Hebreêh 10:5 - Mambilla NT (Cameroon)

⁵ Yeé baá ménâ, cu mé *Kristò lé ndeè naâ ká te wɔ́ŋe ndeê, à lé ye Càŋ a: Wò sèmè bɔ̂ mbe gwàn bèh, wò ye mè a, ŋá sér nùàr.

Hebreêh 10:5 Iomraidhean Croise

Matíô 11:3

«Bí ndé bíé ke ye bú a: Né bú mé béh né kela den doô wa, dé béh kèlà sèr nùà dé hiîn wa?» Bɔ́ nde ndɔ, bɔ́ wa.

Njàgà bagaà Lûk 1:35

Cìlì Càŋ ye bú a: «Cúcuí Ŋagâ ka waà nde né felè yeè kɔɔ́, terreb Càŋ ké ter te vulúu nde né cemé felè yeè si. Huaán mé wò nde né ŋar sâ, né dé cî mé bɔ́ bú yilá nde né nùà joloò, Ŋunà Càŋ Dueè.

Njàgà bagaà Lûk 7:19

à tema njií bɔ́ yoòr Fehtoò beèh, ye bɔ́ ndé júée bú a: «Né bú mé béh né kela den doô wa, dé béh kèlà sèr nùà dé hiîn wa?»

Njàgà Bagaà Jâŋ 1:14

Ŋgòr doô lé naâ nùàr ŋaá, à den ká lètenè beèh léláŋ húɔ́m-temê mé léláŋ gècên ndɔ. Béh lé naá giì *sùsùm seèn ŋené; né sùsùm mé gɔndɔŋ Ŋunà Càŋ lé kwaá naâ beè Tele seèn.

Galatî 4:4

Nde nde, cu mé Càŋ lé sie kwaá naâ yeé wulu baá, à tema njií Ŋuna seèn ndɔ: ma déì ŋar bú, à yií keéh feh te *sóú bɔ̀ Jûf ménâ ndɔ.

1 Timotê 3:16

Mè tueé bí, dé saân sam, bɔ̀ njèh nâb mé Càŋ né béh te ceér seène feh hên né lom tàŋɔ̀r, ye: À lɔ naâ nùàr ŋaá. Cúcuí Ŋagâ feh keéh ye à né dilísé. Bɔ̀ cìlì Càŋ lé naâ bú mé njolo ŋené. Lò nùàr ŋgweé gi ju seèn. Bèh dɔɔ́ŋ bɔ̀ nùàr né temé yoòr seèn kwaá njií. À ŋaá nde cu aá ké te vulúu kèn.»

Hebreêh 1:6

À lé ménâ jue seér naâ mé ndoón seèn. Cu mé à lé ndeè naâ bú ká te wɔ́ŋe temá njiî, à lé naâ tueé ye: Dàm bɔ̀ cìlì nyî dɔɔ́ŋ a, cémmé gí toò Huaán nyî, bɔ́ die bú.»

Hebreêh 10:10

Kristò lé naâ dé seèn faá Càŋ gwaán nê nɔ bɔɔ́ jege. À lé *semé naâ gùm seèn nùà njèh, lé naâ mbei cén dé kèì cên ndɔ. Béh baá *senésé mé njéh.

Hebreêh 10:7

Yeé baá môn, mè ye wò a: Sâ mè hên nɔ, Càŋ mò! Mè ndeè, te mè bɔɔ́ faá wò gwaán nê nɔ; te den ka nág faá né felè mò te mvù nyagá den ndɔ.»

Hebreêh 10:8

Sâ Kristò lé tueé lɔgɔ́ naâ faá béh la naâ ŋgweé nɔ, ye Càŋ a: Wò sèmè gwàn bèh, wò mbe gwàn bèh. Bɔ́ né mene wò nyam ké felè kɔɔ̀ ŋgela haá, wò njolo teèn kè njí bèh; né mene sèmè dé veên senê, wò njolo teèn kè nyì bèh ndɔ.» Á sâ, bɔ̀ sèmè hèllè né gi faá sóú tueé nê ndɔ.

Hebreêh 2:14

Yeésò lé nùàr ŋaà naâ, ye lòù sam, bɔ̀ huaán mé nyí né bɔ́ huaán yilá sâ né gi bɔ̀ nùàr, wa kɔ nyí ŋa nùàr ndɔ. Sâ dɔɔ́ŋ ye te nyí kuú cio, nyí mé njéh nyoló sɔm *Sátàn mé terreb cioò né beè seèn.

Hebreêh 5:7

Cu déì ká te wɔ́ŋe, Yeésò lé naâ Càŋ mé terreb dua, à né bú lòù bɔŋ, à teèn lɔgɔ bilí mé yúé mene, yímé lé naâ bú njolo berré ndɔ. À lé sâ dɔɔ́ŋ ŋgweé giì naâ sòn Càŋ mé nde né bú te cio yili sɔm. Yeé baá ménâ, Càŋ ŋgweé njií mé à né dua ndɔ.

Hebreêh 8:3

Bɔ́ ŋgàŋ sèmè dé koô dɔɔ́ŋ sie kwaá né, te à haá beh Càŋ mbe mé *sèmè. Yeé baá ménâ, kɔ ŋgàŋ sèmè beèh dé koô sâ haá bú njeré déì ménâ ndɔ.

1 Piêr 2:24

À mé feh seèn lé naâ veên beèh yoòr ŋguú kwaá, bɔ́ faga bú sòn beèh. Sâ dɔɔ́ŋ ye te béh den gi bɔ̀ komó te veéne, ye te béh làŋ den seér te seé didilî. Nyer Kristò lé bí taré sɔɔ́m naâ kɔɔ́.

2 Jâŋ 1:7

Mè lòù túé ŋgwéh, bɔ̀ nyeén bɔ̀ ŋab sie aá *wɔ́ŋ beè; bɔ́ né lom berɔ́ŋ, ye Yeésò Kristò lé nùàr ŋá ná ŋgwêh. Mè tueé bí ndɔ, nuaá mé né mân tueé dɔɔ́ŋ né nùà nyeên, né nùà bùnò *Kristò sâ.