Mathai 10:6 - Matu Bible

⁶ Tedae Israel imkhui kah tu aka poci rhoek taengah mah cet uh.

Matu Chin New Testament 2006

⁶ Te lak ah Israel thlaangphun aka auh tuu tengah cet uh.”

Mathai 10:6 Iomraidhean Croise

Tingtoeng 119:176

Tu bangla kho ka hmang tih aka milh dae, na sal he na na olpaek ka hnilh pawt dongah n'tlap lah.

Isaiah 53:6

Mamih boeih he tu bangla kho m'hmang uh. Hlang long he amah mah kah khosing la n'hooi uh coeng. Te dongah mamih boeih kah thaesainah te BOEIPA loh anih pum dongah a hong.

Jeremiah 50:17

Israel khaw sathueng kah a yaal tu bangla a heh coeng. Lamhma ah Assyria manghai loh a yoop tih a hmailong he Babylon manghai Nebukhanezar loh a khat pah.

Jeremiah 50:6

Ka pilnam he boiva aka milh bangla om rhoe om coeng. Amih aka dawn loh amih te kho a hmang sak tih tlang ah hnukcol la mael sak. Tlang lamloh som la luei uh tih a kolhmuen te a hnilh uh.

Ezekiel 34:16

Aka milh te ka toem vetih a heh tangtae te khaw ka mael puei ni. Aka khaem te ka poi pah vetih aka nue te tha ka caang sak ni. Tedae pulpulh aka tlungluen khaw ka mitmoeng sak vetih tiktamnah neh ka luem sak ni.

Ezekiel 34:4

Aka nue te na moem uh pawt tih aka tlo te na toi uh pawh. Aka khaem te na khop uh pawt tih a heh uh te khaw na mael uh puei pawh. Aka milh te khaw na toem uh pawh. Tedae amih te mangkhak la, thama la na buem uh.

Ezekiel 34:6

Ka boiva loh tlang tom neh som a sang tom ah la palang uh. Diklai hman tom ah ka boiva loh a taekyak vaengah toem voel pawt tih tlap voel pawh boeih.

Ezekiel 34:8

Kai tah hingnah hingnah ni tite Boeipa Yahovah kah olphong ni. Ka boiva te maeh la om mailai pawt nim? Ka boiva loh khohmuen mulhing boeih kah cakok la a poeh he khaw dawn voel pawt tih a toem pawt dongah ni. Ka boiva te ka dawn sak dae amamih aka dawn la luem tih ka boiva te dawn uh pawh.

Mathai 18:10

He camoe rhoek khuikah pakhat khaw na hnaep uh pawt ham ngaithuen uh. Nangmih ham kan thui, vaan ah amih kah puencawn rhoek loh vaan kah a pa maelhmai te a hmuh uh taitu lah ko.

Mathai 18:11

Hlang capa tah aka hma rhoek khang ham ni a ha pawk.

Luka 24:47

Jerusalem lamkah loh tong uh lamtah namtom boeih taengah tholh khodawkngainah ham yutnah te amah ming neh hoe ham a daek tangloeng coeng.

Caeltueih 13:46

Te vaengah Paul neh Barnabas loh sayalh la, “Pathen kah olka te thui lamhma nangmih taengah om tangkik. Te te na tueihno uh parhi vaengah dungyan hingnah amih lai na tloek khaw na tiing uh moenih. Namtom taengla ka mael uh coeng ne.

Caeltueih 18:6

Tedae amih te a pakai tih a soehsal uh phoeiah himbai a khong uh. Amih te, “Na thii loh nangmih lu dongah tla saeh. Kai tah ka caih, tahae lamkah tah namtom taengah ka cet pawn ni,” a ti nah.

Caeltueih 26:20

Tedae lamhma la Damasku ah, te phoeiah Jerusalem, Judea paeng pum neh namtom rhoek taengah khaw tholh yut tih Pathen taengla mael sak ham, yutnah neh a tingtawk la khoboe hlawt ham ni ka puen pah.

Caeltueih 3:26

Na halangnah te rhip na mael tak tih nangmih yoethen sak ham ni Pathen loh a ca te nangmih taengah lamhma la han tueih tih a thoh sak.

1Peter 2:25

Tu bangla na om uh dongah na taengphael uh. Tedae tudawn neh na hinglu hiphoelkung taengla na bal uh coeng.