Kɔlɔ̂se 1:16 - Mambilla NT (Cameroon)

¹⁶ Lòù sam, Càŋ lɔ njèh dɔɔ́ŋ si giì naâ mé bú, ye te den gi dé seèn. Né mene bɔ̀ njèh dé ké te vulúu, né mene bɔ̀ dé ká doô, bɔ̀ɔ́ mé njolo né ŋené o, bɔ̀ɔ́ mé njolo ŋéné ŋgwéh o, dɔɔ́ŋ Càŋ lɔ si giì naâ mé bú. Felè njèh dɔɔ̂ŋ né bú ndɔ. Sâ terreb wɔ̂ŋ né mene naàn, né mene gèh terrèb dé heè ké te vulúu dɔɔ́ŋ né gi ka seèn.

Kɔlɔ̂se 1:16 Iomraidhean Croise

Njàgà Bagaà Jâŋ 1:10

À lé naâ ká lè wɔ́ŋe; Càŋ lɔ wɔ́ŋ dɔɔ́ŋ si giì naâ mé bú. Mé njéh mene wɔ́ŋ bú ŋéné kɔ́ ŋgwéh.

Njàgà Bagaà Jâŋ 1:3

Càŋ lɔ njèh dɔɔ́ŋ si giì naâ mé Ŋgòr; njií mé lɔ dieé naâ mbaá, mé Ŋgòr kɔɔ́ sì ŋgwéh, lɔ teèn ná ŋgwêh.

Rɔ̂m 11:36

Bí kɔ́ɔ ye, njèh dɔɔ́ŋ naá giì beè Càŋ, à bɔ́ koó gi né kɔɔ́, dɔɔ́ŋ né gi dé seèn. Kùsèm, terreb Càŋ a, sùmù yùò kélà cie dé kèì cên. È môn!

Rɔ̂m 8:38

Sâ mè né lom kɔɔ́ nyegé, ye njeré déì Yeésò yín kòmò ndé ŋgwéh ye bú a: té béh gwàn. Né mene cio, né mene yɔ̀ŋ, né mene bɔ̀ cìlì Càŋ, né mene bɔ̀ njèh tetarê ké te vulúu, bɔ́ bú yín kòmò ndé ŋgwéh. Né mene kènê, né mene loró déì,

Rɔ̂m 9:5

Abrahâm bɔ́ bɔ̀ ŋuna seèn né bɔ̀ jɔ̀gɔ̀ bɔ̀ bɔɔ̀n. Cu mé *Nùà Cɔ̀ŋ lé naâ nùàr mé húɔ́m yoòr ŋaá, bɔ́ lé bú ŋaár naâ lè gèh bɔɔ̀n sâ ndɔ. Felè njèh dɔɔ̂ŋ né cegé bú Càŋ Nùà njèh. Kùsèm bú a, líé dèn ménâ cu dɔɔ́ŋ. Môn.

1 Kɔrênt 8:6

mé njéh mene béh né gi dé beèh kɔɔ́, ye Càŋ terrèb né lom cén mé huún, Tele beèh né cegé bú mé njèh dɔɔ́ŋ yuo giì beè seèn; béh hên den lom né dene seèn. Béh né cegé ka mé Fehtoò beèh cén-tà-cén ndɔ: né Yeésò *Kristò. Njèh dɔɔ́ŋ né gi beè seèn, béh yɔ̀ŋ kwa né mé bú.

Efêse 1:10

wa loù mé wɔ́ŋ nde né teèn gií, nyí nde né njèh ké te vulúu mé ká doó mene dɔɔ́ŋ bècénè horó bilí, te Kristò den lom felè bɔɔ̀n kɔɔ́.

Efêse 6:12

Bí kɔ́ɔ ye, béh taáb sâ mé nùàr líé njí ŋgwéh, béh lie njií né mé bɔ̀ càŋ tándulu ké ter ka vulû, béh lie njií mé kunduŋ *wɔ́ŋ cibì bɔ́ bɔ̀ terreb ká teèn hihiné mene.

Filîp 2:10

Né yilí Yeésò. Ye te *wɔ́ŋ dɔɔ́ŋ veéh gi cí; né mene ké ter, né mene ká doó, mé ké dòù mene dɔɔ́ŋ, te bɔ́ cemmé gi toò seèn,

Kɔlɔ̂se 1:15

Béh Càŋ mé njolo ŋéné bèh, béh bú mé njolo ŋene né yoòr Kristò. Huaán né bú, Nùà Dueè felè bɔ̀ njií mé Càŋ lɔ si giì naâ dɔɔ́ŋ né lom bú ndɔ.

Kɔlɔ̂se 1:20

nyí njèh dɔɔ́ŋ ká yoòr nyî nyɔgɔ́ njií giì né mé bú ma. Bɔ́ faga njií bú ter te toû ndɔ. Húɔ́m seèn yeé ber aá, pɔ́ŋ die lètenè nùàr bɔ̂ Càŋ. À lé mân bɔɔ́ naâ, ye te bɔ́ bɔ̀ njèh dé ké te vulû mé ká doó dɔɔ́ŋ den cu mé sòn cên.

Kɔlɔ̂se 2:10

Sâ tueé né ye, bí bɔ̀ɔ́ mé né gi yoòr seèn dɔɔ́ŋ baá gi mé njéh yoòr mé gùm mene ndɔ. À dé seèn né mé terreb felè njèh dɔɔ̂ŋ. Né mene gèh terrèb dé heè dɔɔ́ŋ, né gi ka seèn.

Kɔlɔ̂se 2:15

Mé cio cén sâ, à né bɔ̀ cècàŋ te kɔgɔ mé njéh huaré sɔm. Njií sâ né mene mé gèh terrèb dé heè dɔɔ́ŋ, à né bú toò bɔ̀ nùàr huaré; gɔ̀gɔ̀ né die ndeé.

Hebreêh 1:2

Nde nde ká jomo te nàm cèrè jomò hên, à bɔ̀ nùàr njèh tueé seér aá mé Ŋuna seèn. À lɔ njèh dɔɔ́ŋ si giì naâ mé bú, à bɔ̀ dàm njèh seèn dɔɔ́ŋ jege kwaá gi né beè seèn.

Hebreêh 2:10

Càŋ nùà njèh mé lɔ sií naâ njèh dɔɔ́ŋ kɔɔ́, ye kɔ nyí Yeésò sieé seér né mé gèr bú sâ, te nùàr ŋgún ŋa keéh gi bɔ̀ huaán nyî teèn, nyí weh njií bɔ́ ká mbàm yoòr nyî ma. Lòù sam, bɔ́ né mé Yeésò yili yuo.

1 Piêr 3:22

à ŋaá nde ké te vulúu, à den nde te be gaâ Càŋe. Bɔ̀ cìlì Càŋ bɔ́ bɔ̀ kokoô bɔ̀ mé bɔ̀ terreb bɔ̀ ké ter ka vulúu dɔɔ́ŋ né gi beè seèn.