1 Corintios 1:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Aỹim saantacot da ña'aachic ñi qota'a, ma' ỹim sqaica ca ỹachilaxanatec caqamiri, qaicaata ca Crispo chaqai ca Gayo,

1 Corintios 1:14 Iomraidhean Croise

Hechos 10:48

Ca relaataxanlec quiyim qanachilaxan, quiichigui nqohin da leenaxat so Jesucristo. Co'na' ime, ca' qaỹashiilo'ot so Pedro quiyim ỹa'vii na'xata' ỹalequetauguilo saua'maxare.

Hechos 18:8

Chaqai so Crispo, so lashi añi napoxoqui, huelec ñi qara'gaxala' chaqai sá'ogue so llaalqaipi. Chaqai qai'neeta 'xoic so na'ñi yi Corinto, co'na' 'xaỹa da na'qaatec, qai'neeta huelec. Ca sá'ogue qanachilaxan.

Romanos 16:23

Liquinaxanaxac ñi Gayo. Senta'ñi na la'a' ná'maq ra'ualaxanataxanot quiyim lo'ueenaxanqa' ná'maq mashic icoñiguit da na'qaatec. Qai'neeta ila' liquinaxanaxac ñi Erasto ñí'maq reloqota'a ana lam na na'a' lodegaxat, chaqai ñi qarqaỹa Cuarto.

1 Corintios 1:15

qaiyi qaica ca 'naac qanachilaxañigui na'le da ỹeenaxat.

1 Corintios 1:4

Ca' chaqai shintari' quiyim saantacot da ña'aachicyaxac ñi qota'a queda 'ñiita, ma' so Cristo Jesús ỹoviraqta'ogalo qamiri da lqouagaxa ñi qota'a.

1 Corintios 14:18

Saantacot da ña'aachic ñi qota'a quiyim seshit sa'xate' naua na'qaatqa se qaiuanapegalo, sapacauec caqamiá'ogue.

2 Corintios 2:14

Qam qomi' saanqot da qana'aachic ñi qota'a ñí'maq chicqochigui nqai'en so Cristo Jesús quiyim qomi' 'ue da qarquesaxanaxa, chaqai ỹachigoxochichiguilo qomi' quiyim qaỹa'den da na'qaatec queso'maxare. Qam da'maxare 'ec nqai'en ca lo'daxaraic lahita quiyim ỹaỹoxonec, ca' quelec na 'laua.

Efesios 5:20

Se neme 'ỹaañitacot da na'aachicyaxaguii ñi qota'olec quená'ogue nanchaqaina, ma' quiitalec so qara'gaxala' Jesucristo.

Colosenses 3:15

Ca' da na'maxa chicqo'ot ñi qota'a ỹoiquenta'pe nqai'ñii naua re'taxanatahi, ma' chaqaida dá'maq ỹahotaque ñi'maxare na' roỹaxanalo qamiri quiyim lliguiỹau'a so 'oonoqui' noshicmaxa. Ca' necoñitaque da na'aachicyaxaguii.

Colosenses 3:17

Chaqai quecá'maq canchaqaica 'viichii loqo'm quecá'maq 'xachii, ca ná'ogue 'viichii, qam quiichigui nqai'ñii da leenaxat so qara'gaxala' Jesús. Quiichigui nqai'ñii so'maxare quiyim 'ỹaañitacot da na'aachicyaxaguii ñi qota'olec.

1 Tesalonicenses 5:18

Quená'ogue ná'maq taalgoto qamiri 'ỹaañitacot ca na'aachiguii ñi qota'a, ma' chaqaida dá'maq ỹahotaque ñi'maxare caqamiri, ma' mashic viilec so Cristo Jesús.

1 Timoteo 1:12

Saanot da ña'aachic ñi qara'gaxala' Jesucristo, ñí'maq nañaañim da ña'ñaaqataxac quedajo, ma' ỹa'den quiyim yaqamqata, ca' pataxailec da lo'ueenataxanaxac.

Filemón 1:4

Se neme saantacot da ña'aachic ñi qota'a quena' so'leente'te qami' quena' ñqouagaxaintac,