Mathai 11:1 - Matu Bible

¹ Jesuh loh a hnukbang rhoek hlainit a uen te a khah vaengah, amamih kah khopuei rhoek ah thuituen ham neh hoe ham te te lamloh thoeih.

Matu Chin New Testament 2006

¹ Jesuh lawng a hubang thlaangha thlaihih tengah he awl he a thui pe coengah te huen kalawng tho tih cang puei ham oen awlthang phawng ham a teng-avai kah khawpui boeih ah cet.

Mathai 11:1 Iomraidhean Croise

Mathai 28:20

Nangmih kang uen boeih te tuem sak ham amih te thuituen uh. Kai khaw nangmih taengah kumhal kah a bawtnah duela hnin takuem ka om coeng he,” a ti nah.

Mathai 4:23

Jesuh loh Galilee kho tom ah cet tih, amih kah tunim ah a thuituen, ram kah olthangthen khaw a hoe, tlohtat boeih neh pilnam khuikah tlohnat boeih te a hoeih sak.

Mathai 7:28

Jesuh loh ol a khah vaengah a thuituennah soah hlangping tah let uh.

Mathai 9:35

Te phoeiah Jesuh tah khopuei boeih neh vangca tom la cet tih, amih kah tunim ah a thuituen. Ram kah olthangthen te khaw a hoe, tih tlohtat boeih neh tlohnat boeih te a hoeih sak.

Marku 6:12

Te daengah cet uh tih tholh yut ham a hoe uh.

Luka 23:5

Tedae amih loh a mangkhak la, “Pilnam a hueh tih, Galilee lamloh he hil, Judah tom ah pahoi a thuituen,” a ti uh.

Luka 8:1

Te a poeng phoeiah amah loh khopuei boeih neh vangca patoeng a hil. Te vaengah Pathen ram te a hoe tih a olthangthen a thui. A hnukbang hlainit loh anih te a puei uh.

Johan 15:10

Kai kah olpaek te na kuem atah kai loh a pa kah olpaek rhoek te ka kuem. Amah kah lungnah dongah ka om bangla kai kah lungnah dongah na om uh bitni.

Johan 15:14

Kai loh nangmih kan uen te na saii uh atah nangmih khaw kai kah paya rhoek la na om uh.

Caeltueih 1:2

Te tah Jesuh loh a saii ham neh thuituen ham a tong lamloh Mueihla Cim dongah caeltueih rhoek a uen khohnin hil kah ni. Amih ni a tuek tih a loh.

Caeltueih 10:38

Nazareth lamkah Jesuh te Pathen loh Mueihla Cim neh thaomnah neh a koelh. Anih tah tlangnaem tlangphai la pongpa tih Pathen loh anih taengah a om puei dongah rhaithae kah a phaep rhoek khaw boeih a hoeih sak.

Caeltueih 10:42

Hlang duek hlang hing kah laitloekkung la Pathen loh anih a hmoel te pilnam taengah hoe tih uen ham mamih ng'uen.

1Thessalonika 4:2

Boeipa Jesuh rhang neh nangmih taengah me bang oluen kan paek uh te khaw na ming uh.

2Thessalonika 3:10

Nangmih taengah ka om uh vaengah pataeng nangmih te he ni kang uen uh. Khat khat long ni bi saii a ngaih pawt atah ca van boel saeh.

2Thessalonika 3:6

Manuca rhoek nangmih te mamih kah Boeipa Jesuh Khrih ming neh kang uen uh. Vapsa la aka pongpa tih manuca boeih te na rhael uh. Te dongah tebang singyoe te kaimih lamkah na dang uh moenih,

1Timothy 6:14

Mamih Boeipa Jesuh Khrih kah a phoenah duela olpaek te cuemhmuet neh hmabuet la na tuem mako.