Mathai 3:2 - Matu Bible

² Vaan ram a yoei coeng dongah yut uh laeh," tila a thui tih Judea khosoek ah a hoe.

Matu Chin New Testament 2006

² “Vaan ram ayoeii poen dawngah na thawlhna yut u loeih,” tila a thui.

Mathai 3:2 Iomraidhean Croise

1Manghai 8:47

Tedae a sol nah khohmuen ah a lungbuei ah pahoi mael uh. Amih a sol nah khohmuen ah namah taengla mael uh tih rhennah a bih vaengah 'Ka tholh uh tih ka paihaeh uh dongah ka boe uh' a ti atah.

Joba 39:12

Na cangti te a khuen, a khuen vetih na cangtilhmuen a coi ni tila te te na tangnah a?

Joba 42:6

Te dongah ka kohnue coeng tih laipi neh hmaiphu khuiah damti coeng.

Ezekiel 33:11

Amih te thui pah. Kai tah hingnah ni. He he Ka Boeipa Yahovah kah olphong ni. Halang kah dueknah dongah khaw ka naep pawt dongah halang khaw a longpuei lamloh lat mael saeh lamtah hing saeh. Na boethae longpuei lamloh mael rhoe mael laeh. Balae tih Israel imkhui loh tarha na duek eh?

Mathai 10:7

Aka cet rhoek loh, 'Vaan ram yoei coeng,' tila thui lamtah hoe uh.

Mathai 11:20

Te phoeiah a thaomnah a kumngai a tueng sak kho rhoek te a yut uh pawt dongah ol a tong tih,

Mathai 12:41

Laitloeknah hnin ah Nineveh hlang rhoek tah hekah cadil taengah pai uh vetih a boe sak ni. Jonah kah olhoe dongah amih yut uh. Tedae hekah aka om he Jonah lakah len dae ta he.

Mathai 13:11

Jesuh loh amih te a doo tih, “Vaan ram kah olhuep ming sak ham nangmih taengah m'paek coeng dae te rhoek taengah a paek moenih.

Mathai 13:24

A tloe nuettahnah te amih a paek tih, “Vaan ram tah amah lo ah cangti then aka tuh hlang neh vai uh.

Mathai 13:31

A tloe nuettahnah amih a paek tih, “Vaan ram tah mukang mu phek la om, te te hlang loh a loh tih a lo ah a tue.

Mathai 13:33

A tloe nuettahnah neh amih te, “Vaan ram tah tolrhu phek la om. Te te huta loh a loh tih vaidam khoi thum khuiah a hlum vaengah boeih a rhoi sak,” a ti nah.

Mathai 13:47

Vaan ram tah tuili khuila lawk aka voei bangla om bal tih namtu cungkuem lamkah khaw a coi.

Mathai 13:52

Te dongah amih taengah, “Vaan ram kah aka bang cadaek boeih tah a khohrhang khuikah a rhuem neh a thai aka pok hlang imkung phek la om,” a ti nah.

Mathai 18:23

Te dongah vaan ram tah a sal rhoek taengah bitat soepsoei ham aka ngaih hlang manghai neh vai uh.

Mathai 20:1

Vaan ram tah imkung hlang pakhat phek la om. Anih tah a misurdum kah bibikung coep ham yue cet.

Mathai 22:2

“Vaan ram tah a manghai pa neh vai uh. Te long a capa ham yulueinah a saii pah.

Mathai 23:13

Anunae nangmih cadaek rhoek neh Pharisee hlangthai palat rhoek, hlang kah hmaiah vaan ram te na khaih uh tih, namamih khaw na kun uh pawh, aka kun rhoek te khaw kun ham na hlah pa uh pawh.

Mathai 25:1

Te phoeiah vaan ram tah oila parha neh vai uh. Te rhoek loh amamih kah hmaiim te a khuen tih yulokung doenah la cet uh.

Mathai 25:14

Aka yiin ham hlang loh a sal rhoek te a khue tih a khuehtawn te amih taengah a tloeng pah.

Mathai 4:17

Te vaeng lamkah ni Jesuh loh, “Vaan ram te a yoei coeng dongah yut uh laeh," tila hoe ham neh thui ham te a tong.

Mathai 4:23

Jesuh loh Galilee kho tom ah cet tih, amih kah tunim ah a thuituen, ram kah olthangthen khaw a hoe, tlohtat boeih neh pilnam khuikah tlohnat boeih te a hoeih sak.

Mathai 5:10

Duengnah kongah a hnaemtaek rhoek tah a yoethen uh, vaan ram te amih kah ni.

Mathai 5:3

Mueihla khodaeng rhoek tah a yoethen uh, vaan ram te amih kah la om.

Mathai 6:10

Na ram tah ha pai saeh. Na kongaih tah vaan kah bangla diklai ah khaw soep saeh.

Mathai 6:33

Tedae Pathen kah ram neh a duengnah te lamhma la toem uh lah. Te daengah ni he rhoek boeih he nangmih taengah han thap eh.

