'ue na ỹachigoxotaugui na judioipi chaqai na liỹaripi ỹachigoxotaugui na mesqai judioipi.

1 Corintios 1:18

Ma' da na'qaatec queda lelauaxa so Cristo na' qaipateno 'eco' chaqai mogollishic quená'maq tai'a quiyim na'laañi. Qam qomi' ma' saaqa'a da nca'laxa, ca' dajo na'qaatec lquesaxanaxa ñi qota'a.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

1 Corintios 1:9

Ca' ñi qota'olec ỹaatqajam ipacqajanchiguilo naua la'qaatqa, ma' chaqaiñi ñí'maq roỹaxanalo qamiri quiyim nouañiỹau'a da nachaalataxac so llaalec Jesucristo só'maq qara'gaxala'.

Colosenses 2:3

Ma' chaqaiso só'maq ỹomata'ta' hueetaugui ná'ogue na na'deenaxanaxa chaqai da na'deenataxanaxac.