Thothueng 17:11 - Matu Bible

¹¹ Ba dongah tikoinih pumsa kah hinglu he thii dongah om. Te dongah ni nangmih kah hinglu ham hmueihtuk soah na dawth uh vaengah hinglu thii la dawth ham ni kai loh nangmih taengah kam paek.

Thothueng 17:11 Iomraidhean Croise

Hebrew 9:22

Te dongah olkhueng vanbangla thii loh a cungkuem a cim sak banghui tih thiilongnah pawt atah khodawkngainah om pawh.

1Johan 1:7

Tedae amah loh vangnah khuiah a om vanbangla vangnah khuiah m'pongpa uh atah, khat neh khat taengah rhoinaengnah ng'khueh uh. Te vaengah a capa Jesuh kah thii loh mamih he tholhnah cungkuem lamloh n'cilpoe coeng.

Rom 3:25

Anih te Pathen loh a duengnah mingphanah la a thii dongkah tangnah rhangneh dawthnah la a hmoel.

Olphong 1:5

Uepom laipai, aka duek rhoek khuikah caming omthang neh diklai manghai rhoek kah boei, mamih aka lungnah tih a thii neh mamih kah tholhnah lamkah mamih aka hlam Jesuh Khrih lamkah lungvatnah neh ngaimongnah nangmih taengah om saeh.

Marku 14:24

Te phoeiah amih taengah, “He tah ka thii neh cungkuem ham ka long sak paipi ni.

Suencuek 9:4

Tedae maeh kah a hinglu a thii te na ca uh mahpawh.

Kolosa 1:14

Amah dongah tholh khodawkngainah, tlannah te n'dang uh.

Mathai 26:28

He tah kamah kah paipi thii ni. A yet kah tholh khodawkngainah ham ni a long.

Hebrew 13:12

Jesuh khaw a thii lamloh pilnam te ciim ham vongka kah a voelah patang tangloeng.

Ephesa 1:7

A thii lamloh amah dongah tlannah n'dang uh. A lungvatnah dongkah khuehtawn vanbangla tholhdalhnah dongkah khodawkngainah te khaw n'dang uh.

Thothueng 17:14

Pumsa boeih kah hinglu tah a thii dongah om tih a thii khaw a hinglu dongah om. Te dongah, 'Pumsa khat khat kah a thii tah ca uh boeh. Pumsa boeih kah hinglu, a thii aka ca boeih tah hnawt saeh,' tila Israel ca rhoek taengah ka thui.

1Peter 1:2

Jesuh Khrih kah olngainah neh thii a haeh dongah mueihla kah cimcaihnah rhangneh pa Pathen kah a ming oepsoeh vanbangla nangmih taengah lungvatnah neh ngaimongnah ping saeh tila kan yaak sak.

Kolosa 1:20

A thinglam dongkah thii rhangneh amah loh diklai dongkah neh vaan kah te khaw a moeithen.

Rom 5:9

Te dongah kosi lamkah amah loh a thii neh n'khang tih tahae muep n'tang uh lat coeng.

Thothueng 8:15

Vaito te a ngawn phoeiah a thii te Moses loh a khuen tih hmueihtuk ki neh a kaepvai ah a kutdawn neh a koelh. Te phoeiah hmueihtuk te a caih sak tih thii te hmueihtuk kah khoengim taengah a hawk. Te daengah te anih dongah a dawth ham koi te a ciim pah.

1Johan 2:2

Amah khaw mamih kah tholhnah kongah ni dawthnah la a om. Mamih bueng ham pawt tih diklai pum ham khaw om.

Mathai 20:28

Hlang Capa tah hlang thohtat sak ham pawt tih thohtat pah ham neh a hinglu te ping kah tlansum la paek ham ni halo,” a ti nah.

Thothueng 16:11

Te phoeiah boirhaem vaito te Aaron loh amah ham khuen saeh lamtah amah ham neh a imkhuikho ham dawth saeh. Te phoeiah boirhaem vaito te amah ham ngawn saeh.

Thothueng 1:5

BOEIPA mikhmuh ah saelhung ca te ngawn saeh lamtah khosoih Aaron ca rhoek loh a thii te khuen saeh. Te vaengah thii te tingtunnah dap thohka kah hmueihtuk so neh a kaepvai ah haeh uh saeh.

Thothueng 17:12

Te dongah, 'Israel ca rhoek nangmih lamkah hinglu boeih loh thii ca uh boel lamtah, nangmih lakli kah aka bakuep yinlai long khaw thii te ca boel saeh,' ka ti.

Thothueng 4:25

Te phoeiah boirhaem thii te khosoih loh a kutdawn neh lo saeh lamtah hmueihhlutnah hmueihtuk ki dongah pae saeh. Te phoeikah thii te hmueihhlutnah hmueihtuk kah khoengim taengah hawk saeh.

Thothueng 4:26

Tedae a tha boeih te rhoepnah hmueih tha bangla hmueihtuk ah phum saeh. Te daengah ni anih kah tholhnah kongah khosoih loh anih ham a dawth pah vetih khodawk a ngai eh.

Olrhaepnah 12:23

Tedae a thii tah hinglu la a om dongah thii te caak pawt ham tuem uh. A hinglu te maeh neh hmaih ca boeh.