1 Timotê 3:10 - Mambilla NT (Cameroon)

¹⁰ Mɔ bí nde aá mabɔn gwà Càŋ sie, bí jɔ̀gɔ̀ kwé nyége bú bagasé ye; mɔ à kela né kelà, à yila ye seé sâ.

1 Timotê 3:10 Iomraidhean Croise

1 Kɔrênt 1:8

Bú Yeésò Kristò nùà njèh nyeén nyegé nde né bí kɔɔ́, te bí taré wa loù mé à nde né ju teèn tená ŋagá, te nuaré déì bí bɔ̀ nyì cú.

Kɔlɔ̂se 1:22

Mé njéh mene, kènê Càŋ bí ká yoòr seèn weh nyɔgɔ́ njií cuù aá kèn. Né mé cio Ŋuna seèn. À lé naâ faá nùàr nɔ kuú, te yaga sɔm bɔ̀ veên biì dɔɔ́ŋ. Càŋ ye te bí yuo kelà toò nyî ŋagásé, te nuaré déì bí mé ndɔ̀gɔ̀ veên déì yoòr ŋéné sáb cú.

1 Timotê 3:13

Bɔ̀ mabɔn gwà Càŋ mé né gi seé bɔɔ̀n faá Càŋ tueé nê nɔ bɔɔ́ komo dɔɔ́ŋ nde gi né njolò bɔ̀ nùàr lieé huɔɔ́m. Bɔ́ ŋgòr Càŋ sâ tueé lom nde né mé terreb teèn, ye bɔ̀ nùàr a, bɔ́ temé kwá njí gí yoòr Yeésò *Kristò ma.

1 Timotê 3:2

Sâ bú a, dèn nuaá mé yilí seèn ŋgúlí vé ŋgwéh, à dèn lòm mé véh cén, à té mbè sèlà, à dèn nùà kɔ́gɔ̀n, à bɔ́ yí njèh te ceér-e. Bú a, dèn nùà wèh-kìn; bú a, dèn lòm nùà fèh-njèh dé gècên;

1 Timotê 3:6

Mɔ bí nde aá nùà koô sie, bí té nùà feê sìè. Mɔ sam, à nde né mé njéh lòù punó seér, te à die ju beè Càŋ, faá *Sátàn lɔ dieé naâ nɔ.

1 Timotê 5:22

Tée nuaré déì be felè kwar cén mbaá bá, ye bú a: ndé bèh seé Càŋ. Jɔ̀gɔ̀ kè née seé seèn keè ye. Té te veên nuaré déì dìè yílá, dèn lòm dé yeè ŋagásé.

1 Jâŋ 4:1

Bɔ̀ mbeí mò, mɔ nuaré déì waà, né njeré déì kwarè biì tueé den, wa nyí tueé né mé terreb Cúcuí Ŋagâ, bí té mbaá gwàn njí, bí kwé sér bú lòù. Mɔ à bí tueé né mé terreb Cúcuí dé Càŋ, bí nde né teèn ŋené kɔɔ́. Wanɔɔ́ŋ bɔ̀ *sòn-Càŋ bɔ̀ dé nyenyenê baá *wɔ́ŋ beè ŋab sie.