Mathai 5:11 - Matu Bible

¹¹ Kai kongah nangmih te thuithet tih, hnaemtaek tih laithaethui rhoek loh nangmih soah a thae la boeih n'thui uh vaengah na yoethen uh.

Matu Chin New Testament 2006

¹¹ “Kai kah hubang la na awm u dawngah nangmi te thlaang lawng thuitheetna, heemtekna, athe thaihu soeprep oen hoem awl n'peel u vengah yotheen kam-awmna na dawng u.

Mathai 5:11 Iomraidhean Croise

Tingtoeng 35:11

Kuthlahnah kah laipai rhoek te ha tlai uh tih kai loh ka ming mueh te n'dawt uh.

Tingtoeng 44:22

Nang ham dongah maeh aka ngawn kah boiva la poek uh tih hnin takuem ah kaimih n'ngawn uh.

Isaiah 25:8

Dueknah loh a yoeyah la a yoop ni. Maelhmai tom kah mikphi te, ka Boeipa Yahovah loh a huih vetih a pilnam sokah kokhahnah khaw diklai hman lamloh boeih a khoe ni. BOEIPA loh a thui ngawn coeng.

Isaiah 51:7

Duengnah aka ming tih a lungbuei ah ka olkhueng aka dueh pilnam loh kamah taengah hnatun uh lah. Hlanghing kah kokhahnah te rhih uh boel lamtah amih kah honah dongah rhihyawp uh boeh.

Isaiah 66:5

A ol dongah aka thuen rhoek te BOEIPA ol hnatun uh. Nangmih aka hmuhuet tih nang aka rhoe na manuca rhoek loh, “Kai ming neh BOEIPA thangpom saeh lamtah nangmih kah kohoenah te ka hmu eh,” a ti uh dae amih te yak uh ni.

Jeremiah 37:14

Jeremiah loh, “A poeyoek la, Khalden taengah ka cungku mahpawh,” a ti nah. Tedae anih taengkah te a hnatun pawt dongah Irijah loh Jeremiah te a tuuk tih mangpa rhoek taengla a thak.

Mathai 10:18

Kai kongah khoboei rhoek neh manghai rhoek hmaila n'khuen uh ni. Amih taeng neh namtom rhoek taengah laipai la na om uh ni.

Mathai 10:22

Kai ming dongah hlang boeih kah a hmuhuet la na om uh ni. Tedae a bawtnah duela aka ueh tah daem ni.

Mathai 10:25

Hnukbang te a saya bangla, sal loh a boei bangla a om mah rhoeh coeng. Imkung te Beelzeboul a phoei thil uh atah a imko ngawn tah bahoeng nah.

Mathai 10:39

Amah kah hinglu aka hmu poci vetih, kai kongah a hinglu aka poci loh te te a hmuh ni.

Mathai 19:29

Kai ming kongah a im a lo boeih, manuca rhoek, ngannu rhoek, a manu napa, a ca rhoek, aka toeng boeih te tah a pueh yakhat a dang vetih dungyan hingnah a pang ni.

Mathai 24:9

Te phoeiah nangmih te phacip phabaem dongah m'voeih uh vetih nangmih te n'ngawn uh ni. Kai ming kongah namtom boeih kah a hmuhuet la na om uh ni.

Mathai 27:39

Aka van paitai loh a lu a hinghuen uh tih anih te a soehsal uh.

Marku 13:13

Kai ming kongah hlang boeih loh m'hmuhuet uh ni. Tedae a bawt due aka ueh te tah daem ni.

Marku 13:9

Te dongah nangmih tah namamih te hmat uh thae. Nangmih te khoboei rhoek taengla n'thak uh vetih tunim ah m'boh uh ni. Te phoeiah khoboei rhoek neh manghai rhoek hmaiah khaw, amih taengah khaw kai ham laipai la na pai uh ni.

Marku 4:17

Tedae a khuiah a yung a om uh pawt tih kolkalh bueng om uh. Te phoeiah olka kongah phacip phabaem neh hnaemtaeknah a om atah voeng a khah uh.

Marku 8:35

Amah khaw a hinglu te khang ham aka ngaih tah a hlong ni. Tedae amah khaw kai neh olthangthen ham a hinglu aka hlong tah daem ni.

Luka 21:12

Tedae te hlan ah te hlang boeih kah a kut te nangmih pum dongla a hlah uh vetih n'hnaemtaek uh ni. Tunim neh thongim la n'thak uh ni. Kai ming kongah manghai tom neh khoboei tom taengla ng'khuen uh ni.

Luka 21:17

Kai ming kongah hlang boeih kah a hmuhuet la na om uh ni.

Luka 6:22

Nangmih te hlang loh m'hmuhuet uh vaengah, nangmih te n'hlaang uh tih n'thuithet uh vaengah khaw, hlang capa kongah a thae la na ming a voeih vaengah khaw na yoethen uh.

Luka 9:24

A hinglu te khang ham aka ngaih te tah a hingnah poci ni. Tedae kai kongah hinglu aka poci long tah a hingnah a khang ni.

Johan 15:21

Tedae kai aka tueih te a ming uh pawt dongah kai kah ming kongah tekah boeih te nangmih taengah a saii uh ni.

Johan 9:28

Te vaengah anih te ol a bai uh tih, “Namah la anih kah hnukbang la na om, kaimih tah Moses kah hnukbang rhoek ni.

Caeltueih 9:16

Ka ming kongah aka patang ham anih bahoeng a kuek te amah taengah kamah loh ka tueng bitni,” a ti nah.

Rom 8:36

A daek vanbangla, nang kongah hnin at puet n'duek sak uh tih tu bangla maeh la m'hmoel uh.

1Korin 4:10

Khrih kongah ka ang uh. Tedae nangmih tah Khrih ah na cueih uh. Ka tattloel uh dae nangmih na thaom uh. Rhuepom la na om uh dae kaimih tah n'sawtsit uh.

2Korin 4:11

Mamih aka hing rhoek tah Jesuh kongah dueknah taengah m'voeih taitu. Te daengah ni Jesuh kah hingnah long khaw aka duek thai mamih pumsa dongah a phoe eh.

Philipi 1:29

Nangmih taengah Khrih yueng la m'paek coeng. Amah dongah aka tangnah ham bueng pawt tih amah yueng la aka patang taengah khaw a paek.

1Peter 2:23

Ol aka bai te thuung pawh. A patang vaengah hihham pawh. Tedae laitloek aka tiktam vik te a voeih uh.

1Peter 4:14

Khrih ming neh n'thuithet atah na yoethen uh. Thangpomnah neh Pathen kah Mueihla tah nangmih soah duem coeng.

Olphong 2:3

Uehnah khaw na khueh uh tih kai ming ham na yingyawn vaengah na thakthae uh pawh.