Marku 1:15

Te vaengah, “A tue te soep coeng tih Pathen ram tah yoei coeng, yut uh lamtah olthangthen te tangnah uh laeh,” a ti.

Marku 1:4

Johan tah khosoek ah aka nuem la om tih tholh khodawkngainah dongah yutnah baptisma a kawng thui.

Marku 6:12

Te daengah cet uh tih tholh yut ham a hoe uh.

Luka 1:16

Israel ca rhoek te a Boeipa Pathen taengla muep a mael puei ni.

Luka 11:20

Tedae Pathen kah kutdawn neh rhaithae te ka haek koinih, nangmih soah Pathen kah ram ha pai coeng.

Luka 13:3

Moenih ta, nangmih taengah kan thui, na yut uh pawt atah boeih na poci uh van ni.

Luka 13:5

Moenih ta, nangmih taengah ka thui, na yut uh pawt atah boeih na poci uh van ni,” a ti nah.

Luka 15:10

Te vanbangla nangmih taengah kan thui, “Hlangtholh pakhat a yut soah ni Pathen kah puencawn rhoek hmaiah omngaihnah a om,” a ti nah.

Luka 15:7

Te vanbangla nangmih taengah ka thui ' yutnah aka ngoe pawh hlang dueng sawmko pako so lakah aka yut hlangtholh pakhat soah ni vaan ah omngaihnah a om eh.

Luka 16:30

Tedae te long te, 'Moenih, a pa Abraham, aka duek tangtae pakhat loh amih te paan koinih yut uh ni,' a ti nah.

Luka 21:31

Te vanbangla nangmih long khaw he he ha thoeng tih na hmuh uh vaengah Pathen kah ram tah pai tom coeng tila ming uh.

Luka 24:47

Jerusalem lamkah loh tong uh lamtah namtom boeih taengah tholh khodawkngainah ham yutnah te amah ming neh hoe ham a daek tangloeng coeng.

Luka 6:20

Te phoeiah a hnukbang rhoek te Jesuh loh a mik a huel thil, “Khodaeng rhoek tah a yoethen pai, Pathen ram tah nangmih kah ni.

Luka 9:2

Te phoeiah Pathen ram hoe ham neh tattloel hoeih sak ham a tueih.

Caeltueih 11:18

A yaak uh vaengah sap duem uh tih Pathen te a thangpom uh. Te dongah, “Hingnah ham yutnah te Pathen loh namtom taengah khaw a paek coeng,” a ti uh.

Caeltueih 17:30

Kotalhnah tue vaengah Pathen loh n'hnoelrhoeng mai cakhaw hlang boeih te yut sak ham khotomrhali a uen coeng.

Caeltueih 2:38

Tedae Peter loh amih taengah, “Yut uh lamtah na tholh khodawkngainah ham nangmih khat rhip loh Jesuh Khrih ming dongah nuem uh lah. Te daengah ni Cim Mueihla kah kutdoe te na dang uh eh.

Caeltueih 20:21

Pathen taengah yutnah neh mamih Boeipa Jesuh ah tangnah khueh ham te Judah rhoek neh Greek rhoek taengah khaw ka laipai coeng.

Caeltueih 26:20

Tedae lamhma la Damasku ah, te phoeiah Jerusalem, Judea paeng pum neh namtom rhoek taengah khaw tholh yut tih Pathen taengla mael sak ham, yutnah neh a tingtawk la khoboe hlawt ham ni ka puen pah.

Caeltueih 3:19

Te dongah yut uh lamtah ha mael uh laeh. Te daengah ni na tholhnah te hang huih eh.

2Korin 7:10

Pathen kongaih la kothaenah loh khangnah ham yutnah te khangmai la a saii. Tedae diklai kah kothaenah loh dueknah a thoeng sak.

Kolosa 1:13

Amah loh yinnah kah saithainah lamloh mamih n'hlawt tih a lungnah a Capa kah ram la m'puen sak coeng.

2Timothy 2:25

Thimkalh rhoek muelhtuetnah neh toel mai. Amih te Pathen loh oltak mingnah dongla yutnah khaw a paek khaming,

Hebrew 6:1

Te dongah Khrih kawng tongnah olka te khueh uh sih. A soepnah la la thoeih uh sih. Aka duek bibi lamkah yutnah,

2Peter 3:9

Boeipa loh olkhueh ham a hnong moenih. A ngen loh a hnong bangla a poek uh. Tedae nangmih taengah a thinsen. Pakhat khaw thup ham pawt tih yutnah dongla boeih ael sak a ngaih.

Olphong 2:21

Yut ham a tue khaw anih ka paek dae amah kah cukhalhnah te yut ham ngaih pawh.

Olphong 2:5

Te dongah me lamkah na tlak uh khaw poek uh. Yut uh lamtah lamhma kah khoboe te saii laeh. Te pawt koinih nang kam paan vetih na hmaitung te a hmuen lamkah ka khoe ni. Na yut pawt koinih ne.