1 Corintios 1:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam shinac: ¿peeta'a neuagaxata'chi so Cristo? ¿Loqo'm ỹim qaypatenalgoto qamiri? ¿Loqo'm qarachilaxanataxana caqamiri na'le da ỹeenaxat?

1 Corintios 1:13 Iomraidhean Croise

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Mateo 3:6

Ca co'quena' 'naac quiyim ỹaxañiñi naua lasauaxasete', ca' so Juan nachilaxan caso lachiugue Jordán.

Hechos 10:48

Ca relaataxanlec quiyim qanachilaxan, quiichigui nqohin da leenaxat so Jesucristo. Co'na' ime, ca' qaỹashiilo'ot so Pedro quiyim ỹa'vii na'xata' ỹalequetauguilo saua'maxare.

Hechos 19:5

Ca co'na' ime 'xaita dajo, ca qanachilaxane', qarachilaxanataxana da leenaxat so qara'gaxala' Jesús.

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Hechos 8:16

Ma' quesaua'maxare saqa'leca ca icoñiguit ca Espíritu Santo. Chaqaidaata quiyim mashic qanachilaxan, qarachilaxanataxana da leenaxat so qara'gaxala' Jesús.

Romanos 14:9

Ma' so Cristo ileu chaqai lotqai liỹa nca'leuec, qaiyi so'maxare chaqaiso só'maq la'gaxala' ná'maq mashic ileu chaqai ná'maq ñaqai nca'leetauec.

1 Corintios 1:15

qaiyi qaica ca 'naac qanachilaxañigui na'le da ỹeenaxat.

1 Corintios 10:2

Ca' chaqaida 'neeta quiyim sá'ogue qanachilaxan ma' na'deetau'a so Moisés queso naueguelec chaqai caso huaaxai.

2 Corintios 11:4

Ma' qamiri ỹaatqajam na'ñaxachiiguit ná'maq ỹoviretape'ogalo qamiri ỹa'xatetac ca liỹa Jesús sqai 'nejem só'maq sa'xatqatac qomi', chaqai livillii'chiguit só'maq ỹoqa'a espíritu quesó'maq shi'gue coñiguit, chaqai da na'qaatec ỹoqa'a quedá'maq na'qaatec chicqaugui da nca'laxa shi'gue 'xaitapega.

Gálatas 1:7

Mesqai llic quiyim 'ue quet ca liỹa na'qaatec chicqaugui quet ca nca'laxa. Dá'maq 'neeta ma' 'vii nauá'maq se ỹaqamaxate' qamiri, ca' ỹahotaque ỹaỹoqojnec dá'maq na'qaatec chicqaugui da nca'laxa chicqo'ot so Cristo.

Efesios 4:5

'Ue so 'oonoqui' qara'gaxala', 'oonoqui' da npi'ỹaxac, 'oonoqui' da chilaxac,

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.