Mathai 4:10 - Matu Bible

¹⁰ Jesuh loh, “Satan cet, Boeipa na Pathen bueng mah bawk lamtah thothueng tila a daek coeng,” a ti nah.

Matu Chin New Testament 2006

¹⁰ Tevengah Jesuh lawng, “Seitan, atloela cet! Caciim lawngah, ‘Na Bawipa Pathen bueng te bok lang, amah kah bii bueng te bi peh,’ ti” a tina.

Mathai 4:10 Iomraidhean Croise

1Khokhuen 21:1

Satan loh Israel a thoh thil tih Israel tae hamla David a vueh.

Joba 1:12

BOEIPA loh Satan te, “A taengkah boeih ke na kut ah om ne. Tedae amah soah tah na kut hlah boeh,” a ti nah. Te phoeiah Satan te BOEIPA mikhmuh lamloh khoe uh.

Joba 1:6

Hnin at ah Pathen ca rhoek te cet uh tih BOEIPA taengah pai. Te vaengah Satan khaw amih lakli ah cet.

Joba 2:1

A tue a pha vaengah Pathen ca rhoek loh cet uh BOEIPA taengah pai uh. Te vaengah Satan khaw BOEIPA taengah pai hamla amih lakli ah cet.

Tingtoeng 109:6

Anih te halang loh cawh saeh lamtah a bantang kut ah Satan pai pah saeh.

Sunglat 23:25

BOEIPA na Pathen taengah tho na thueng daengah ni na buh neh na tui khaw a yoethen vetih na khui lamkah tlohtat te kang khoe eh.

Isaiah 30:22

Na cak ben mueidaep neh, na sui mueihloe pholip khaw na poeih ni. Te rhoek te na pumthim hainak bangla thaek uh vetih, “Acih hoeih,” na ti ni.

Mathai 16:23

Tedae Peter te a mael thil tih, “Satan, kai hnukla nong, kai ham thangkui la na om. Na poek te Pathen kah hno pawt tih hlang kah hno ni,” a ti nah.

Marku 1:13

Khosoek ah khohnin sawmli a om vaengah Satan loh a satlung. Te vaengah satlung taengah khaw om dae anih te puencawn rhoek loh a khut uh.

Luka 10:18

Te vaengah amih te, “Satan he vaan lamkah khophaa a tlak banglam ni ka hmuh.

Luka 11:18

Satan khaw amah neh amah paekboe uh koinih, metlam lae a ram a pai eh? Kai loh Beelzebul rhangneh rhaithae a haek na ti uh.

Luka 13:16

Anih he Abraham canu la om dae ta. Amah he Satan loh kum hlai rhet a pin coeng ta he. Te dongah Sabbath khohnin ah he hloong dong lamkah loh hlam ham a kuek moenih a?” a ti nah.

Luka 22:3

Te vaengah Satan loh hlainit khuikah hlangmi pakhat la aka om Iskariot a ti uh Judas te a kun thil.

Luka 22:31

Simon, Simon, Satan loh cang bangla hlaih ham nangmih n'laem coeng te.

Luka 4:8

Tedae Jesuh loh anih te a doo tih, “A daek tangtae coeng ni, BOEIPA na Pathen mah bawk lamtah amah bueng mah thothueng,” a ti nah.

Johan 13:27

Kamat nen mah anih te Satan loh a kun thil coeng. Te dongah Jesuh loh anih te, “Na saii te hat saii to,” a ti nah.

Caeltueih 26:18

yinnah lamkah vangnah la, Satan kah saithainah lamloh Pathen taengla bal puei ham, amih te tholh khodawkngainah, kai dongah tangnah neh a ciim tangtae rhoek taengah hmulung dang sak ham amih taengla nang kan tueih,' a ti.

Caeltueih 5:3

Te dongah Peter loh, “Ananias, balae tih Satan loh na thinko a hah sak, Mueihla Cim te na laithae thil. Te dongah ni khohmuen phu te na uep coeng.

1Korin 5:5

Te te pumsa a rhawpnah ham Satan taengla voeih ham om. Te daengah ni mueihla loh Boeipa kah Khohnin ah a daem eh.

1Korin 7:5

Kotluep la a om pawt oeh atah thangthuinah tue te na hoep phoeiah amah la koep na om uh mai mako. Te daengah ni na khoeihveetnah dongah Satan loh nangmih n'cuekcawn pawt eh.

2Korin 11:14

Tedae Satan loh amah neh amah vangnah puencawn la a sa uh te ngaihmang ham om pawh.

2Korin 12:7

Te daengah ni kamah ka pomsang ka pawt tangloeng eh. Kai phop hamla Satan kah puencawn loh ka saa te tlaeh neh a toeh. Te nen te ka pomsang uh mahpawt nim?

2Korin 2:11

Te daengah ni Satan rhangneh n'omtoem uh pawt eh. Anih kah poeknah soah mangvawt boel sih.

Olrhaepnah 10:20

BOEIPA na Pathen amah te rhih lamtah thothueng lah. Amah taengah pangnal lamtah a ming neh toemngam lah.

James 4:7

Te dongah, Pathen taengla boe na ngai uh tih rhaithae te na tungkha uh daengah ni nangmih taeng lamloh a rhaelrham eh.

Joshua 24:14

Te dongah BOEIPA te rhih uh lamtah a taengah oltak neh cuemthuek la thothueng uh. Tuiva rhalvangan neh Egypt ah na pa rhoek loh tho a thueng thil pathen rhoek te phil uh lamtah BOEIPA taengah thothueng uh.

1Peter 5:9

Anih te tangnah neh khak tungkha uh. Diklai ah na manuca loh patangnah a poeng te amah la ming uh.

1Samuel 7:3

Te dongah Samuel loh Israel imkhui boeih te a voek tih, “Na thinko boeih neh BOEIPA taengla na mael atah, na khui lamkah kholong pathen rhoek neh Ashtoreth te khoe uh. Na thinko te BOEIPA taengah sikim uh lamtah amah bueng ham mah thothueng uh. Nangmih te Philisti kut lamloh n'huul,” a ti nah.